مشو علي عربيه لجين بس امجد ناداها من بعيد ،،،، ولمن وقفت قرب عليها وقال : مرحبا تمني ،،،،،اخبارك وصحتك ،،،، لمحتك اسي بس......
تمني في حزن : اهلين امجد كيفك وكيف ناس البيت ؟
امجد : البيت كله بدونك م عنده طعم .
جات مها وسلمت عليهم وقالت : امجد كلمتهم بي موعد الخطوبه ؟ اكيد م كلمتهم 😅 معزومين الخميس الجاي ،،،،،،،،، خطوبتنا انا وامجد😍
امجد عاين ليها في ضيق ،،،،،، وتمني قالت في حزن هادي : الف مبروك ،،،امجد يستاهل كل خير .... ومشت بسرعه علي العربيه ،،
تمني طول الطريق م قالت اي حاجه وبعد وصلوها البيت ودعتهم سونا نزلت معاها وقالت في قلق : ممكن اكلم ناس بيتنا وابيت معاك ،،، قلبي م مطمن عليك خالص 😔😔
تمني طبطبت عليها وقالت وهي بترسم ابتسامه صغيره : لا حبيبتي انا بخير 🙂 اطمني،، واذا حسيت بي حاجه بتصل عليك ،،،،
بسرعه جرت علي غرفتها وحاسه بي حاجه طابقه علي نفسها والعبره ماسكاها
منال حست بيها وجات بسرعه الغرفه ،،،،،،،، واتخلعت لمن شافت دموعها وقالت في خوف : مالك ي روحي 😰 خير في شنو؟
تمني مسحت دموعها وقالت : لا خير مافي حاجه ،،،، ماما اطمني بس في نزيل في الدار مؤلمني عشان بته الوحيده سافرت بدون م تودعه .
منال ضمتها عليها وقالت : حرام ،،،،، الله يكون في عونه😔😔
فجأه ضرب تلفون تمني وكان قريب من منال وشافت الرقم وناولتها التلفون وهي بتقول : القلوب عند بعضيها ديل ناس الدار
تمني فتحت الخط بسرعه وهي بتمسح في دموعها وبعدها قفلت الخط بسرعه ومشت علي الدولاب وهي بتقول : ماما ملابسي كلها هناك ح تمشي تجيبيها بتين ؟
منال : امك عندها بيت ازياء وتسألي من ملابسك ديك وبعدين بتتلبسي نص الليل م قلتي لي علي وين ؟
تمني : اولا ملابسي الهناك كلها بحبها ارجوك ي ماما اقرب فرصه جيبيها لي ،،،،
ناديه جات داخله لقت تمني بتغير وسألت في حيره : علي وين ؟
تمني : اتصلو علي ناس الدار قالو عمو الحاج والد مهجه رافض الاكل والشراب ونفسيتو تعبانه جدا احتمال اقدر اقنعو ياكل حاجه وكمان رافض ياخد العلاج.
ناديه : ي بتي انتي باحث اجتماعي ؟ خلي ناس الدار يتصرفو معاه اكيد مرت عليهم حالات كتيره زي دي ..
منال : عنيده زي ابوك وواثقه انك م حتغيري رايك طيب انا وناديه ماشين معاك ...
تمني سرحت بعيد وهي بتردد بصوت منخفض : زي بابا ؟
💜💜💜💜💜💜💜💜
نزلت تمني من العربيه وبسرعه قابلت المدير ومشت علي غرفه الحاج ،،،،،، لقتو مقبل علي الحيطه وساكت وحتي م رد عليها السلام ،،،،، تمني قربت منو وقالت : سمعت كلام زعلني منك 😔قالو رافض الاكل والشراب وحتي الدواء....... عايزه اسألك ي عمو الحاج سؤال !! انت بتحب مهجه بتك ؟
اتلفت الحاج وعاين لي تمني في حزن وم رد عليها وتمني واصلت : اذا كنت بتحبها م كنت زعلت منها قبل م تعرف ظروفها شنو ؟،،،،، اولا انا مشيت وسألت عنها وعرفت انها سافرت لانو زوجها مريض جدا وم قدرت تجي تودعك لانو حاله زوجها صعبه وانا متأكده انها في اقرب فرصه ح ترجع 🙂،،،،،،، عارف ي عمو انا كمان بابا سابني وسافر ،،،، وكنت صغيره جدا ،،،،، كنت محتاجه رعايته 😔 بس لاني بحبه م قدرت ازعل منو !!🙂 ممكن تكون زي ابوي ؟
الحاج عاين ليها وبكي وقال : انتي بت كويسه واكيد ابوك ح يرجع 🙂 ،،،،،،،،
تمني فرحت شديد وبسرعه قالت : يلا ي عمو انا جعانه شديد ولمن عرفت اني ح ازورك م اكلت حاجه قلت اكل معاك 😊 رايك شنو ؟
الحاج : طيب بس اوعديني انك تجي تزوريني حتي بعد تلقي ابوك .
