اشتياق نططت عيونها في دهشه وخوف وقالت : وين مكان ابوك ؟
تمني : اكيد مخبياه ماما في حته مافي زول عارف عنها حاجه
اشتياق : ي بتي دا كلام خطير والبتتكلمي عنها دي م تنسي انها امك واذا خسرتيها م بتكسبي اي زول تاني ومافي زول بحل محلها...
تمني : جرحي كبير وم عنده علاج لانها امي 😞 بس مستحيل اسمح لي زول يدمر بابا حتي ولو كان ماما نفسها...
اشتياق : م عايزاك تتسرعي تمام ؟
تمني : اوك ،،،
امجد دق الباب ودخل وعاين لي تمني وقال : الله الله نحن غيرانين والله 😊 الدلال دا م لينا نصيب فيه ؟
اشتياق : لا الدلال للغاليه حبيبه قلبي ❤
امجد : طيب ي حبيبه قلبها العشاء جاهز والاعتراض مرفوض 😅
تمني : معليش انا...
قاطعها امجد : اوووف موش قلنا الاعتراض مرفوض 😅
إمتنان : يلا والله انا ميته من الجوع 😔
تلفون امجد رن وانزعج شديد لمن شاف الرقم والكل لاحظ ضيقو...
اشتياق : خير حبيبي في حاجه ؟
امجد دخل التلفون في جيبه : لا مافي شي مهم ..
طول فتره العشاء تمني سارحه... بعد اصرار من الجميع اكلت كم لقمه وبعدها قامت من السفره ومشت الحمام اخدت دوش ساخن وقعدت في الهول تحضر في فيلم اجنبي.......
💜💜💜💜💜💜💜💜
منال صاحيه وبتحضر في المسامح كريم ومعاها ناديه......
منال : خايفه يجي يوم استعين بالاستاذ جورج قرداحي دا... خايفه تمني تتخلي عني وترفض تسامحني 😰 ساعتها انا بموت والله 😭😭
ناديه طبطبت عليها في حزن : لا م اظن تمني بنوته رقيقه وقلبها ابيض مستحيل تتعامل معاك بالقسوه ..يعني م بقول ليك ح تمشي الموضوع عادي بس اكيد ح ترجع...
منال : لانها رقيقه خايفه م تقدر تتحمل... ظلمتها كتير... زوجتها لي واحد م بحبها...... وكنت بنصر نادر عليها مجبوره لانو بهددني انو ح يحكي ليها الحقيقه... مستحيل تسامحني انا بحلم...... اتصلت علي اشتياق وعرفت منها ،،،
سكتت وبقت تبكي وواصلت : تمني عرفت اي شي... بس فضل محل ابوها وخايفه لانها ح تجي تسألني لمن تروق......
💜💜💜💜💜💜💜💜
قفلت هبه التلفون وهي بتقول : اهلك ديل فجأه كدا بقيت ليهم سمح يعني... كل مره يتصلو 😡 انا زهجت زاتي ياخ......
احمد في حزن : قالو عايزين يطمنو علي ؟
هبه ارتبكت وبقت تتمتم : ااا لا سألتني عن الدولارات الضايعه والدهب ..
