حازم : راني جيت
مريم : وين كنت
حازم : كان عندي شغل
مروان : بابا الطابلة بلا بيك فارغة 😜
حازم : امم خطرش مالف تقعد معايا
مريم : واش من شغل هذا
مروان : سمحولي القعدة معاكم ما تتشبعش مي انا نروح ☺
حازم : اصبر عندي ما نقولو لازم تكون حاضرين كامل
همست ياسمين لسليم : ههه وقيلا باباك تزوج 😂
سليم : اشششت يسمعك واحد
مريم : واش كاين غير الخير
مروان : يا باا لوكان تخف شوية عندي غونديڤو لازم نروح
حازم : ليغونديڤو تاعك كامل لعب... المهم كاين ضيفة راح تقعد هنا معنا مدة ( شاف للباب ) دخلي بنتي ما تحشميش
دخلت تمشي مهبطة راسها بصوت خافت : ص...صباح الخير عليكم
مريم : شكون هذي حازم ؟
حازم : تقدمي بنتي نعرفك على العايلة تاعي
تقدمت لطابلة وين كانو قاعدين و طلعت راسها بلعقل جات عينها لي عين مروان نصدمت حبس الدم فيها و قلبها بدا يخبط ما قدرتش تتحرك .... شاف ليه مروان حس بلي يعرفها بصح نسى من مين.... و هي بقات باهتة تشوف معاه ما حستش على روحها شافها هكاك فهماه هو اصلا حاسب روحو عرف بلي عجبها حتى نسات ڤاع العايلة😎😎 عض على شفاتو التحاتنية و هبط راسو يضحك ( هذا جاست دايمن يديرو كي يضحك ) هي خلاص ذابت مع ضحكتو هذيك
حازم : بنتي و ين رحتي
تكاكت لينا مع روحها وسعت عينيها و شافت فيه راحتلها الهدرة : س..سمحلي شردت
عرفها حازم عليهم كامل كي لحق عند مروان ما حبتش تشوف فيه باش ما يعودش يصرا واش صرا
ناض مروان من بلاصتو : مرحبا بيك عندنا باربي .... ( تبسم على جنب و شاف في باباه ) بابا اذا خلاص نقدر نروح
حازم : ايه خلاص روح ثاني كاش ما يروحلك
مشى و خلاها ذايبة مع تبسيمتو شافت في حازم باهتة : انت با.باباه
حازم : واش قلت بنتي
لينا : اه ..والو
مراد : بابا مام انا سمحلي لازم نروح لشركة على جال اجتماع تاع المشروع
حازم : روح وليدي ربي يسهل
مراد شاف في لينا ملامح الجدية ما تروحش خلاص من وجهو : مرحب بيك يا صغرونة انشالله تعجبك القعدة عندنا
لينا : عيشك ☺
ياسمين همست لسليم : دقيقة برك هذاك خوك لفريجيدار يحكي هكذا ملييح ! 😮😂😂
سليم : اسكتي راني شام اللوش مام انا 😮😈
بقاو يميزو في لينا من الفوق للتحت خصوصا مريم مش مرتاحتلها
حازم : فاااااطمة
فاطمة : نعم مسيو
حازم : هذي لينا من اليوم تعاونك في الخدمة و تبقى عايش معانا
فاطمة : مرحب بيك بنتي
لينا : يعيشك خالتي 😀
فاطمة : تبات عندنا !
حازم : ايه
فاطمة : عندي سرير زيادة في شومبرتي تبات معايا
حزام : ايه معليش .. اديها وريلها كلش
فاطمة : تفضلي معايا بنتي 😊
لينا : يزيد فضلك 😊
مشات مروها مش مصدقة لي شافتو يعني هي و حبيب القلب راح تعيش في دار واحدة مش عارفة ااذا تفرح و لالا صح هي كي دخلت حست مرت السي حازم و و ليدو لكبير و مرتو مش مرحبين بيها اما غير هدر معاها مروان و تبسم نسات كلش صح هو بان مش مهتم اما فرحت بزاف تخمم حتى حكات بصوت عالي بلا ما تفيق : قالي باربي 😍
دارت ليها فاطمة ؛ نعم بنتي قلتي حاجة
لينا : لالا والوا 😀
قعد حازم في الطابلة
مريم : دوك تقدر تفهمنا هذي مين جبتها مش ناقصين خدمات هنا
حازم : طفلة محتاجة بلاصة تقعد فيها و انا جبتها عندك اعتراض
ياسمين : مابقاوش پلايصة نلمو لمتشردين دوكا
حازم : ضبي لسانك ياسمين 😡😡
سليم : ياسمين عندها الحق بابا واش يقولو ناس علينا
ناض معصب : هذي داري و واحد ما من حقو يدخل روحو سامعين
و مشى لشومبرة تاعو تبعاتو مريم : مين جبت هذي الطفلة
حازم : ضرناها بطوموبيل غاضتني جبتها معايا دوكا خلاص انسوها راهي مجرد موظفة
مريم : انشالله يكون صح
قحرلها حازم سكتت
_________________
سليم بقى مع مرتو فوق الطابلة
ياسمين : لمرة لولا لي ما نفهم والوا
سليم : شكون هذي زعمة
ياسمين : شفت مراد خوك لي ما مقيم حتى واحد كيفاش حكى معاها ... و باباك دافع عليها ... بلاك ختكم
سليم : واش راكي تخلطي
ياسمين : انا في رايي توقعو كلش حتى يماك و بانت بلي تقلقت
سليم : دوك مع الوقت يبان كلش
ياسمين : دوك روح لشركة واش راك دير هنا سي مراد راه يخمم باش يحكم بلاصة باباك و انت قاعدلي هنا اصلا لوكان جيت فاهم باباك رهو يأمنك على سرارو انت الكبير مش هو
سليم : عندك الحق انا نوض ما نخليهش يتحكم في المشروع وحدو و يزيد يكبر في عين بابا كثر و كثر
ناض سلم على مرتو و خرج
سليم
VOUS LISEZ
اليتيمة😍
Romanceالسلام عليكم 😘😘 جيتكم بكرونيك جديدة ليست من اختراعي (منقولة) 😌اقراوها شابة بزاف و طويلة نوعا ما فيها 70 partie 😆 و كي تقراو مادابيكم جام و كومونتاغ. 😍 بليييز
