امجد ارتبك واتوتر من كلام احمد بس حاول يكون طبيعي وقال في توتر واضح : اوزن كلامك بعدين طلعو انت هاماك تمني بي شنو ؟ اتزوجت البتحبها ... وعايش معاها اجمل ايام حياتك .. وحتي م بتراعي لي مشاعر تمني.... وهاجرها حتي حقها الشرعي حارمها منو 😡 وهي صابره وساكته حرام عليك..
احمد في غضب : يبدو انها م بتخبي عليك اي حاجه......
امجد : ياخ ياريت لو بتحكي لي زول حاجه كان علي الاقل بتخفف عن الالم العايشاهو...
احمد : هههه انا بهظر معاك مالو الكلام اكل معاك جنبه بعد انا اطلقها ناوي تتزوجا ولا شنو ؟ 😅 شايفك بتدافع عنها بشده .. بعدين م تخاف بعد تتم العده حقت الطلاق ممكن تتزوجا عادي لا حرج في الموضوع شرعا...
امجد : لا.. انت عقلك طار خالص 😡
احمد في جديه : الوضع دا اكيد م ح يدوم انا مخليها بس عشان امي م تغضب علي .
امجد شال الجاكت حقو وبقي يلبس فيه وقال : وقال افضل شي امشي من قدامك
◾◾◾◾◾◾◾◾
تمني دخلت المكتب ورمت الساندوتش في التربيزه والعبره مسكتا وبقت تبكي شديد 😭 بعد عشره دقايق كدا الباب دق وكانت قافلاه من جوه بالمفتاح وقالت وهي بتمسح في دموعا : منو ؟
*دا انا امجد ممكن تفتحي لي الباب ؟ .
تمني مسحت دموعا كويس وحاولت ترسم شبح ابتسامه علي وشها ومشت فتحت الباب ودخل امجد وقعد وقال ليها في حزن : ٱنا آسف ..
تمني : علي شنو ؟ انت م عندك اي ذنب في اي حاجه .
امجد : يلا نتغدا بره الشغل يطير البحصل شنو لو اجلنا لي بكره .
تمني : م عندي مزاج اطلع 😔.
امجد : الاعتذار مرفوض .
بعد شويه الباب تاني دق وكانت منال والده تمني وامجد سلم عليها وطلع خلاها مع بتها... .تمني كانت متجهة ناحيه الزاويه . بس منال قربت منها وقالت والدموع في عيونا : قلبك قسي علي امك خلاص ؟💔
تمني سكتت م قالت اي شي 😔 ودموعها جرت... منال : م متخيله انك شهر م تردي علي تلفوني وترفضي تستقبليني في بيتك الا اشتياق تشيل وتعتذر ي حليلها
تمني : انتي عارفه ي ماما السبب شنو ؟ م متخيله انك تنصري زوجك علي انا بتك الكبيره 😭 جرحتيني شديد... وخليتيني اقبل وضع مستحيل وحده تقبله علي نفسها ختي نفسك محلي ...
منال حضنتها وقالت : معليش ي نور عيوني انا مرضت دايره اموت وفقدتك .
تمني جات عليها وبقت تتحسس وشها وتقول في خلعه : مالك ي ماما شاعره بي شنو ؟ وكان عندك شنو ؟؟ واخدتي ياتو علاج ؟
منال ضمتا عليها وقالت : انا كويسه ي بتي م تخافي علي انتي علاجي انتي دواي ❤
تمني حضنت امها وبقت تبكي في تشنج وبعد شويه جا امجد وقال : احم احم شنو الجلسات الحميمه دي يعني نحن نطلع منها.
