امجد بقي يمشي ويجي في المكتب ،،،
*الزول دا بي حقده عايز يخرب بيتنا 😡 من وين ادبر ليه حق الاسهم ،،، اذا دخل علينا شريك من بره تبقي كارثه ،،،،
هدا حبه وطلب من
السكرتيره تنادي ليه الباش مندس هاشم ،، بعد دقايق جا وقال : خير !! الكلام السمعتو دا صاح ؟ احمد عايز نصيبه؟؟ وفي الوقت دا ؟
امجد في غضب : اتخيل اخوي يعمل فيني كدا وفي الوقت دا بالذات ،، المصنع مديون وخسرنا كتير بعد حريق المصنع والتأمين سكته طويله دبرني انا اعمل شنو ؟
هاشم : اذا باع اسهمه لي زول غريب تبقي كارثه .
امجد : وانا م عندي سيوله تكفي حتي مرتبات العمال خليك من تشتري اسهم احمد .
هاشم : كلم الحاجه اعمل اي شي بيع شقتك حقت المعموره المهم م تدخل شريك معاكم........
امجد اخد نفس عميق وقال : طيب بحاول اتصرف انت مشي الشغل هنا .
سكت مسافه وواصل تاني : تمني بتساعدك المصنع في امانتكم موش تمني موجوده ؟
هاشم : كان معاها صحباتا من الصباح لكن مشو ،، البت دي م عاجباني الايام دي حاسي انها في ازمه الله يكون في عونها ..
امجد في اهتمام : خير في جديد ؟ ضحيه احمد لآزٍمٍ تكون في ازمه ..
هاشم : م عارف بس بعد طلعو صحباتا حسيت انها منهاره يعني مجرد احساس،،
💜💜💜💜💜💜💜💜
هبه حضنت احمد في سعاده وقالت : كدي انت حبيبي البتخاف علي ❤ تبيع اسهمك ونسافر بره وكمان اتعالج من قصه الحمل خارج الرحم دا ... وكمان نقابل طبيب مختص عشان يشوف الطعنه البتجيك دي من شنو ؟
احمد في حزن : حاسي اني ختيت لي امجد العقده في المنشار 😞😞 مهما كان هو تعب في المصنع دا ونجحه و
قاطعته هبه : كان بياخد نصيبو تالت ومتلت عايز تقنعني انو بقسم معاك الارباح بالنص ..
احمد : لا ،،، هو رغم اني م بجي بي انتظام وم مساعدو في الاداره بس م بحاسبني بي حاجه بقسم الربح بينا بالتساوي .
هبه : خلي قلبك الرهيف دا وطالب بي حقوقك كامله انا متأكده انو بشيل نصيبو اول والباقي بقسمو بالتساوي .
💜💜💜💜💜💜💜💜
اشتياق طلبت من زينب تنادي احمد من غرفته وبعد فتره جا احمد ومعاه هبه ودا خلاها تقول في عصبيه : لو سمحتي عايزه اتكلم مع ولدي علي انفراد 🙁
هبه في غيظ : ولدك م بدس مني حاجه لكن.
اشتياق في غضب : احمد خلي مرتك تمشي غرفتها 😠
هبه وهي ماشه علي الغرفه : ماشه خلاص ماشه 😏
قفلت اشتياق الباب وقالت : دايما بتصدم بي تصرفاتك م عايزه اخوض في تفاصيل عايز كم وتمهل اخوك لحدي م يقيف علي رجلينو ؟
احمد : بسرعه شكاني امجد للماما انا عايز نصيبي في المصنع م عايز اشارك زول موش حر ؟
اشتياق : اسمع كلام مرتك ،،،،،وح تخسرنا واحد واحد وح تفضل براك .
احمد : اصلا انا براي،،، من يومي عايش وحيد اولادك هم كل حياتك وانا زي الكأني م ولدك م عارف ليه ؟ وبعد اختلفت مع تمني ،،،،، كرهتيني اكتر واكتر .
اشتياق : لا،،،،، انت وصلت لي مرحله متقدمه جدا انت 😠 بعدت شديد عننا نحن م بعدناك،،، علي كل حال انا عارفه انك مسافر عشان تعالج مرتك انا بديك المبلغ البسفرك ويعالج مرتك واذا خلصتو فيك تتصل علي وبرسل ليك تاني ،،، وبعد تجي بالسلامه يكون اخوك قدر يأمن ليك نصيبك !
احمد : تمام
❤❤❤❤❤❤❤❤
دخل احمد الغرفه وطوالي هبه صرخت فيه وهي غضبانه : خلاص غيرت ليك رايك 😡 عموما انت حر ،، بس م يجي يوم وتلقي نفسك في الشارع وانا معاك طبعا .
خلصت تمني الشغل حقها ومشت مكتب امجد وكان مشغول بس اول م شافها وقف وسلم عليها وقال : كنت ح امر عليك بعد شويه .
تمني في حزن : اذا مشغول ممكن اجيك بعدين ..
امجد : لا ابدا اتفضلي اقعدي ،،، كنت عاوز آخد رايك في حاجات كتيره ..
تمني في اهتمام : خير ان شاء الله خوفتني😳
امجد حكي ليها اي حاجه وتمني حزنت جدا وبعدها قالت : قيمه الاسهم كم ؟
امجد : مبلغ كبير جدا
وانا م عندي سيوله كافيه تغطي المبلغ وكمان علي ديون في كوريا زي م عارفه .
تمني في حزن : طيب دي كارثه يعني ممكن اسهم احمد يشتريها زول تاني ويبقي شريكك 😰
امجد : المبلغ العندي بعد احصل الديون من العملاء وابيع شقتي وعندي كم قطعه ارض كدا .. كل دا م بجيب نص الاسهم ..
تمني في فرح : طيب حلووو
امجد في دهشه : قصدك شنو ؟
تمني شالت شنطتا ومشت علي الباب وهي بتقول : اذا فقدت نص اسهم احمد افضل من تفقدها كلها صاح ؟
امجد : اول مره تتكلمي بالالغاز 🤔
تمني : عندي موضوع لو تم بتتحلي المشكله كلها... ح امشي مشوار
💜💜💜💜💜💜💜💜
طلعت تمني بسرعه وقفلت الباب وراها وبسرعه علي بيت الازياء وهناك لقت منال في الصاله وانتظرت في المكتب لحدي م خلصت شغل وجات سلمت علي تمني في حراره وقالت : دي شنو المفآجأة الحلوه دي 😍
بعد شويه جات موظفه وقالت ليها : مدام منال آسفه علي الاذعاج ،، بس في عارضه اتخلفت عن عرض الازياء وم عندنا بديل ليها..
منال في غضب : اتخلفت كيف ؟ يعني انا اقول للناس شنو ؟ 😡 وانتي م اتصرفتي ليه ؟ لسه عندك وقت اتصرفي جيبي عارضه تاني الموضوع م خطير ..
الموظفه : حاضر مدام.
تمني بعد الموظفه قفلت الباب وراها قالت : ماما حرام براحه عليها 😔😔
منال : انسينا منها وقولي لي سبب الزياره الحلوه دي شنو ؟ 🙂
تمني : عايزه مبلغ كبير جدا عشان اساعد امجد عندو ازمه في الشغل !
منال نططت عيونها وصرخت بصوت عالي : شنووووو اكيد جنيتي انتي 😳😡😱
يتبع....
