جازت سمانة لينا مزادتش شافت مروان من هذيك الليلة دايمن يتفادى يتلقا بيه يخرج صبااح بكري و يبات عند صاحبو .. ناضت لينا صباح و حلفت غير ليوم تشوف و تفهم علاش يتهرب منها شحال من حاجة دور في راسها توقعت على جال كي حكاتلو بلي هي بنت ميتم بقات عند الباب تسنى فيه لحقت 4 تاع العشيا جا يدي حوايجو ڤارا قدام الباب قابلاتو شاف فيها بلا ما يحبط ناضت و مشات ليه طبطبتلو في الكارو هبطو بلا ما يشوف فيها
لينا : مروان معليش تهبط دقيقة نهدرو
مروان : لينا مرانيش حاب نهدر دخلي لدار
لينا : ما نيش راح ناخذ من وقتك بزاف دقيقة برك
هبط و هو ينفخ و قابلها : واش كاين ؟
لينا : كيفاش واش كاين ؟ علاش راك تتهرب مني ! كي حكيتلك على حياتي ؟
مروان : مانيش نتهرب .. الضغط راه عليا في الدار مانيش حاب نقعد حاب نريح راسي
لينا : و انا ما خممتش فيا !
مروان : كنت عارفة مليح واش راح يصرا كي تكون في علاقة معايا ... 😉
لينا تفاجئت من هدرتو راحتلها الهدرة حابسة دموعها بسيف باش ما يطيحوش
مروان : شوفي لينا اذا كرهتي نحبسو علاقتنا
حكماتو لينا يدو بزوج يديها و هو يتبع فيها بعينيه : راك تعمل هكا باش تحميني منهم بلاك انا بهلولة بصح نفهم ... نفهم واش راك دير... بصح انا ما نحبش هكا نحبك توقف معايا و نتحداو كلش و حنا يد في يد
نطر يدو منها : انت تبانلك هكا ... انا ما نخمم في حتى واحد a par روحي فهمتي... تعرفيني نكره بلخف و كرهت دوكا ماشي اول مرة هذي
لينا طحتلها دمعة : برك ما تكذب عليا عينيك ماهومش يقولو هكا
مروان : مانيش نكذب ... الحياة هذي ماشي فيلم و الحب هذا لي راكي تحوسي عليه مراكيش راح تصيبه معايا
لينا : بصح انا صبتو ... 😢😢
شافها تبكي غاضتو ما يحملش يشوف دموعها حكملها وجها بين يديه و يمسحلها فيهم : شوف لينا انا مراحش نكون معاك غير باش نضرك و نوجعك .. انت عشت بزاف عفايس في حياتك مانيش حاب نزيد عليك ... راكي تشوفي حالتي
حطت يديها فوق يديه و قاطعاتو : انا حاملة نعيش كلش مدامك معايا
نحى يدو عليها : لينا قلنا خلاص ... ما تفهميش انت خلاااص
ركب في طوموبيلتو و مشى خلاها غارقة في دموعها معصب و يخبط في الفلون حرقوه دموعها لي نزلو بسبتو خايف تعرف بلعبتو و تتوجع خليها تكرهو احسن من انها تعرف انها دخلت لحياتو على انها مجرد لعبة
بقات لينا هكاك 15 يوم و هي حابة تشوف مروان و تحكي معاه معطاها حتى فرصة بسيف باش تصحلها تشوفو و كي تتلقا بيه يتجهلها كل يوم تقرا في الجرنان بلي خرج مع وحدة و سهرة مع واحدة و قلبها يوجع فيها تحرقت و تعذبت بزاف اما مصبرة روحها بهدرة مراد لي مخلهاش كل دقيقة معاها مروان وصاه عليها حكالها بلي راه يعمل هكا باش يحميها منهم و حكى مع يماه و كان هذا شرطها انو يبعد ( هذي الهدرة قالها مراد بلا ما يعرف مروان غاضتو حالتها حكالها ) .... قاعدة في الكوزينة سارحة و تخمم دخل عليها حازم ناضت تجري وقفت من بلاصتها
حازم : وجدي روحك الليلة عامل حفلة و حابك تحضري
لينا : حاضر
خرج من عندها يهدر : باش يسهل كل شيئ هذي الحرب لازمها تطفى اليوم
___________________
لحق الوقت لينا مشات لبيتها تلبس روبا من لي شراهم مروان فرحانة عندها امل انو يجي و تملي عينها بشوفتو لبست روبة في violet و طلقت شعرها على كتفها ما درتش مكياج مكانش عندها اما خرجت تهبل تشوف روحها مع لمرايا و تخمم زعما علاش مسيو حازم نظم هذي الحفلة دخلت فاطمة : ماشي راكي مدعوة للحفلة
لينا تلبس في صبطها : ايه
فاطمة : خفي روحك ناس جاو
لينا : خلاص كملت راني رايحة
فاطمة : الله يبارك عليك خارجة كي الپوبيا
تبسمت لينا : عيشك خالتي
خرجت رايحة للجنينة وين كانت الحفلة قلبها يدق حاسة كانو حاجة ماشي مليحة راح تصرا تصبر في روحها : sur كي راكي رايحة تشوفي مروان دخلت و العيون كامل عليه و هي عينها تحوس على مروان من بينهم بصح ظاهر مكاشو يا مزال ما لحقش يا مايجيش كامل ... شافتها سلوى لي كانت في طابلة مع يماها و باباها و مريم قلبت عينيها تكره و تتمنى تتهنى منها وقفت لينا في طابلة وحدها تلعب بصوابع يديها تشوف مع الباب و تسنى في مروان يدخل شوية و شافتو دخل بهذاك الزين و ديك الوهرة الدم نشف فيها ما امنتش لي شافتو تسارعو دقات قلبها كانت متمنية تروح ليه تعنقو و تشم ريحتو و تقولو شحال توحشاتو بصح تقطعت ڤاع احلامها كي شافتو وقف في طابلة تاع سلوى قلبها وجعها خاصة كي معبرهاش ....
فوت+كومونت 😍
VOUS LISEZ
اليتيمة😍
Romanceالسلام عليكم 😘😘 جيتكم بكرونيك جديدة ليست من اختراعي (منقولة) 😌اقراوها شابة بزاف و طويلة نوعا ما فيها 70 partie 😆 و كي تقراو مادابيكم جام و كومونتاغ. 😍 بليييز
