حبطو يتماشو على شط لبحر سلوى هادية تمشي و مخلي النسمة تلعبلها بشعرها ما حستش غير بيد امير جبدتها من يدها يجر فيها و يجري
سلوى : امير واش بيك بلعقل
وقفو عند ڤيلوات بزاف دارتلو واش براسها
امير : ما تقوليلش ما تعرفيش تسوڤي ڤيلو
سلوى : نعرف ... نعرف بصح ما ركبتش ملي كنت صغيرة .. اه .ً...
شاف امير في الراجل لي يكري فيهم و تفاهم معاه يكريلو زوج ركب
امير : اياا ركبي
شافت فيه شوية ضحكت و ركبت مشاا قبلها : اياا سبقتك
سلوى : لالا اصبر راك تغش بديت قبلي اصبررررر
زاد في لفيتاس يضحك و هي موراها يتسابقوو لعبو حتى عياوا رجعو لڤيلوات لمولاهم
امير : عجباتك
سلوى : يعني مليحة ( خبطاتو في كتافو بلعقل ) غشيت غشااااش
امير : ههههههه المرة الجاية نخليك تغلبي
سلوى : راح تكون مرة جاية !! راح نعيش ؟
امير : علاش ماتعشيش راح تعيشي
تبسمت تبسيمة فوق قلبها و أغاست شاف فيها امير وين راهي غايسة : تحبي جربي
سلوى شافت فيه مبهمة : نصيد قصدك ؟
امير : ايه
سلوى : ما نعرفش
امير : امشي تتعلمي
مشاا و مشات من موراه وقفو مع البحر و حكمو هي صنارة و هو صنارة صيد الحوت اللولة و زاد الثانية و الثالثة و هي تشوف فيه من تحت شفرتيها متغششة : الفيلوو و ربحتني مازال ما صيدت والو وااش راك دير باش راهم يجوو ليك
ضحك امير : يحبوني
تبسمت معاه تبسيمة صفرة : اممم
عاودت تلفتت تشوف مع البحر ،،،،، جازو عشر دقائق عيطت : اميييييير
تلفت كي سمع اسمو و هي باهتة حالة فمها تتقابل مع الصنارة في يدها حرك عينيه في كامل وجها يستفسر واش لي صرا
سلوى : علاش تشووف فيااا اروااح عاوني
حط من يدو الصنارة و راح يجري ليها حكم الصنارة تاعها حط يدو فوق يدها النفس تاعو سخون في رقبتها و يدو لخرا فوق يدها و جبدها للفوق و يدور في بكرة الصنارة طلعت الحوتة تتخبط جبدها لعندهم و نحاها من الخيط قعدت تنكز و تعيط صوطات عليه عنقاتو من الفرحة تكاكات بلخف جبدت روحها
امير : اوووه نستعرف بيك صيدتي حوتة كبيرة
سلوى بتفاخر : ايه لازم تكون صياد كبير كيما انا باش تخرج حوتة كيما هذي
امير : هههه تحبي نوكلهالك هكا
قربها منها و هي بعدت تجري و هربت و هو يجري من موراها يحب يحطها عليها
سلوى تعيط : اععععع لالاااااا اميييير ريحتها تبقى فياا
امير : كيشغول ريحتك خير من ريحتها ارواحي
وقفت و حطت يديها في وسطها : اه بوون ريحتها خير من ريحتي
طرطق امير بالضحك من ليجاست لي ديرهم : امشي راني نلعب معاك
عوجت فمها تعمل روحها مغششة
امير : نفهم بلي ما تكليش الحوتة لي صيدتيها
رفد البيدون لي فيه الحوت و ركب في الطونوبيل يسنى فيها شوية و جات ركبت معاه : جيت غير باش ما تكلش الحوتة لي صيدتها
امير : اممم
وصلو لحانوت قدام البحر عطاولو الحوت شواها كلاو و ضحكو سلوى اول مرة تكون عفوية هكا تحكي مع إنسان بلا ما تخمم بلا برستيج و واش علمتها يماها على الطبقة الراقية و حتى امير تعرف على سلوى كثر كان متأكد لي هي ماشي كيما تحاول تظهر روحها
...........
VOUS LISEZ
اليتيمة😍
Romanceالسلام عليكم 😘😘 جيتكم بكرونيك جديدة ليست من اختراعي (منقولة) 😌اقراوها شابة بزاف و طويلة نوعا ما فيها 70 partie 😆 و كي تقراو مادابيكم جام و كومونتاغ. 😍 بليييز
