اشتياق زحت بسرعه من تمني... وعيونا فيها خوف ومسكت قلبها في الم...... وصرخت....... احمد..... نط احمد من السرير وفرك عيونو.......... بحاول يستجمع وعرف مصدر الصوت...... امي 😳 خير ان شاء الله....... اكيد المتخلفه دي حكت ليها الحاصل...... نزل بسرعه...... لقي اشتياق بتتنفس بصعوبه قالت...... نحن الحنقولو ح نعيده...... احمد حاول يتكلم..... قاطعته...... دي آخر مره اشوفك مزعل تمني....... احمد عاين لي تمني في غضب وقال...... انتي اي حاجه ح تحكيها لي للناس ؟...... دي تصرفات الزوجه المحترمه 😡 اشتياق...... م مشكله م حتحصل مشكله تاني اصلا عشان تحكيها ولا م تحكيها...... وانتي ي تمني...... اخر مره اسمع تقولي كلامك كلمه الطلاق علي لسانك...... بعد امجد يجهز خليه يرجعكم الفندق...... تمني... في خوف.... لا.... لا م عايزه ارجع الفندق... خلينا هنا احسن......
❤❤❤❤❤❤❤❤
غير امجد ملابسه بسرعه...... وطلع علي الشغل.... دخل المكتب...... طلب قهوه وبقي يدخن سيجاره ورا سيجاره ومتوتر م قادر يشتغل....... بكري جا بسرعه وسلم وقال...... خير قلقت بي...... حرام عليك امس مساهر بي بالتلفون والليله جايبني بدري...... عايز اعرف انا صحبك ولا حبيبتك 😉 امجد...... شارد بعيد...... بكري..... لا لا انت م معاي خالص...... طالدين
جديد ؟ ان شاء الله اتصالحو...... قلبي معاك والله... لكن اخوك دا عنده خلل في شخصيته وم اظن يقدر يكمل مع بت الناس دي...... امجد لمعت عيونو... وقال..... تفتكر ؟...... يعني مجرد تكهنات...
امجد...... لو م المصنع الايام دي امورو م تمام كنت سافرت اي حته ..
بكري : صحبي الانا بعرفه مستحيل يهرب .
امجد : المره دي الموضوع غير 😞
بكري : طبعا هي حاره شديد ..
امجد : لو علي المي مقدور عليه بس......
بكري : بس شنو؟
امجد : ضميري بألمني اذا خفق قلبي لمن اشوفا... لاحظ انك تكون بتحب مره اخوك.
بكري : بس انت بتحبها قبل م تعرف انو اخوك ح يتزوجا دا م ذنبك ..
امجد : بس مفروض اقتل الحب دا في قلبي وم يطلع لي يوم الدين.
بكري : اذا بيدك كان قتلته والشي المزعج انو اخوك حاسي بي مشاعرك دي...
🖤🖤🖤🖤🖤🖤🖤🖤
مرت شهور واحمد بحاول يعامل تمني كويس بس عشان امه م تغضب عليه...... اما هي مجبوره تعيش معاه لانها خايفه ترجع البيت ونادر راجل امها يتحرش بيها زي م طول عمره بعمل معاها كدا ...... وامها واقفه في صف زوجها........ موش كدا وبس كمان بشيل منها مبالغ خرافيه دا غير المغلق العاملاه ليه بي رأس مال كبير جدا بس السؤال ليه امها ساكته رغم انها بتحس بي كرهها الشديد... ليه يا تري عشان تاليه؟ ولا شي تاني مجهول......
🖤🖤🖤🖤🖤🖤🖤🖤
احمد استغل فرصه تمني في بيت امها وفاتح اشتياق في موضوع زواجه من هبه البت الكان بحبها...... بس اشتياق هاجت وصرخت في وشه...... انت لسه م صرفت النظر عن الموضوع دا ؟ 😡 انت حتموتني قريب بي تهورك دا...... وريني تمني الناقصا شنو؟...... احمد..... الموضوع منتهي انا كلمت البت وعرضت علي اهلها الزواج ووافقو كلهم...... اشتياق...... طيب شوف زول يمشي معاك 😡...... ولا ديل م بهمهم اهلك يجو ولا م يجو مدام اصطادو العريس المليونير.... احمد : انا مقدر انك زعلانه عشان تمني... بس بعدل بينهم...... عليك الله ي امي اقيفي معاي انا م بحرجك مع تمني... شرحت لي اهل هبه انكم م حتجو عشان تمني ووافقو... اكتفو اجيب عمي بس ويعقدو لي واتفقنا مافي جوطه...... بعد نسافر ونجي ح تسكن معانا في الڤيلا...
اشتياق ختت يدها في راسا وبقت تقول... اسي اقول لي اهل البت شنو؟ الحمد لله السر عمها رجع فرنسا بس اكلم امها كيف.....
لسه م تمت اربعه شهور عايز يعرس فيها الولد دا حيجيب لي الجلطه والله 😰😰
❤❤❤❤❤❤❤❤
صحت تمني مخلوعه بالاصوات البتسمعا وقامت من السرير وفتحت باب الغرفه في هدوء واتسللت للسطوح ووصلت باب الشقه الفوق..... حاولت تفتح الباب كان مقفول بالمفتاح... حست بالخوف وهي بتسمع الاصوات قريبه جدا... قررت تنزل المطبخ تجيب حاجه تفتح الباب..... اتلفتت عشان تنزل بس توقف قلبها بعد شافت نادر واقف وراها... وكان قريب جدا منها... خافت... .صرخت في وشه...... موتني من الخوف الف مره قلت ليك لما تجي حته انا فيها اعمل حركه 😡
نادر : خليك من السناريو دا وقولي لي جايه عندك هنا شنو ؟ امك موش قالت... ممنوع انتي واختك تتطلعو شقه السطوح ؟ اذا عرفت ح تغضب شديد.....
بعد نزلت تمني... نادر قفل الباب الخارجي وشال المفاتيح معاه ولحقا بسرعه ومسك يدها وقال... الزواج غيرك بقيتي حلوه 😅
تمني فكت يدها ومشت علي غرفتا وهي بتعاين ليه في احتقار.....
قبل م تنوم جاتا مكالمه من رقم غريب فتحت الخط مافي رد...... قفلت والقلق بدا يسيطر عليها...... دي المره الخامسه تجيها المكالمات دي من اتزوجت .......... حاولت تعرف المتصل من برنامج كاشف الهويه بس م وصلت لي نتيجه......
❤❤❤❤❤❤❤❤
احمد...... جا متأخر من بره ولقي تمني... لسه م جات...... مشي لي اشتياق وهو غضبان .... شايفه ي امي مره ولدك بايته بره وزوجها م عنده علم 😡 اشتياق...... لا م طلعت بدون اذن كلمتني وقالت لي اكلمك عشان تلفونك مقفول..... احمد... الصباح موش طلعت من قداما... اشتياق... يعني انا بصراحه مستغربه الموضوع دا فارق معاك في شنو؟ امها كانت عيانه ومشت تشوفا... احمد..... امجد وين الليله م يكون طلع معاها......
يتبع... .
