دخلت تمني الكافي.... وبقت تتلفت...... الناس بقت تعاين ليها...... وتتهامس...... قعدت في ركن بعيد...... دموعها لسه في وشها جا الجرسون طلبت مويه......... وطلبت شاي...... شالت اول رشفه...... لمحت امجد جايي من بعيد لابس بدله سوداء انيقه وقميص اسود وكرفته رمادي فاتح ......
امجد 25 سنه...... طويل.... اسمر...... شعره مسبسب .... وسيم جدا..... وقف يفتش عنها وفجأه لمحها ومشي عليها ودقات قلبه بتتسارع...... سلم عليها وبقت تبكي وهو احتار واداها منديل... اهدي...... كل حاجه بتتحلي...... تمني مسحت دموعا...... م عايزه ارجع الفندق وديني اي حته بعيد عن هنا 😭😭........امجد....... بس احمد ح يزعل اذا عرف انك...... تمني... لا هو بنوم م بحس بي 😭...... ارجوك م بقدر اتصل علي ماما عمو السر لسه م رجع واذا عرف مشكله 😩 امجد........ طيب خلاص يلا اوديك البيت... تمني... لا لا م قادره اواجه زول 😔
امجد...... صدقيني دا افضل محل ليك لحدي الصباح نشوف البحصل شنو؟.........
🖤🖤🖤🖤🖤🖤🖤🖤
احمد طلع من الحمام وعاين علي البلكونه...... ورجع رقد في السرير ونام علي طول...... امجد اتصل عليه وبعد مسافه رد بصوت ناعس...... امجد ؟ خير في شنو؟
....... امجد لا خير حبيت اطمنك انو تمني معاي وداخلين علي البيت...... احمد قعد علي حيله ونطط عيونه...... تمني ؟ وين هي ؟ موش في البلكونه...... امجد غضبان...... عيب عليك م عارف مرتك وين ؟ تعال في البيت وصالح مرتك حرام عليك ياخ......
❤❤❤❤❤❤❤❤
دخل امجد ومعاه تمني طبعا...... امجد بقي ينادي...... يا امي...... إمتنان.... البيت فيه صمت رهيب......... بعد شويه جات زينب الشغاله وبقت تعاين لي تمني في دهشة...... امجد...... وين الحجه وإمتنان ؟...... مشو لي خالتك سيده وبايتين بجو بكره لانها عيانه ...... امجد...... حاول تلفوناتهم مافي رد...... امجد...... جهزي عشا سريع...... تمني... م عندي نفس اتعشا انت.... امجد ابتسم...هنا مافي حاجه اسمها اتعشي انت والحاجات دي..... يلا علي السفره
اكلت كم لقمه ومشت تنوم...... امجد وداها غرفه احمد...... وطلع بعد طفي النور...... والمسكينه نامت علي طول...... امجد بعد نزل لقي زينب نامت وماشي علي غرفته سمع صوت الباب بفتح في عصبيه...... احمد قفل الباب وهو بصرخ...... تمنيييي يازفت ي الاسمك تمني 😡...... امجد جا عليه... احمد استهدي بالله تمني فوق في غرفتك ونايمه ..... الصباح رباح...... احمد بصوت عالي...... امي وين ؟ انا خلاص فاض بي 😡 كيف تطلع بالليل براها وبدون اذني...... امجد... الحجه وإمتنان مافي بايتين عن ناس خالتك سيده..... احمد...... يعني انت وتمني في البيت براكم ؟......... امجد...... ايوه انا مفتكر الحجه واختك في... بعدين في شنو؟ انت قاصد حاجه 😠 احمد طلع غرفته وهو بنادي في تمني في غضب وامجد ماشي وراه وبحاول يهدي فيه...... دخل الغرفه وولع النور ولقي تمني في سبات عميق والدموع في عيونا...... مشي عليها عايز يجر الغطي منها...... امجد قال وهو غضبان...... انت م عندك رحمه ؟ الغربه غيرتك وضيعت انسانيتك...... احمد اتلفت عاين ليه😡 وقال...... من يوم شفت نظراتكم يوم الزفاف لي بعض جات في راسي عده تسآولات 🤔 ياتري الزوله العرستها دي هي نفس البت الكنت بتحبها ؟...... امجد ارتبك ومسح حبات عرق نبعت من جبينه ورد 😢........ اااا قلت شنو؟ اكيد انت م طبيعي...... احمد لو سمحت م تتدخل بيني وبين مرتي ممكن ؟...... امجد نزل السلم بسرعه ودخل غرفته وقفل الباب وبقي يبكي...... سامحيني م قدرت احميك......
🖤🖤🖤🖤🖤🖤🖤🖤
رجعت منال من بيت الازياء منهكه وباين عليها الاعياء..... تاليه بتها...... ماما اتأخرتي الليله كنت ح انوم واسيبك 😔............منال ابتسمت...... تعالي في حضن ماما ❤ معقوله يجيك نوم ومامتك لسه م جات😅...... تاليه... .ماما انتي عارفه عندي مدرسه بدري...... منال حضنتا وبتداعب في شعرها...... عارفه ي روحي انتي مشتاقه لي اختك 💔 وانا كمان قلبي واجعني..... شفت لي حلم .....اللهم اجعله خير 💔...... تاليه مشت جابت التلفون ومدته لي منال...... يلا ماما اتصلي عليها...... منال مسكت التلفون.....حبيبتي لكن الوقت اتأخر بنزعجا... فجأه سمعو صوت صراخ شديد..... تاليه ارتعبت 😳......منال دخلتها غرفتها وطلعت الطابق الاول...... هناك لقت زوجها نادر نازل.... عاينت ليه انزعجت...... نادر المطلعك فوق شنو ؟ ارحم الضعيف ياخ انا شكلي م ح ارتاح الا ارقد في القبر 😩 حسبي الله ونعم الوكيل..... نادر... ي مره بتحسبني علي مالك انا ناقصك انتي كمان 😡 غوري من قدامي...... الريحنا من بتك العامله زي سلك الاقاشي ديك......يريحنا منك........ بعدين طول م انا موجود في البيت دا بطلع فوق.... مشت منال من قدامه ودخلت الغرفه وقفلت الباب عليها...... نادر لمن وصل كانت طفت النور...... قال من ورا الباب...... لا..... دي م بقت عيشه ولما الواحد يعاين بره تقولي عينو زايغه الواحد حتي ابسط حقوقه م لامي فيها.... منال السيد... 40 سنه جميله... قواما رشيق صاحبه بيت ازياء مشهور في ... عندها بتين.... تمني هاشم حسن... تاليه نادر 13 سنه تدرس بالصف الثامن ....
❤❤❤❤❤❤❤❤
صحت تمني بي صوت جرس الباب ..... عاينت لقت احمد راقد جنبها...... انتفضت بسرعه قامت من السرير.....لبست عبايه وطلعت بره سمعت صوت اشتياق بتسلم...... فرحت... حست بالامان ..... نزلت بسرعه...... اشتياق سلمت عليها وقالت...... في شنو ي بتي مالكم 😔 انتو عرسان...... تمني بكت وحضنت اشتياق وقالت...... انا عايزه اطلق 😭 احمد م بحبني وبتعامل معاي بقسوه ....
يتبع ....
