تمني وقفت مصدومه وعيونها اتملت دموع وهي بتعاين لي احمد في ذهول ....وبدون م ترد شالت شنطتها وفي الباب قالت : ياتو نوع من الرجال انت؟ فرق شاسع بينك وبين اسرتك وعلي فكره عيش حياتك وانت اصلا بره حياتي..
احمد في غضب : انتي م عايزه تصلي معاي لي حل 😡 انا متمسك بيك وم عايز افقدك .
تمني جات راجعه وقفلت الباب وقالت : انت عايز تعاملني زي عشيقه رخيصه تسرق الوقت عشان تبقي معاها لحظات ،، لكن غلطتا،، دي م بتلقاها عند تمني هاشم
وبعدين م بشرفني ارتبط بي جبان زيك و
قبل م تكمل حست بي صاعقه هوت علي خدها ومسكت خدها وهي م مصدقه وقالت ودموعها جاريه : طلقني عشان م ابهدلك في المحاكم ..
وطلعت تجري..... والموظفين بعاينو في دهشه وامجد لمحا وجا عليها وقال في فزع : تمني خير مالك ؟ 😳😳
تمني م ردت عليه وطلعت بسرعه علي البوابه وهو حصلها وهناك وقفا وقال : تمني الناس كلها بتعاين ليك هاك المفتاح اركبي العربيه حقتي وانا بحصلك بعد شويه .. مسكت المفتاح ومشت علي العربيه وهناك بقت تبكي بصوت عالي وتشنج وبعد قريب نص ساعه حست بي راحه وبعدها جا امجد وركب جنبها وساق العربيه وعلي شارع النيل... وهناك نزلو و مشت علي النيل وبكت من جديد وامجد قاعد في محل القهوه عشان تاخد راحتها وبعد اكتر من 20 دقيقه جات مرتاحه وقعدت جنب امجد وطلب القهوه وهي لسه سارحه وبعدها قالت : م عايز تسألني في شنو ؟
امجد : بحب دائما اخليك علي راحتك ولمن تحسي انك عايزه تتكلمي بتلقيني كلي آذان صاغيه 🙂
تمني : سبحان الله مافي علاقه بينك وبين اخوك خالص .
امجد : احمد تاني ؟
تمني : تاني وتالت ورابع...
امجد : م تتسرعي .
تمني : اول مره اتخذ قرار مقتنعه بيه 100%
امجد في اهتمام : خير
تمني : طالبه الطلاق .
امجد عاين ليها في دهشه وقال : اكيد م جاده .
تمني : اول مره احس اني صاح ،، عايزه اسألك .
امجد : بكل سرور
تمني : اذا اطلقنا انا واحمد وظيفتي بتكون موجوده في المصنع ؟
يعني نتيجتي جيد جدا عارفه ممكن اشتغل في اي محل،، بس انا حبيت الشغل في المصنع وفهمتو واتعودت علي الناس هناك بصراحه حبيت الشغل معاكم 😊😊
امجد : معقوله تفكري كدا انتي معينه رسمي وحتي لو م اتعينتي مكانتك محفوظه ي اختي العزيزه 😅😅
🔹🔹🔹🔹🔹🔹🔹🔹
امجد وصل تمني البيت ومشي لي بكري في محل الاثاثات حقه وانتظر المحل فضي وقال ووشو متغير : انا تعبت خلاص م قادر اتحمل اشوفها بتتعذب قدام عيوني وانا مكتف يدي 😞 قلبي موجوع عليها 💔 وم عارف اعمل شنو ؟ آخر شي طالبه الطلاق......
بكري :واحمد ح يطلق
امجد اخد نفس عميق وقال : انا بموت الف مره لما اشوف دمعه نازله منها 😔
بكري : ربي يكون في عونك ي اخوي...
❤❤❤❤❤❤❤❤
اشتياق انفجرت في البكي بعد سمعت موضوع الطلاق وهي قاعده جنب تمني و فشلت كل محاولاتها عشان تخليها تقعد وإمتنان كمان قاعده تبكي،، وهي بتلم في الملابس وبعد شويه جات هبه وعاينت ليهم وقالت في سعاده : ماشه اهلك خلاص ؟ خساره م ح تحضري ولادتي 😊 انا حامل !
اشتياق وإمتنان رده فعلهم عاديه جدا وبعد مسافه قالو ليها مبروك
ودا خلاها تموت من الغيظ لانهم مشغولين بي مشي تمني وحتي م فرحو لمن سمعمو ح يجيهم ولد وقالت ليهم في ضيق : تمني الكل في الكل في اي حاجه و
سكتت وعاينت لي إمتنان وواصلت : وانتي يالعامله صحبتا عارفه الكلم امجد بي علاقتك بي الولد البتحبيه منو ؟ صحبتك لقيتا في المطبخ بتحكي ليه عن حسام سليم ..
إمتنان وقفت علي حيلها وعاينت لي تمني في حزن وغضب وقالت : دا آخر ثقتي فيك ؟
وجرت بسرعه وهي بتبكي علي غرفتها واشتياق تنادي فيها وتقول : إمتنان انتظري م تتهمي زول قبل م تتأكدي لمجرد كلام من هبه .........
هبه حست انها انتصرت ونكدت عليهم ومشت غرفتا وهي مبسوطه تغني .
🔹🔹🔹🔹🔹🔹🔹🔹
اشتياق طبطبت علي بتها وقالت : م تسمعي كلام البت دي ،، هي تمني بالنسبه ليها عدوه يعني ح تعمل اي شي عشان تشوه صورتها قدامك وقدام وقدام اي زول لانها حاسه بي حبنا الكبير لي تمني... في حاجه غلط في الموضوع صدقيني ..
بعدين ي بت تعالي هنا حسام سليم دا منو كمان ؟؟
إمتنان مسحت دموعا وقالت : واحد بحبني وعايز يخطبني ..
اشتياق : لو زول كويس هي اول وحده ح تفرح ليك .
إمتنان : ارجوك ماما م عايزه اسمع سيرتها تاني ..
حضنتها امها وهي بتقول : بكره تنزاح الغيمه دي وتعرفي تمني علي حقيقتها واصلها الطيب وبتندمي ..
🔹🔹🔹🔹🔹🔹🔹🔹
منال مشت الميناء البري واستقبلت بت خالتها ناديه وجابتا علي البيت وكانت سعيده جدا لانها صحبتها شديد وقريبه ليها ...
قعدو في الهول ومنال بتسألها عن احوال ناس البلد وفجأة جرس الباب دق ومشت حنان عشان تفتح وكان عم تمني المغترب وجا بدون سابق انذار...
يتبع....
