امجد صلح قعدته وقال : خير ي حجه مفآجأة شنو ؟
اشتياق باست حمودي وباست امجد وقالت : بكره من الصباح تأجل لي شغلك دا عشان عندنا مشوار مهم جدا...
إمتنان صرخت : ي سلاااام اخيرا 😍😍
امجد في دهشه : احكو لي م تخلوني عايم كدا 😅
اشتياق : بكره ح نمشي من الصباح نطلب يد تمني...... وكمان نحدد مواعيد الزواج طوالي 😍😍
امجد نط من الفرحه وحضن اشتياق وقال : ربنا يخليك لينا ي ست الكل ...
ومسك حمودي وباسو وهو بقول ليه : شفت وشك حلو علي عمك كيف ي وش الخير انت❤❤❤
إمتنان : الحمد لله... رايكم شنو زواجنا يكون في يوم واحد ؟ بصراحه اشتياق الحكيم دي تاني م بضمنها بعد لقت حفيدها دا تقوم تغير لي رايها من العرس اصلا هي وافقت بعد سله روح...
امجد : هههههه والله ي إمتنان عندك حق 😂😂
اشتياق : والله انتو الحسنه م بتنفع فيكم اصلا 😒👿
فجأه الصغير بكي امجد قال لي زينب : في الشنطه دي اللبن حق حمودي جهزي ليه رضعه بكون جعان ،،،، انا داخل ارتاح تعبان م نمت خالص...
دخل غرفته وشحن التلفون وحاول يتصل بي تمني بس تلفونا كان مقفول وبعدها من التعب نام لحدي الصباح ،،،
❤❤❤❤❤❤❤❤
صحت تمني من النوم بمزاج سيئ جدا وفتحت التلفون ،،،،، لقت مكالمات غير مستلمه من امجد وم اشتغلت بالموضوع كتير... استحمت ولبست عبايه خليجيه انيقه وقعدت في الهول تتونس مع ابوها وناديه... فجأه جرس الباب رن ومشت حنان تشوف منو وطلعت اشتياق وإمتنان ومعاهم حمودي ،،،،،،
تمني قامت بسرعه وجرت عليهم وسلمت في لهفه وفرح وبعدها اشتياق قالت : معليش جينا بدون مواعيد بس نحن م ضيوف وح تزيد الروابط بينا اذا قبلتو طلبي ،،،،
هاشم في فرح : خير ان شاء الله طلباتك اوآمر......
اشتياق : تسلم ي اخوي...... يشرفني اطلب يد بتكم تمني لي امجد ولدي......
تمني وشها بقي احمر من الخجل وسكتت م قالت اي حاجه......
هاشم ابتسم وقال وهو بعاين لي تمني : امجد زين الرجال ويا بخت الببقي من نصيبها بس لازم نسأل العروس لانها صاحبه الشأن... اها ي تمني رايك شنو؟
تمني ارتبكت وخجلت وجرت دخلت غرفتها وكلهم ضحكو وقالو السكوت علامه الرضا .
هاشم : وين العريس ؟
فجأه جرس الباب رن من جديد وكان امجد ومعاه المأذون ،،،، ناديه صرخت في فرح وقالت : ايوه خلونا نفرح شويه قربنا ننسي طعم الفرح...
