"Namatay ang asawa ko. Nawalan kami ng kabuhayan. Hindi na nakapasok ang mga anak ko sa eskuwelahan!" banggit ng isang nanay habang lumuluha.
"Malinaw sa amin ang nangyari sa'yo, Misis. Ngunit maaari mo bang ituro ngayon kung sino ang may kagagawan nito?" utos ng isang matandang lalake sa loob ng korte.
"Siya...Siya po! Sigurado akong siya ang may kagagawan nito!" sigaw ng nanay habang dinuduro ang isang istatwa ng babaeng nakapiring at may hawak na timbangan.
"Nababaliw na siya, paki-dampot na ito at may meeting pa ako," utos ng matanda sa mga pulis at inabutan ng pera.
BINABASA MO ANG
Pampalipas Gutom (Mga Kuwentong Maikling-Maikli)
Historia CortaAng magpalipas ng gutom ay masama pero mas masamang palipasin ang nangangayayat na imahinasyon at tuyot na emosyon. Ito ay koleksiyon ng mga dagling may iba't ibang lasa na papawi sa iyong kagutuman. Basahing maigi. Huwag magmadali dahil ang mga ito...