الحلقة 56
بداو يخدمو و يوجهو الخدامين و سلوى غير لاسقة في مروان تغزل في لينا .. كانو واقفين في ثلاثة يتناقشو و لا خلينا نقولو يحاولو يتناقشو جا واحد من العمال : مسيو مروان تقدر جي دقيقة
مروان : ouii bien suur
مشا مروان و سلوى تلفتت لينا لي كانت غاطسة في الورق تحاول تلهى
سلوى : ايه حكيلي كيفااش شفتي حياتنا انشالله عحباتك و قدرتي توالفيهاا
شافت فيها تتبسم : ويييي صراحة تعرفي مكاش حاجة ساهلة قد الولف
ضحكت سلوى : هههه رجعت اما بقيت هاامش حوايجك شعرك جامي يبدلولك اصلك وحقيقة واش تسوااي.. شوفي مروااان يحبنيي تشفاي نهاار قتلك يلعب بيك و يرمييك و صرا.... ايه و بابا حتى لقبو ما كسبتيهش خطرش انت بنت حراام و رااح تبقاااي طوول عمرك بنت حرااام مهما حولتي تغير هذي الحقيقة مراحش تقدري
لينا هنا خلاااص فقدت اعصابها طرف العقل لي كان باقيلها طار عطاتها كف على طول جهدها و سوطاات عليها تنتف فيها من شعر دخل مرواان يجري حكم لينا رفدها و حوط يديه على كرشها و هي تتخبط و تعيط : طلقنييي خليني عليهاا اناا نوريلك بنت الحرااام وااش ديررر طلقني
و هو حاكمها كيما عيات تهرب من يدو ما قدرتش
عدلت سلوى شعرها و هي تتغزل قربت ليها شوية : شفتي كااش رجعتي لاصلك في اول فرصة حتى صورة الانسة المثقفة الواعية ما تخرجش عليك
لينا هابلااا في عقلها : طلقنيي عليهااا طلقني ( تفرفط بين يديه )
مروان : سلوى خلاااص
و سلوى واققة راسما ابتسامة تغزل لينا بيها
لينا : مرواان طلقني
مروان : تكالمااي قبل
لينا : خلاااص طلقني
سلوى : طلقها ثااني تاكلك المخلوقة دونجي ( و طلقت ضحكة طويلة )
غمضت لينا عينيها تتمالك في اعصابها هو كي شافها ساكت رخف يدو نطرتها و قربت ليها : ضحكي نشووف شحاال رااح تبقاااي تضحكي
رفدت ورقها و خرجت حاساا عمرهاا رااح تخرج
مروان جا رايح مورها وقفوا صوت سلوى لي عملت روحها راح دووخ قعدت في الكورسي راااح يجري ليها عطاها كاس ما : راكي مليحة
حكمتلو يدو : نوووو تعيش ما نخلينيش وحدي
مروان كبس على يدها : ساايي راني هنا ( حاول يتبسم معاها )
تلفت لينا موراها تشوف اذا لحقها اما مكااش دخلت لطوموبيل و خبطت الباب دموعها محصورين كلام سلوى وجعها و حقيقة مروان حب سلوى و نساها حرقتلها قلبها حطت راسها على الفولون و بكات حتى فرغت كامل قلبها رفدت راسها بلعقل و طلعاتو تشوف مع المريا و هي تمسح في دموعها : تفهمنا ما يكونووش دمووع مكااش بكا
للحظة تبدلت نظرتها من حزن لثقة شعلت طوموبيلتها و مشاات ديراكت لشركة تاع محمد
___________________________
جازت سمانة و حاجة ما تبدلت سلوى و مروان يخدمو كيف كيف و لينا كامل ماهيش تبان بزااف جي تخدم خدمتها معاهم و تخرج
________________________
دخلت سلوى لشركة تاع باباها تشوف فيهم كامل يتهامسو عقدت حواجبها ماشية للبيرو تاعها تتجاهل فتحت الباب و كانت الصدمة لينا قاعدة في رااس بيروها شافت فيها و هي تتبسم ببرود : المرة الجاية ما تدخليش للبيرو تاعي بلا ما دقدقي
سلوى هبلت و تقلقت قربت ليها تعيط : واااش رااكي ديريي هناااا بوااااش من حق تدخلي للبيرووو تاعيي و تقعديي في بلااااصتي ... شكوون انت ااااه شكوووون 😡😡
وقفت لينا تتحد فيها و تحكي ببرود عكسها : شكون انا !! انا لينااا جازي ( لقب سلوى ) و هذاا بيرويا و مدابيك طمي دوزانك منا و تخرجيهم باش نلقى وين نحط دوزااني
