رقدت هبه في السرير وراسها يودي ويجيب وتقول في نفسها اكيد دي السحليه تمني... لازم حرشتو ..النهار دا كلو معاها في الشغل ملت راسو من جهتي وعامله فيها الملاك البرئ 😒 لو م الجامعه كان بمشي معاهم الشغل عشان اشوف الحاصل شنو هناك ...... قامت من السرير وقعدت علي الكنبه واحمد عاين ليها ورقد في محله بس هي قالت ليه في غيظ : حرشتك علي صاح؟
احمد قبل عليها وقال في برود : منو هي ؟
هبه : السحليه تمني 😡
احمد في غضب : تصرفك غلط مافي زول حرشني...
هبه : بتغطي ليها كمان ؟
احمد قام من السرير ولبس شبشبو وطلع وهو بقول ليها : اوووف بقيتي ممله جدا .
هبه في عصبيه : ماشي وين ي احمد لا م تعمل فيني كدا 😭
هبه بقت تبكي وتقول في نفسها : وااا شماته السحليه تمني والعجوز المخرفه والحيوانه الصغيره إمتنان ولا المفتري داك كمان امجد 😭😭
◾◾◾◾◾◾◾◾
احمد ماشي علي الصالون شاف نور غرفه تمني مولع ومشي عليها لقاها بتتكلم في التلفون والباب م مقفول كويس وماخده راحتها علي الاخر قميص نوم قصير وراقده علي بطنها...... و حست بالحركه قامت بسرعه ولمت نفسها وودعت سونا صحبتا وقفلت وقالت لي احمد في دهشه : خير في حاجه ؟
احمد بقي يتمتم وقال : لا كنت ماشي الصالون شفتك صاحيه قلت اشوف في شنو؟
تمني وقفت وقالت : لا كنت بتكلم مع سونا واسي عايزه انوم بكره عندي شغل بدري 🙂
احمد فهم انو غير مرغوب فيه ووجد ليها العذر وطلع بعد قال ليها : تصبحي علي خير .
تمني : وانت من اهله 🙂
احمد طلع ومشي علي الصالون ورقد علي طول ومنظر تمني م طلع من راسه وقال في نفسه " هي كمان مرتي وعندها حقوق عندي زي م انا لي حقوق عندها وكمان البت دي بريئه وطيوبه ومهذبه وخلوقه ومستوره حال .. من اتزوجت هبه تميت فتره يعني بعد دا مفروض اكون يوم معاها ويوم مع هبه هي صبرت علي من اتزوجت م قربت منها وهاجر فراشها وهي مرتي حلالي زيها زي هبه كفايه ظلم ي احمد وراعي ربنا في البت دي ..
◾◾◾◾◾◾◾◾
تمني صحت من النوم مبسوطه ولبست بدله راقيه مخصوص اشترتها للشغل جابت منها كم شكل ..وعملت ميك اب خفيف ولذيذ ومشت المطبخ عشان تشرب الشاي وهناك لقت امجد قاعد صبحت عليه وقعدت تشرب الشاي ولاحظت امجد شارد وصامت وغاضب وقالت في دهشه : انت كويس ؟
امجد : حبه مشاكل كدا .
تمني : بخصوص إمتنان ؟
امجد في دهشه : ايوه ، بس انتي عرفتي كيف ؟
تمني عاينت بره عشان تشوف في زول سامع كلامها ولا لٱ وبعدين حست بالقلق وقالت : انت طالع اسي صاح؟
امجد : ايوه
تمني : عندي معلومات كتيره بخصوص حسام سليم بحكي ليك التفاصيل في المكتب.
فجأة سمعو صوت حركه رجلين مبتعده بس سريعه وتمني طلعت تشوف منو بس سمعت صوت قفله باب لكن م قدرت تشوف ياتو غرفه عشان تعرف الكان بتصنت عليهم منو ؟
🔹🔹🔹🔹🔹🔹🔹🔹
وصلو المكتب وامجد طبعا مستعجل عشان يعرف الحاصل شنو؟ وتمني م خلتو ينتظر كتير بدت تتكلم : كان بحب صحبتي وقريبه بابا اسمها لجين بنوته
حلوووه ورقيقه وبتحب الحياه ...دخل حياتها واوهما بالحب والزواج وحبته من اعماقا بس اكتشفت انو عنده علاقات كتيره مع بنات ونسوان متزوجه وم كانت مصدقه الا لمن بقي يطلب منها طلبات غريبه حتي انو كان بصر عليها تسافر في رحلاته الجويه وآخر حاجه ...
قطعت كلاما وسكتت وامجد قال : كملي دي حياه اختي الوحيده والغاليه علي قلبي جدا ارجوك واصلي .
تمني : انا كمان لو تمني م بتهمني م بخت نفسي في الموقف دا بس اوعدني م تقول ليها عرفت الحاجات دي عن طريقي .
امجد : اوعدك
تمني : بطلب منها تمشي شقه فاضيه يعني انت عارف البحصل شنو بعداك .
امجد وقف علي حيلو ومسك جبينه وعايز يتفجر من الغضب وقال : السافل المنحط
انا اتكلمت معاها بالتي هي احسن اذا م قطعت علاقتا بيه ب
قاطعتو تمني في رجاء وقالت : عشان خاطري اتعامل مع الموضوع بي عقلانيه 😔 م تخليني اندم عشان حكيت ليك .. إمتنان صغيره وانا عارفه تأثير حسام دا كيف ... خفت يستحوذ عليها.
امجد : شكرا انتي فعلا نعم الاخت انا سعيد انو ربنا جاب لي اخت زيك 🙂
🔹🔹🔹🔹🔹🔹🔹🔹
احمد مشي الشغل بدري علي غير العاده وسأل السكرتيره عن تمني قالت ليه في مكتب امجد وحس بي حاجه م مريحه ومشي دخل المكتب بدون استئذان وتصرفو دا خلا امجد يقول ليه في خلعه : خير ي احمد في حاجه ؟
احمد عاين ليه في ضيق وقال : عايز مرتي فيها حاجه دي ؟
امجد في دهشه : لا طبعا 😒
وطلع من المكتب واحمد قعد جنب تمني وقال ليها : تمني عارف اني ظلمتك وبصراحه مع وجود هبه م قادر آخد راحتي معاك عشان كدا عندي حل للموضوع 😊
تمني في اهتمام : خير
احمد : انتي مرتي برضو وغلطتي الوحيده اني قلت لي هبه انك م ح اقرب منك ..
تمني في حيره : م فهمت عليك .
احمد : يعني حكيت ليها قصه زواجنا تم كيف ! واني م بحبك ورفضت اني اجيك يوم بعد يوم زي م اي راجل متزوج مرتين بعمل كدا .
سكتت مسافه وقال : بصراحه انا م عايز اظلمك اكتر.. فكرتي أستأجر شقه نتلاقي فيها كم مره في الاسبوع وفي البيت الوضع يكون زي م هو !
😱😱😱
يتبع....
