اكتشفت انو ابوها... كان مصاب بشلل سفلي نتيجه حادث حركه اليم احدث خلل كبير في النخاع الشوكي.... طيب كيف قدر يهرب وهو مقعد ؟ ليه امها اخفت عنها الموضوع دا ؟؟؟ اسئله كتيره كانت بتجول بخاطرها... بكت في مراره حست انو ابوها في مأذق ولازم تصل ليه .. قلبت باقي الاوراق... لقت تقرير انو ابوها بعد الحادث فقد القدره علي الانجاب .... * بقت تسأل نفسها ،، اكيد دا سبب الخلاف البين ابوها وامها... كمان في فاتوره عربيه بأسم سلام شهاب الدين واوراق ملكيه ،،، مسجل كل املاكه بأسم تمني 😭.....
مسحت دموعها وقررت تمشي تزور مدام سلام حاسه انها ح تلقي عندها اجوبه كتيره لاسئله مبهمه .. فتحت الشنطه... فتشت الكرت... اتذكرت انو في الشنطه التانيه... احتارت بس العنوان معروف بيت ازياء مشهور في ( ) امجد ..اتصلت عليه ورد قال جايي بعد دقايق ......
💜💜💜💜💜💜💜💜
هبه واقفه في الصاله تمشي وتجي وهي متوتره... بعد شويه جا الدكتور ووقف جنبها وقال : بصراحه م قادر اقول ليك حاجه الا بعد يعمل التحاليل دي
هبه في خوف : انت شاكي في حاجه معينه ي دكتور 😰 ارجوك طمني...
الدكتور : بتمني يكون مافي شي... المهم انا اديتو مسكنات قويه لو جاتو الطعنه تاني،،، وضروري تعملو ليه التحاليل دي...
هبه : ممكن نرجع البيت ؟ ولا الحاله بتستدعي يقعد تاني يوم في المستشفي ،،،،
الدكتور : لا مافي لزوم بعد يخلص الدرب ممكن تمشو طوالي... بس يمشي علي التعليمات وان شاء الله خير ..
هبه : شكرا ليك ،،،،، حقيقه وقفت معانا ربنا يوفقك ..
الدكتور : العفو ... نحن بنفرح لما نلقي سودانيين هنا بنشوف فيهم طيبه اهلنا... هاك دا الكرت تبعي اذا في اي حاجه اتصلي علي .
هبه : شكرا 😍
❤❤❤❤❤❤❤❤
رقد احمد علي سريره في تعب وقال بصوت واهن : ناس امي اتصلو ؟
هبه : اولا حمد لله علي السلامه... خليك في نفسك خوفتني عليك بتمني تطلع النتيجه نضيفه ...
احمد : النتيجه بتين ؟
هبه : بعد اسبوع...
فجأه تلفون احمد رن ردت هبه في برود : اهلين.... ازيك ي بتي ..ممكن اكلم احمد لو سمحتي من امس م قادره الم فيه؟
هبه في ارتباك : طيب... اهو معاك...
هبه اتوترت واسارعت دقات قلبها وهي بتراقب في ملامح احمد وهو بستمع لي امه... وبعدها قال : خساره ي امي 😰 افتكرتك قلقتي علي وعايزه تطمني بس يظهر غلطت... احب اقول اني م شلت قروشك ودهبك ومستحيل اعمل كدا ..
معليش تعبان عايز انوم ..
كست ملامحو احزان عميقه والعبره مسكتو وهبه وجدتها فرصه... في شنو ؟ احكي لي احمد في شنو ؟ طبعا م قادر تحكي ،،، حقيقه الموضوع م بنحكي... بس من خلال كلامك ممكن اخمن... دا آخر م توصلو ليه يتهموك بالسرقه 😡 ياخ ديل اهل شنو انا م عارفه ..لو منك انساهم واعيش حياتي ....
