كان... حسام سليم ،،، وقف ومد يده لي تمني في ادب وقال : اهلين تمني...
تمني باين عليها الارتباك : اهلين حسام...
قعدت جنب إمتنان بدون م تقول حاجه..
إمتنان : آسفه م قصدي اختك امام الامر الواقع... بس انتي اختي ولازم تساعديني 😢
تمني : انا في يدي شنو لكن ؟
حسام : امجد بحترمك وبحترم رايك... ممكن تأثري عليه ويغير رايه
تمني : بصراحه ي حسام انا البعرفو عنك م بخليني اثق فيك او اقبل انك تتزوج إمتنان....
حسام بلع ريقه في صعوبه : بس انا م حسام الزمان ،،،حبي للبت دي غيرني وخلاني اكون انسان تاني ،،،
تمني : طيب عشان خاطر إمتنان انا بحاول اقنع امجد بإعاده التفكير في موضوعكم ،،، بس ياريت انت تكون اتغيرت فعلا موش مجرد كلام ،،،،
حسام : شكرا ،،،،، دا جميل عمري م بنساه.
تمني : حاليا م بقدر اوعدك بي شي ،، بس ببذل قصاري جهدي وطبعا في النهايه القرار م عندي انا...
إمتنان حضنت تمني... عمري م بنسي وقفتك معاي دي ،،، حبيبه قلبي ❤
💜💜💜💜💜💜💜💜
وصلت تمني البيت متأخره ولقت الجميع في الهول... سلمت وقعدت ،،، تاليه قربت منها وهي زعلانه : بقيتي م بتقعدي معاي ولا حتي بشوفك 😔
تمني ضمتها .. حبيبتي انا لو م قعدت معاك ح اقعد مع منو ؟
فتحت شنطتها وهي بتقول : وعشان تعرفي اني بفكر فيك علي طول شوفي جبت ليك شنو 😍
تاليه مسكت الكيس وفتحته وهي بتقول ،،،،، نوتيلا وشيبس وشيكولاته ي سلاااام 😍😍😍
حضنتها وشالت الكيس وجرت علي غرفتها ،،،
منال : ههههه م ح تدينا معاك ؟
ناديه : بري ي ختي ،،، الحاجه البتجيبها ليها تمني دي غاليه جدا عندها ،،، شوفي حتي الشاي م شربتو 😅
منال : الشي المريحني انك بتحبي اختك شديد وهي بتموت عليك ،،، يعني لو حصل لي حاجه بكون مطمنه عليكم ،،،،
تمني : بعد الشر عليك ماما 😔
تمني عايزه تقفل شنطتها لمحت الكرت حق سلام شهاب الدين وقالت : ماما بتعرفي سلام شهاب الدين ؟
منال اتشرقت بالشاي حنان جات جاريه ومعاها كاسه مويه ،،،،
شربت حبه وسكتت مسافه .. وبعدها قالت: من وين عرفتيها ؟ اكيد جاتك في المكتب صاح ؟ هي عايزه مننا شنو ؟ موش كفايه دمرت حياتنا ،،،،
تمني في دهشه... ماما اهدي شويه ،،،
منال : قابلتي المره دي وين ؟
