الحلقة 42
راح مراد يجري حكمها قبل ما طيح السكريتيرة تجري جابت كررسي قاعدوها عليه لاميا حست على روحها راحت وتجري ليها و احمد مزال في نفس وضتيتو يتبع فيهم بعينيه جابولها لما و بدا يضربو فيه بكفوف خفاف حتى فتحت عينيها تشوف في لاميا لي كانت مفجوعة و مراد مقابلينها
مراد : لينا راكي حاسة روحك مليحة ؟
عملتلو لالا براسها و دمعة سخونة طاحت على خدها شافت مع خالتها : علااش ما قولتيلييش ... علااش خبيتي عليا ؟
لاميا : مش وقتو نحكو في الدار
طبعتها و ناضت : مكانش لاازم ندير كونفيونس فيك حتى انت كيفهم
و خرجت تجري لاميا بقات تبكي جات تروح مراد حكمها من كتفها و قابل وجهو لوجها : خلي انا نشوفها ... و انت روحي لدار
لاميا : مراد رجعهالي تعييش
مراد : نرجعها ما تخميش اما امشي لدارر اوكي
عملتلو ايه براسها قرب باسها من جبينها و راح يجري مور لينا و هي جات تمشي وقفها صوت احمد : ليناا بنتي اناا !
تلفت ليه : ايه بنتك انت ( سفقتلو بيديها ) برافو انت دمرت ختي و زدت دمرت بنتك
جات رايح حكمها من ذراعها : كيفاش نعرف الي انت مراكيش تكذبي عليا
نطرت يدها : انت حر تأمن و لالا انا حكيت لي عندي ... و انت ما بقالك والو عندنا .. اصلا ما نتصورش لينا تسامحك بعد ما تعرف كامل واش درت
مشات و خلاتو غارق في دوامة... الافكار كامل تخلطولو
_____________________
حكم مراد لينا : وين رايحة
لينا : مراد تعيش خويا حابة نقعد وحدي
مراد : اوكي كيما تحبي
خذات طاكسي و هو ركب في الطوموبيل يتبع فيها بلعقل صونا تيليفون رفد : وي لاميا
لاميا تبكي : لينا معاك ؟
مراد : حبت تبقى وحدها ما حبيتش نضغط عليها مي ما تخميش راني موراها راهي تحت عيني
لاميا : اوكي بالك عليه تعييش
مراد : ما تخميش مي حبسي ما تبكي اذا بقبتي انت تبكي هكا كيفاش حبيتي لينا تقوى و تواجه
لاميا : ماشي بيدي خايفة ما تسامحنيش ( طرطقت بالبكا )
مراد قلبو وجعو عليها : اششش خلااص لينا قلبها حنين و راح تسامحك .... وين راكي انت ؟
لاميا : رايحة لدار
مراد : اوكي
كوبا عليها بصح عقلو كامل بقى لعندها بقى يتبع في لينا لي وصلت فوق حجرة كبيرة طل على لبحر شافها كي حبطت خافها لا تعمل حاجة في روحها اما هي كانت باقية واقفة مع الحافة عيط لمروان عطالو العنوان و قالو يجيه دوكا
ركب مروان في طوموبيلتو و مشى لبلاصة لي قالو عليها خوه شاف طوموبيلتو ڨار و مشى ليه ركب قدامو : وااش صراا علاش جبتني هنا ؟
مع لي تلفت شاف لينا واقفة كانت بعيدة شوية و عاطية بالظهر : هذيك لينا ! مرااد وااش كاين ؟
مراد : ..... ( يشوف مع لينا )
مروان جا هابط يروح ليها وقفو مراد : اصبر
مروان : وااش كاين ؟
حكالو مراد كلش
مروان بقى مصدوم : سمى لينا بنت احمد و هي خت سلوى
مراد : ايه
مروان : و بابا كان عارف بالحكاية ما جبهاش بالصدفة عندنا
مراد : هي بالذات
مروان : لازم نروح نشوفها ( شاف فيها كانت تبكي قلبو تقطع عليها كلش الا دموعها )
مراد : لالا خليها تبقى وحدها... انت بالذات ما لازمش تقرب عليها
مروان : اوااه ما نقدرش شووف حالتها.. خليني نروح نخبيها في حضني و نقولها لي انا معاها
مراد : مروان ما تخلينيش نندم لي عيطتلك ... خمم فيها شوية ... هي ما هيش مليحة خلي عينك عليها فهمتني
مروان : ايه
مراد : اوعدني تبقى بعيد انا لازم نمشي لبلاصة
مروان : ما نوعدك بوالو اما نحاول
مراد : خمم يا خو هكا خير خليها تتنفس
مروان : اووكي ... و هذاك ** بقى حسابي معاه
مراد : كل حاجة جي في وقتها
هبط مروان من طوموبيل و مراد راح بقى يشوف فيها و قلبو يعصر عليها كيفاش بعيدة عليه كان عطى ربي راه قدامها و يخفف عليها
..........
██████████
VOUS LISEZ
اليتيمة😍
Romanceالسلام عليكم 😘😘 جيتكم بكرونيك جديدة ليست من اختراعي (منقولة) 😌اقراوها شابة بزاف و طويلة نوعا ما فيها 70 partie 😆 و كي تقراو مادابيكم جام و كومونتاغ. 😍 بليييز
