تمني...... عيونها اتورمت من البكي والمفآجأة عقدت لسانها...... مشت من المكتب وهي في حاله ذهول وصدمه... معقول ؟ لا اكيد دا كابوس 😩 مدام سلام بتكذب مستحيل تكون ماما بالصوره دي... المرأة الفاضله والام المثاليه ومثلها الاعلي تكون كدا ؟ آآه ي وجعتي 💔 معقوله اثق في زول تاني ؟ كيف اواجه ماما ؟؟ كيف قدرت تخفي عني كل الحاجات دي بدون عذاب ضمير ؟ لا ياربي عايزه افوق من الكابوس دا......
امجد نزل من العربيه ومشي اتجاه تمني...... ومات الف مره من الرعب وهو شايف خطاها المتخاذله ودموعها المنهمره بغزاره 🙊وفجأه لمح جسدها بتهاوي وسقطت علي الارض ...... بس امجد جري ورفعها قبل م تستقر علي الارض ووداها علي العربيه......وبقي يقول بصوت عالي،،، تمني في شنو ؟ المره دي قالت ليك شنو ؟ احكي 😰 تمني لو سمحتي م تعملي فيني كدا 😔 ارجوك...... بس تمني كانت في عالم تاني ،،،،،، امجد احتار يوديها علي وين ومشي اتجاه بيتها... بس هي صرخت في خوف....... لا وديني لي ماما اشتياق 😞 عايزه امشي لي اسرتي البحبها... امجد بسرعه مشي علي بيتهم ونزل وفتح ليها الباب وم قدرت تنزل...... مسك يدها وهو بقول : مرحب بيك في بيتك تمني دخلت بعد فتح ليها الباب بي النسخه العنده ،،،،لقي اشتياق وإمتنان في الهول...... اول م عينهم وقعت علي تمني صرخو الاتنين في فرح وجرو عليها حضنوها وبقو يبكو 😭😭😭
امجد استغل الفرصه واتصل بي منال وطمنها علي بتها بس هي كانت خايفه...... تمني حصل ليها شنو ؟ م بترد علي تلفوناتي وكمان الخزنه مافي...
امجد : انا م عارف حاجه بس هي تعبانه وقالت مشتاقه لي امي وإمتنان.... اطمني بكره بتجي البيت بعد صلاه الجمعه بجيبا ليك.....
منال : شكرا ليك ي ولدي......
💜💜💜💜💜💜💜💜
منال قفلت التلفون وهي شارده حزينه ،، ناديه لاحظت ليها...... خير ان شاء الله في حاجه ؟ تمني وين لحدي اسي م جات ؟
منال اترمت علي المقعد وهي منهاره...... بتي خلاص ضاعت مني 😰 اكيد شافت الحاجات الموجوده في الخزنه...
ناديه في خوف : فعلا... اوراق قضيه الخلع والتقارير الطبيه .. المرض النفسي عرفته بس المشكله حكايه الشلل وقضيه خلعك ليه... ربنا يكون في العون الوضع م مطمن......
منال وهي بتلطم في خدها : دمرت حياة ابوها واتخليت عنو ودخلته مصحه عقليه عشان المال وجيت اكتشفت انو بعد الحادث مباشره وبعد عرف انو مستحيل ينجب تاني غير تمني... سجل ليها كل ممتلكاته بيع وشراء ،،
ناديه : انتي كنتي خايفه من الحيه الاسمها سلام شهاب الدين دي تلف ليه راسه وتخليه يسجل ليها اي حاجه......
منال : انا بدلت الدهب بالحديد... بعت هاشم حسن الرجل الفاضل بي حشره زي نادر... لكن دا اكيد انتقام ربنا 😔
