فتحت الرساله وبدت تقرأ ( غاليتي وحبيبتي وامي التانيه ،،، صدقيني انا مستحيل اقدر اخون،،، حتي لو زوجي م بحبني ،،،اي شي كان قدامك،، كنت بتحمل الظلم والاهانه وعشانك قبلت وقعدت واتحملت... لحدي م خلاص قربت اخسر نفسي،،، بعدت .. انتي اتفهمتي الوضع وعذرتيني ،،، اكتر شي معذبني شكك فيني 💔 اذا قالو لي الدنيا كلها قالت انتي خاينه بقول ليهم الا ماما اشتياق...
مقدره انك مجروحه علي فراق احمد وانا كمان والله... بس امجد كمان ولدك وهو نقي وشفاف واذا انا قبلت اخون زوجي،،، امجد م بقبل يكون خاين ،،،
آخر شي كنت بتمني انك تفهميني وتعرفي بتك مستحيل تدنسها الايام ،، بس كلي ثقه انك تعيدي النظر في الموضوع موش عشان نكون لي بعض انا وامجد عشان تتأكدي من نقاء بتك تمني )
💜💜💜💜💜💜💜💜
تمني م نامت لحدي الصباح وهي بتفكر في اشتياق ياربي قرت الرساله ولا لسه ؟ حتي امجد م قدر يعرف اذا قرتها ولا لٱ ،،،
ناديه صحت بدري وجهزت الشاي وتمني جات قعدت جنبها وقالت : معليش امس نمت م صحيت بيك ربنا يخليك لينا بتتعبي شديد والله...
ناديه : انا مبسوطه شديد انتو حياتي .. ربنا م اداني اولاد بس عوضني بيكم انتي واختك بقيتو اغلي حاجه عندي ،،،،،
تمني : طيب وبابا ؟ م غالي عليك برضو ؟
ناديه اتلخبطت : ت ت تقصدي شنووو؟ ي بت انتي جنيتي ولا شنو؟
تمني : كدي خلينا من الموضوع دا ،،، بابا ماشي كيف في العلاج ؟
ناديه : كويس جدا الدكتور قال اذا استمر كدا لمده سته شهور تاني ممكن يرجع يمشي من جديد ، ،،،،،
تمني : الحمد لله كلو بفضل ربنا ثم اهتمامك بيه... ودا بشجعني اطلب يدك لي بابا 😅
ناديه اتشرقت بالشاي وتمني ناولتها المويه وهي بتضحك وقالت : اتاريك مكسره 😅😅
ناديه ضربتا بالمسند وهي بتضحك وتمني مشت لي ابوها ،،،،، واخدت رايه وعرفت انو موافق ،،، بس بقي يقول ليها هو مقعد خايف يظلمها معاه واحتمال م يقدر يمشي تاني... تمني طمنته وشرحت ليه انو الدكتور اكد ليها انو ح يرجع يمشي ان شاء الله وبالتالي ح يرجع يمارس حياته الطبيعيه ك اي شخص عادي وكمان قالت ليه ناديه عندها ميول تجاهك ،،
طلعت من غرفه ابوها لقت ناديه منتظره بره وخجلت لمن شافتا وكانت عايزه تمشي بس تمني مسكت فيها وقالت وهي بتضحك : مكسرين في بعض بس بتعملو في حركات 😜
ناديه : هههههه الله يجازيك ي بتي ،،،
سكتت مسافه وبعدها قالت : بس ي بتي بيفع اتزوج ابوك والناس تقول شنو؟
تمني : م لينا شغله في الناس المهم سعادتكم بعدين انا م فاضيه ليكم عايزه امشي لبيت حلالي مع سيد ريدي ❤ عايزه حياتي كلها تكون عسل عايزه اعمل اسره صغيره واستقر عايزه افرح 😍