تمني مسحت دموعها وقالت : اوعدك م بنقطع منك يلا ناكل حاجه عشان تاخد الدواء تبعك 😊
❤❤❤❤❤❤❤❤
منال وهي في العربيه راجعين علي البيت قالت في فرح : انا فخوره بيك ي روحي ❤ ربنا يديك علي قدر نيتك.
ناديه : ربنا يخليها ليك ويخليك ليها❤
تمني : ويخليك لينا يارب بعد جيتي البيت نورتيهو وحياتنا بقت غير 😍
💜💜💜💜💜💜💜💜
مر شهر وبرنامج تمني واحد ،،،، البيت الشغل والدار وصحباتا لحدي
في يوم لجين جاتا في المكتب وقالت : عاجباك حياتك كدا ؟ مدمره نفسك وكل يوم بتزبلي اكتر من القبلو
عشان كلام الناس يعني ؟ انتي لا اول ولا آخر وحده تفشل في حياتها الزوجيه بسبب زوج اناني وحقير ،،،،، تمني هاشم بت العز البت الرقيقه الجميله الكل البنات بحسدوها علي العز العايشه فيه اي واحد في الدنيا يتمني ضفرك 😡 ،،،،،
سونا غمزت لي لجين وبتحاول تلفت نظرها عشان توقف كلام بس م سكتت الا بعد قالت : معليش ي تمني من الاساس انتي عارفاني الفي قلبي علي لساني م بعرف ادس ..
تمني مسحت دموعا وقالت في حزن : فعلا عندك حق في كل كلمه قلتيها 😭 بس كمان زي م انتي صحبتي من مرحله الاساس اكيد عارفه المعاناة الكنت عايشاها يعني امي اتزوجت راجل اي حاجه كعبه في الدنيا دي بعملها وكمان عارفين انو نادر بعاكسني في الرايحه والجايه وامي م بتقدر تمنعه وم بتقدر تحميني منو ؟ بعد اتخرجت من الجامعه قالت لي لازم تفتشي شغل لانها م بتقدر تخليني مع نادر في البيت طول اليوم خايفه تحصل جريمه اغتصاب ..
يعني م عاجبني الذل الكنت متحملاه من احمد وزوجته وقلبي م ميت زي م بقولو علي الناس 😭 بس رغم كل شي حسيت بالامان في حضن ماما اشتياق ولقيت خوف الاخ علي اخته من تعامل امجد معاي ومحبه الاخت الصغيره الجميله من امتنان ،، لقيت جو الاسره المفتقداه .
💜💜💜💜💜💜💜💜
امجد رجع من كوريا واتفآجأ بي احمد بطلب منو يفض الشراكه البينهم وياخد نصيبه ،،، امجد اتوتر شديد وقال : انت واعي لي نفسك بتطلب في شنو ؟ المصنع في وضع صعب اكبر مخزن عندنا اتحرق ووضعنا المالي سيئ جدا 😰 وشوفه عينك مشيت كوريا عشان اتفاوض مع الموردين يستنو علينا شويه في دفع الاقساط ،،،، جاي وسط دا كلو تطلب نفض الشراكه ؟ وعايز نصيبك ،،، احمد في برود : م عندي دخل بالحاصل م ذنبي انك غرقان في الحب وخليت المخزن يحرق المهم عاوز حقي بس،،، الشراكه بالغصب ياخ ؟😡 بعدين انا م مستفيد حاجه ،،،، انت الكل في الكل ،،،،، دبر حالك واديني نصيبي !
يتبع....
