تمني استغربت من رد فعل امها وقالت : في شنو ماما انا قلت حاجه غلط ؟
منال في غضب : اكيد انتي ح تموتيني ناقصه عمر 😡 كيف تساعدي امجد بي مبلغ كبير زي دا ؟ بعدين كده بتثبتي لي احمد والناس انو في حاجه بينكم فعلا 😡
تمني في حزن : اذا انتي ماما بتفكري كدا م بلوم احمد لو عمل اي شي 😞
منال : حبيبتي انا م بقصد حاجه بس انتي
م عندك سند ،،، وابوك م معروف وين ،، يعني المال دا ضهرك وحمايتك انا م دايمه ليك،،، الليله معاك وبكره امكن اكون مافي واختك كمان لسه صغيره وم عندها غيرك .
تمني : ماما ربنا يخليك لي ويطول عمرك ،،، بس امجد دا زي اخوي م بقدر م اساعده ،، مستحيل اتجاهل مشكلته وانا في يدي الحل بعدين سندي ربنا وهو الدايم عمره المال م كان سند لي زول ..
منال : واضح انك مقتنعه ومجهزه اجاباتك 😒😒 طيب ماخده رايي ليه ؟
تمني باست يدها وقالت : ماما انتي الخير والبركه وبدون موافقتك م بعمل اي شي .
منال : ي بتي المال مالك وانتي حره فيه اعملي البريحك .
تمني : كدا زعلتيني انا بتك حبيبتك وانا ومالي رهن اشارتك .
منال حضنتها في حنان وقالت : روحي انا م قصدي حاجه امجد طيب ويستاهل كل خير .
تمني : م تشيلي هم انا بدخل معاه شريكه بالربع ومتأكده دا ح يكون شرطه عشان يقبل مساعدتي .. امجد شخص فاضل ويستاهل كل خير ... بعد طلعت لاحظت عربيه فخمه وقفت جنب المحل ونزل السواق وفتح الباب الوراء وهو بقول : اتفضلي مدام سلام وصلنا.... نزلت سيده في بدايه الاربعين ،،، جميله ،،، انيقه وتبدو اصغر من عمرها بعشره سنوات واضح عليها الرقي واللطف ،،،، اتلفتت عاينت لي تمني وقالت وهي بتبتسم : تمني ؟ ياتري دي تمني بت هاشم ؟ السواق ،،، ممكن نتأكد م خسرانيين حاجه ،،، اناديها ؟ سلام : لا انا بناديها ،،، تمني...
وقفت تمني واتلفتت اتجاه الصوت وقالت : قصدك انا ؟ سلام قربت منها ،،، ايوه !! انتي تمني هاشم ؟
تمني : ايوه ،،، وانتي ؟
سلام بتتأمل فيها : شبه خيالي ،،،
تمني : عفوا ،،، قصدك منو ؟
سلام : بقصد ابوك ،،
تمني بان عليها الحزن : بابا ؟ انتي بتعرفي بابا ؟
سلام طبطت علي خدها : ايوه حق المعرفه ،،، بس حاليا مشغوله شديد ،،، لكن اكيد ح نتلاقي ونحكي ،،،،، مدت يدها للسواق وناولها كرت صغير وقالت وهي بتناوله لي تمني : انا سلام شهاب الدين ودا الكرت تبعي،،،اتشرفت بمعرفتك ...
تمني مسكت الكرت وهي بتقول : وانا...
❤❤❤❤❤❤❤❤
طول الطريق و تمني مستغربه في حكايه سلام 🤔 بس علي قدر م هي مستغربه كمان فرحانه 😍 اخيرا شخص بعرف ابوها ،،،،،
