هبه اتصلت علي امجد من الصباح وجات البيت عشان تقابله وبعد سلمت وقعدت قالت : م عايزه اضيع ليك زمنك... طبعا انت عارف اني كان عندي مشكله الحمل خارج الرحم وسافرت بره عشان اتعالج وقابلت اختصاصي هناك وفعلا بدا لي علاج ومن اول شهر حصل غياب بس م اتحمست لانو خفت كمان يكون خارج الرحم... م جبت لي احمد سيره وبعدها ظهرت اعراض المرض طعنات شديده في فترات قريبه ،،، المهم اهملت نفسي وبقيت مشغوله بي احمد وحتي م تابعت مع دكتوري ولمن احمد رجع السودان معاك مشيت قابلت تاني وطلعت حامل حمل طبيعي بس للاسف احمد اتوفي والدكتور مانعني الحركه وولادتي كانت صعبه جدا بس الحمد لله ربنا عوضني وجا ولد جميل وضميري انبني م قدرت اخبي اكتر ..
امجد : كان فيك تتصلي بالتلفون
هبه : اتوقعت اول م اقابل الدكتور ح يعمل لي عمليه اجهاض ،،، وبعد عرفت الحمل طبيعي كنت مصدومه بموت احمد ،،، انا غلطت في حقكم كلكم بس كفاره ذنبي انو اجيب احمد الصغير تربو انتو انا م بصلح اربي اجيال واذا ربنا كتب لينا عمر بجي اسلم عليه وارجع لاني اشتغلت هناك وناويه اعيش باقي حياتي هناك...
امجد في حيره : طيب خليني امهد لي الحجه لو كلمتها دفعه واحده والله م اظن تطلع منها امشي انتي ارتاحي وانا بجيك ،،،
هبه : شكرا لانك سمعتني وقابلتني كويس
امجد : معقوله .. انتي كنتي مره المرحوم واسي ام ولدنا ،،،
💜💜💜💜💜💜💜💜
حجز امجد بسرعه والمساء سافر لي بلد هبه وكتب اسم الدكتور حقها ،،،، لما كانت بتحكي ذكرت اسمو كم مره في كلامها ،،،
بعد ساعات كان هناك وم ضيع الوقت خالص طلب مقابله الطبيب وكان صعب جدا يلاقي حجز في نفس اليوم بس معاونه صديق هناك قدر يقابل الدكتور واكد اي كلمه قالتها هبه والخلي امجد يقتنع انو الدكتور كان شخص نزيه وصادق ،،،
💜💜💜💜💜💜💜💜
اشتياق فتحت الخزنه حقتا وطلعت ست جميل وعريق كان هديه والده زوجها ليها يوم العقد حقها ،،،،
إمتنان جات لقت الست في يدها وقالت : وااااو دا اكيد ح تهدي لي بتك يوم زواجها ي ماما...
اشتياق : ايوه اكيد حبيبتي 😍
إمتنان نطت في رقبتا وهي بتقول : شكرا ماما...
اشتياق : ايوه ،،، بس دا م لي بتي إمتنان.. دي لي بتي التانيه تمني ،،،،
إمتنان : ي سلااااام بقي عندك بتين يعني طيب !! علي كل حال تمني فعلا اختي وتستاهل الست دا 😅
اشتياق فتحت الخزنه وطلعت واحد تاني وقالت : ودا لي حبيبه قلبي إمتنان ،،،
إمتنان : شكرا حبيبتي والله فرحتي الكبيره انك قبلتي بي زواج امجد وتمني......