سلوى تشوف فيه مصدومة تحااول تستوعب واش راهي تقول
شافت فيها لينا : واش صرا ! علاش راكي تشوفي هكا ! اه bien suur مبقاتش قدامك لينا الطلابة بنت الحرام لي تقدري تضحكي عليها و تهينيها كيما تحبي... دوكاا لي راهي قداامك ليناا جااازي و هذا البيرو تاعي و هذي الشركة تاع بابا و لي عطاني من اسهم تاعها 50℅ كل حاجة هنا تاعي و راني هنا نص بنص مع بابا لعزيز
سلوى لسنها تعقد من الصدمة بدات تعيط كثر : تكذبيييي تكذبييي
لينا تتبسم و تشوف فيها محمد سمع عياط سلوى لي وصل لكامل الشركة جا يجري دخل للبيرو قدم ليهم شافت فيه سلوى : بابااا واااش راهي تهدر هذيي واااش راهي تقوول قولي راهي تكذب
حكملها وجها بين يديه : تكالمااي بنتي و ارواحي معايااا نفهمك
طبعاتو : وااش تفهمنيي اه واااش
خرجت تجري تبكي و هو شاف في لينا : سمحيلي بنتي نشوفها
و مشا من موراها قعدت لينا في بلاصتها فرحان
*** فلاش باك ****
وقفت عند الشركة تاعو مترددة خذات نفس و حكات مع روحها : تقدري ديريها ليناا حرقيلهاا روحها كيما حرقتلك روحك
دخلت بخطوات واثقة وقفت عند السكريتيرة تاعو
لينا : مسيو محمد راه هنا !
السكريتيرة : انعم ايه شكون نقولو ؟
لينا : قولو لينا
السكريتيرة : اوكي سناي دقيقة
عيطتلو قاتلو و هو ما صدق سمع اسم لينا قالها دخليها
دخلت ليه
قابلها بضحكة عريضة : تفضلي بنتي واش تشربي !
لينا : والوا صحا
قعدت حاصلة كيفاش تبدا : قتلي لي انت مستعدة تعمل اي حاجة تخليني نسامحك
محمد : ايه و مازلت عند كلمتي
لينا : عندي زوج حجات مقابل نسمحلك
محمد : نسمع فيك
لينا : الحاجة اللولة نحب تعطيني اسمك
تبسم محمد : طبعاا بنتي هذا حقك اصلا انا كنت راح نديرها كي تهدا امورنا
لينا : ملييح و الحاجة الثانية ( غمضت عينيها و فتحتهم ماهيش حابة تطلب حاجة كيما هذي اما مضطرا ) نحب تعطيني 50 ℅ من اسهم الشركة تاعك نحب يكون مقامك من مقامي
ستغرب محمد من الطلب تاعها مستنهاش تحب حاجة كيما هذي بصح مستعد يقبل كلش مقابل ان بنتو تسامحو اصلا مهما يديرلها قليل باش يخليها تنسى لي عناتو بسبتو تكلم بلا ما يخمم بزااف : موافق
**** عودة للوقع ****
لينا : راااح نخليكم تخلصو و تخلصو تريبل تاع واتش درتولي
__________________
وقف محمد سلوى : اسنااي بنتي خلينا نهدرو
تلفت ليه سلوى دموعها على خدها : عطيتها كنيتك .. و عطيتها نصف ثروتك صح
محمد : هذا من حقها اميرتي هي بنتي كيف انت بنتي و النص الثاني بااش يكون ليك
سلوى : مااا نيش اميرتك و مااانيش بنتك تسمععع فياااا رووح هايلك بنتك الداخل بنتك لي ضربتني على جالها بنتك لي تهنت اليوم على جالهااااا
محمد : سلوى ما تعمليش هكا تعرفي غلاوتك عندي
سلوى : غلاوتي !! بابا يا انا يا هي و انت شوف لي يساعدك
مشات و هو يعيط : ما نقدرش نخير انت بنتي كيف ما هي بنتي
شافت فيه سلوى و قبل ما تركب في الطوموبيل طاحت في الارض مغاشية
رااح يجري ليها و يعيط : سلوى بنتيي ... سلوى تسمعي فياا
رفدها و داها لكلينيك تاع امير بحكم هي لي قريبة لشركة
.........
████████
VOUS LISEZ
اليتيمة😍
Romanceالسلام عليكم 😘😘 جيتكم بكرونيك جديدة ليست من اختراعي (منقولة) 😌اقراوها شابة بزاف و طويلة نوعا ما فيها 70 partie 😆 و كي تقراو مادابيكم جام و كومونتاغ. 😍 بليييز
