اول م منال عاينت ليه قالت : صاح في شبه كبير بس دا م هاشم ...
تمني مشت عليه ،،،،، وعيونها مليانه دموع وقالت : ماما عايني كويس امكن يكون دا بابا 😭 بس السنين غيرت فيه شويه......
منال حضنت تمني في حزن وهي بتقول : معقوله ي روحي اتوه عن ابوك ،، صاح م عشت معاه كتير،،، بس عمري م بنسي شكله ..
تمني سلمت علي الحاج وهي بتبكي وبعدها ابتسم وقال ليها في حنان : كلمي مهجه بتي عشان تجي تزورني طولت م جات تكون مشغوله امشي ليها وكلميها .
تمني اتفجرت في البكي ،،،،، ودا خلي مدير الدار يطلب منهم يغادرو الدار لانهم اذعجو النزلاء ... بس تمني قربت من الحاج ومسحت دموعها وقالت وهي بتحاول ترسم ابتسامه شاحبه علي وشها : حاضر بمشي اسأل من مهجه وبجي ازورك تاني ممكن ؟ الحاج ابتسم وقال : بنتظرك م تغشيني زي مهجه 😔
تمني قبلت يده وقالت : حاضر بوعدك اجي ازورك مره تانيه .
💜💜💜💜💜💜💜💜
رجعت تمني البيت مع امها لانها كانت في حاله يرثي لها... شوفه النزلاء المسنين قلبت عليها المواجع واتخيلت ابوها يكون في دار زي دي هنا او خارج البلاد وضميرها عذبها جدا 😭 كيف م اصرت تلقي ابوها ؟ ليه م اجتهدت ؟ كيف قدرت تعيش كل المده دي م عارفه حاجه عنه ؟؟؟؟😭......
فضلت يومين في البيت م مشت الشغل وبعدها جات إمتنان عشان تزورها،،،، فرحت شديد وقضت النهار كله معاها وفي المساء جات سونا ومعاها لجين وبعد السلام لجين قالت في سعاده : كنت مشتاقه ليكم شديد لدرجه اني م قدرت اصبر لمن تجوني ..
تمني في حنيه : طول عمرك اختي وحبيبه قلبي واكيد م بينا حاجه زي دي.
سكتت تمني وبعدها قالت وهي بتعاين لي إمتنان : نسيت اعرفك إمتنان اخت احمد واختي وصديقتي انا كمان ☺ ودي لجين صديقتي كانت في القاهره لكن م قدرت تبعد عننا اكتر من كدا وجات راجعه عشان تنور حياتنا..
إمتنان في فرح : اتشرفت بمعرفتك صراحه حبيت صداقتكم واذا قبلتو يسعدني انضم ليكم☺
لجين وسونا : اكيد لينا الشرف 😍
لجين : انا كرهت البلد دي بسبب واحد ربنا يسامحه بس😔😔
إمتنان في دهشه : كل مشاكل البشريه بسبب الحب..
لجين : حسام سليم عمري م بقدر اسامحه💔 جرحني بقدر حبي ليه بفضله فقدت الثقه في الحب والراجل الاختارني بعده م قدرت اديه السعاده وافصلنا 😔😔
إمتنان اتوترت وبان عليها الضيق وقالت في هلع : كان عندك معاه علاقه ؟ 😳😱
لجين : دي ايام سوداء م عايزه اتعمق فيها انا م صدقت جرحي اتقفل 💔
إمتنان وشها عمل الوان واستأذنت عشان تمشي وجا امجد عشان يوصلها البيت وقبل م يمشي دخل سلم علي منال وتمني وناديه ومشي ..
💜💜💜💜💜💜💜💜
احمد جا البيت هو وهبه ولقي اشتياق وسلم عليها وسأل من إمتنان وقبل م تجاوب جا امجد وإمتنان داخلين واحمد سلم علي امجد في برود وبعدها قال : بصراحه كترتها شديد 😡 ممكن تخليك في حالك وم عندك شغله بي تمني 😡
امجد عاين ليه في حيره وقال : خير !! في حاجه ؟
احمد : كلامي واضح 😡 طول عمرك بتغير مني وبتعاين للحاجه الفي يدي .
امجد : عيب عليك اختشي ياخ 😡
امجد دخل غرفته واشتياق قالت في غضب موجهة كلاما لي احمد : انت لسه مصر علي الساخافات دي يعني ؟ مالك انت مشكلتك شنو ؟
احمد رد في غضب : البعمل فيه دا صاح ؟ ليه بتقرب من زوجتي ؟ دايما بكون معاها 😡 حتي العمال في الشغل فاكرنها زوجته هو 😡
اشتياق : ي ولدي م تخلي الشيطان يلعب بيك دا اخوك ،، عذاب الضمير مخليك تشوف الحاجات غلط 😒 دا شقيقك عارف يعني شنو شقيقك ؟ يعني دم واحد جاري في جسدين ،، امشي اعتذر ليه واستهدي بالله .
احمد في دهشه : عذاب ضمير ؟
اشتياق : ايوه ي ولدي لانك ظالم مرتك
احمد دخل الغرفه لقي هبه بتبكي واول م عينها وقعت عليه صرخت في وشه : شايفاك بقيت تغير علي الهانم 😡 طيب اذا بقيت تحبها انا فايده وجودي شنو ؟ ببقي الافضل اي زول زول فينا يمشي علي اتجاه 😭
انهار احمد بعد كلام هبه ومشي عليها وضماها عليه في حنان وقال : انتي الحب الكبير ❤ م عندي غيرك في الدنيا دي بحبك وح افضل احبك لحدي آخر لحظه في عمري .........
هبه مسحت دموعها وقالت : موش قلت مافي بينك وبينا اي حاجه وهي كمان م بتحبك ؟ يلا مافي داعي تخليها في عصمتك طلقها وريحها وريح نفسك وريحني .
احمد سكت مسافه.. وبعدها واصلت هبه كلامها : اذا خايف من زعل امك هي اصلا حبها ليك درجه تالته بتزعل كم يوم وبعدها بترجع طبيعيه .
احمد : كيف يعني درجه تالته ؟
هبه : من الواضح جدا للكل انها بتحب امجد في الدرجه الاولي واختك التانيه وانت درجه تالته.. راقب معاملتها مع اخوانك وقارن وبتعرف الفرق
احمد في غضب : انتي عايزه تخلقي فتنه بيني وبين امي واخواني حسبي الله ونعم الوكيل 😡😡
طلع احمد من الغرفه ومشي علي غرفه امجد عشان يعتذر ليه بس سمع صوت امه بتقول : تخلي البيت كيف يعني ؟ انت نفسي البتفسو .. اخوك م بقصد حاجه انت عارف البت دي مؤثره عليه شديد ..
امجد : من الافضل اسكن في شقتي في بحري ..
اشتياق : اذا رحلت انا م بقعد هنا اعيش لي شنو ؟ ولي منو ؟ 😭
احمد غضب شديد بعد سمع كلام امه ومشي علي غرفته ..
اشتياق بقت تبكي وقالت : انت واخوك واختك حياتي كلها❤وقوتي في توحدكم وحبكم لي بعض واخوك طيب وقلبه ابيض وح تشوف كيف ح يجي يعتذر ليك ..
امجد باس يد اشتياق وقال : طيب ي ست الكل عشانك بس ح اقعد حتي اذا م جا يعتذر ليك 🙂
💜💜💜💜💜💜💜💜
رقدت تمني في سريرها وبقت تفكر في ابوها وفجأة خطرت ليها فكره وكانت منتظره بتين الصباح يجي عشان تنفذها ..
يتبع....
