منال ارتبكت ووشها عمل الوان وبقت تتمتم وردت : ناديه بتقصد صحبتي الشغاله معاي في بيت الازياء عندها مشكله كدا .
تمني عاينت لي امها في شك ومشت غرفتا بدون م تقول حاجه ومنال مرتبكه شديد وجسمها كله اتصبب عرق......
◾◾◾◾◾◾◾◾
رقدت تمني في السرير
وبقت تفكر في ابوها 🤔 وين هو ؟ ياتري سليم ولا مريض ؟ سعيد ولا تعيس ؟ في السودان ولا بره ؟ حي ولا ميت ؟😔
قامت في يأس و مشت فتحت الدولاب وطلعت البوم صور ولقت صوره الزواج حقت امها وابوها وصورتها وفصلت صوره ابوها وبدت تنزل في الصوره في القروبات كلها في الفيس والواتس...... بعدها حست بي راحه شديده واتمنت تظهر نتيجه بسرعه وتعرف مكان ابوها وتعيش معاه باقي عمرها وم تفارقه لحظه .
◾◾◾◾◾◾◾◾
امجد دخل البيت ولقي اشتياق قاعده بتشرب في قهوه وبتحضر في التلفزيون سلم عليها وقعد جنبها...... طلب من زينب تجيب ليه قهوه من البن حقه وبعدها اشتياق سألته : كيف الشغل ماشي في المصنع شايفه اخوك بقي قاعد مع الهانم ليل نهار اظنه منتظرها لمن تلد 😒 ،، قدر م حنسته عشان يمشي يزور تمني ويسلم علي عمها يتهرب مني تكون محرشاه غايتو البت ديك ذنبها علينا 😰
امجد شال نفسه وختاه وقال : الموضوع دا آخره شنو ؟ البت ممتازه وحرام البتعمل فيها دا.
اشتياق : هي طلبت الطلاق كذا مره بس جيه عمها دي خلتها تأجله شويه .
امجد : انا شخصيا محتاج ليها في الشغل معاي زوله شاطره ومخها نضيف ومبدعه في مجال تصميم البرامج وساعدتنا كتير في زياده الانتاج .
اشتياق : والله ي ولدي انا بحبها زي إمتنان بس اخوك مسود وشي معاها ومع امها .😔
امجد : لازم يكون في حل يا يتعامل معاها بما يرضي الله او ينهي البينه وبينها ويخليها تشوف حياتها ......
فجأه صوت جرس الباب ضرب ،،، مشت زينب عشان تفتح لقت شاب في نهايه العشرينات وسيم مهندم .... سلم عليها بكل لطف وخلته يتفضل علي الصالون وجات كلمت امجد و اشتياق لانه طلب يقابلهم الاتنين ..
◾◾◾◾◾◾◾◾
مشي امجد علي الضيف واندهش لما شافه وسلم عليه في جديه وقعد وبعد شويه جات اشتياق وسلمت وقعدت والشاب قال بكل ادب : انا حسام الدين سليم مهندس و
قاطعه امجد في ضيق وقال : انت غني عن التعريف لو سمحت ادخل في الموضوع علي طول 😒
حسام شعر بي احراج وقال : انا يسرني اطلب يد بتكم إمتنان .
امجد في ضيق واضح : للأسف م عندي بنات للزواج .
اشتياق م نطقت بي كلمه وبعدها زينب جات شايله عصير وقدمته للضيف ومشت وحسام قال : معليش يعني ممكن اعرف سبب الرفض شنو ؟
امجد عاين ليه في غضب وقال : احب احتفظ بالاسباب لي نفسي 😠
حسام قام وطلع بدون م يقول مع السلامه وبعدها جات إمتنان وهي بتبكي وغضبانه وقالت : خلاص نفذت كلام تمني😭 طيب كان تآخد رايي موش انا صاحبه الشأن ولا شنو ؟ 😡 زول جاكم بالباب يعني م لفي ودور 😭😭
اشتياق عاينت لي إمتنان في غضب وقالت : احترمي نفسك انتي ناسيه انك واقفه قدام اخوك الاكبر منك ؟
إمتنان مسحت دموعها وقالت : ماما انا م قصدي اقلل من احترام اخوي بس دي حياتي وانا حره .
امجد : اوك طيب امشي اتزوجيه ،،،😡 طلع امجد علي غرفته واشتياق اتكلمت مع بتها كلام شديد اللهجه وخلتا ودخلت غرفتها وهي غضبانه .
◾◾◾◾◾◾◾◾
هبه مشت معمل تاني عشان تعيد فحص الحمل وبعدها الدكتور طلب منها تقابل دكتور نساء وتوليد عشان تعمل موجات لانو شاكي يكون حمل خارج الرحم ودا خلي هبه تغضب وتقول : شنو ؟ كيف يعني خارج الرحم ؟ انا حملي طبيعي انت م عارف حاجه انا ح امشي لي اكبر معمل واكبر دكتور نساء 😡
رجعت البيت...... ونفسياتها محطمه لقت احمد نايم وقعدت في السرير وهي بتبكي... احمد شعر بيها وقام مخلوع وقال : هبه 😳 مالك ي روحي ؟
هبه مسحت دموعها وقالت : الحمل خارج الرحم وضروري جدا اعمل عمليه لانو لو اتأخرت فيها خطر علي حياتي 😭😭😭😭
احمد ختا يده علي راسه وقال في حزن : لا حول ولا قوه الا بالله .
هبه : طبعا البره كلهم ح يشمتو فيني بعد يعرفو 😭
احمد : لا ياخ مستحيل يعني الكان جايي دا برضو قطعه منهم صاح ؟
هبه : مافي زول بحبني 😭 الكل بتمني اترك البيت وتمني تقعد .
◾◾◾◾◾◾◾◾
تمني بقت مشغوله طول الوقت النهار في الشغل والمساء تبحث عن ابوها وكانت بتستقبل تلفونات كتيره معظمها ناس بتتلاعب والباقي محتال وبدأ الامل يضعف عندها بس حاجه جواها بتقول ليها م تيأسي ح تلقي ابوك ..
امجد وصل المكتب وباشر عمله وبعد شويه جات السكرتيره وقالت ليه في واحده عايزه تقابله وطلب منها تدخلها وبعد جات البت داخله اتسمر امجد في محله وقال : انتي ،،،
يتبع....
