تمني اتحسنت شديد بعد وجدت الدعم من امجد وإمتنان...... اشتياق جات من البلد بعد جابت عمتها من هناك للعلاج وقابلت بيها اكبر االاختصايين وبقت كويسه بس اشتياق قالت ليها...... تقعد فتره نقاهة وبعدين لو عايزه ترجع❤❤❤❤❤❤❤❤
صحت تمني بدري واخدت دوش وصلت وبعدها نزلت... في طريقها مرت بي غرفه احمد ومافي حركه يظهر انهم م صحو..... إمتنان لمحتا من بعيد وقالت : واااااو الفستان الكبدي ح ياكل منك حته 😊 مخبيه الجمال دا كله وين ؟ فعلا احمد اعمي بصيره 😊.... تمني صبحت عليها...... حبيبتي انتي العسل ❤... قعدت في الهول وبدت تشرب الشاي بس لاحظت نفيسه م شالت عينا منها...... ارتبكت شديد... وجاها اتصال كان بمثابه طوق النجاة...... فتحت التلفون وطلعت غرفتا عشان تتكلم مع سونا بإرتياح...... نفيسه عمه اشتياق كانت مركزه مع تمني شديد وبتعاين ليها من فوق لي تحت لحدي م اختفت عن الانظار وبعدها قالت......ضفر هبه بي رقبتا 😒 هبه ظريفه ووناسه واسم وجسم...... بس دي غير اللون دا وحبه السبيبات دي م عندها حاجه 😏.........
امجد : حبوبه لو سمحتي البت دي اصلا مجروحه وم صدقنا اتلمت علي نفسها برضو يعني الحصل ليها مافي زول بتحملو
نفيسه : لا اول ولا آخر وحده يعرسو فيها 😏
اشتياق : كلام امجد صاح ي عمتي خليها في حالها عليك الله نحن م صدقنا قبلت بالامر الواقع وجات ...
نفيسه : هوي م تعدموني النضمه بقول الدايره اقولو الله 😡
◾◾◾◾◾◾◾◾
تمني سمعت كلام نفيسه كله بس بدون قصد وجات قعدت في حذر جنبهم وهي متحاشيه الاحتكاك بي نفيسه بس في نفس الوقت مطمنه عشان كلهم قاعدين بس نفيسه سألتا : عرسوك ليك كم شهر لسه م بقيتو تلاته ؟.........
تمني بدون م تشعر قالت : بقينا تلاته انا واحمد وهبه ..
ودخلت غرفتا وقفلت الباب عليها والكل عاتب نفيسه وهي دافعت عن نفسها : هيي انا قلت شنو اسي ؟ بعدين ي اشتياق م تخلي مره ولد تطلع ليك في راسك وتمني دي باين عليها قاااسيه 😏😏
❤❤❤❤❤❤❤❤
إمتنان مشت لي تمني في غرفتا وقالت : م تصري لي وشك دا 😊
اذا كان عندك نسيبه عسل وعصريه زي ماما اشتياق.... وحما رائعه زي إمتنان لازم تجيك نسيبه حيزبونه زي ماما نفيسه 😉 بس صدقيني هي طيبانه بكره تفهمك وتحبك زي ما نحن حبيناك ❤ ..بعدين تستاهلي كان لازم اليوم داك تتسحبي من لسانك وتقولي (بتحاكيها) : نمشي بي عربيه امجد ..يودينا امجد😏 يعني لآزٍمٍ تشبكي فينا العكليتا دا ؟ مبسوطه طرشقتي علي موعد غرام 😊.
تمني بتضحك : اصلو م ممكن طيب كان تفهميني 😅 إمتنان : كنت عايزه الاقي حبيبي وعمري 💔 وروحي حسام سليم .
تمني نططت عيونا😳 وقالت : حسام سليم ؟
إمتنان : بتعرفيهو ؟
تمني... بصوت منخفض 🤔 ان شاء الله م يكون هو ....
إمتنان : نعم 😢تمني: سمعت عنو بصراحه بس م متأكده هل هو نفس الشخص البعرفو ......... سكتت تمني لما شافت اشتياق جات عليهم وطلبت منهم يمشو يودو نفيسه الدكتور عندها مقابله .
◾◾◾◾◾◾◾◾◾◾◾◾
احمد كان اسعد زول وهو مع البت الاختارها قلبو وعاش معاها اجمل ايام حياته...... صبح عليها وهي فتحت عيونا مبسوطه عشان احمد جنبها وقالت في دلال وانوثه : خلينا شويه حبيبي💔 الناس التحت ديل م بحبوني 😔 بحبو بس تمني .
ضماها احمد عليهو في حنيه وقال : منو القال كدا؟ ؟ بعدين حتي لو كلامك صحيح م مهم المهم انك نور حياتي وحلم عمري ي عمري بحبك 💔 ......
هبه : بكره تقسم الايام بيني وبينها 😔
احمد : انا كلي ليك ي عمري مافي زول بشاركك في الحب 💔 قلبي دا ملكك برااااك بدون منافس .
هبه فرحت واطمنت بالكلام دا شديد وحضنتو ورقدت وهي بتحلم بي يوم تتويجها ملكه علي الكل في البيت اشتياق وتمني وامجد وإمتنان وحتي احمد نفسه .
◾◾◾◾◾◾◾◾
بعد رجعو من العياده إمتنان جرت تمني علي غرفتها وقفلت الباب عليهم وقعدت في السرير معاها وقالت بصوت منخفض : احكي لي سريع عن حسام سليم الانتي بتعرفيه احتمال يجوز يكون تشابه اسماء 😊
تمني سرحت مسااافه وبعدها قالت : انتي بتحبي حسام دا ؟
إمتنان : لا مرتبطه بيهو شفقه واحسان 😅
تمني : كدا 😏 طيب امشي لي زول تاني يحكي ليك عنو ؟
إمتنان في رجاء : لا لا عليك الله انا بموت فيه💔 تمني... بفضل تحكي عنو انتي اول ..
إمتنان : اوووووف شغل التحريات دا 😏 لكن ي ستي امري لله .... حسام سليم عمرو 29 سنه شغال كابتن طيران في خطوط بحرينيه بتواجد في السودان حوالي عشره ايام بالتمام امه لبنانيه بس ابوه سوداني... شايل خلطه تجنن 💔 عنده عيون وحواجب تهبل وااااي لما امشي الاقيه الناس بتخليني انا وبتكون مبهوره بيه 😊 آه انا بحبه بجنون
تمني بتسمع فيها وهي بتحاول تخفي صدمتا وحزينه جدا بعد عرفت إمتنان بتحبه لي اي درجه 😰😰
إمتنان : توتو... سرحتي وين ؟ نحن هنا... م تكوني انبرشتي في حبيبي💔..... تمني : ههه
إمتنان : ههه؟ لا كدا اووفر احكي لي اعصابي م متحمله ...
تمني احتارت واحاصرت بالاسئله من كل جانب ....واضطرت ترد...... بصراحه كان خاطب صحبتي في الجامعه بس 😰
يتبع ....
