جاز النهار طويل امير شاد لورق تاع الفحص بين يديه و قلبو مزير عليه ما يعرفش علاش اما خايف ميكونش توافق و المرضى يزيد يطور و هوما يحوسو فتح الورق شاف معها مليح بعث مساج لينا و مشى لشومبرة تاع سلوى دخل لقى معاها يماها و باباها شافتو حست بالفرحة ما تعرفش علاه مي كلي روح رجعتلها تبسمت معاه بلا ما تحس
امير : مليح كي لقيتكم هنا كامل عندي خبر ليكم
_______________________________
بعد 10 ايام
كان لازم تبقى سلوى في سبيطار تعالج باش تقدر دير هذا العملية اما لينا تراجعت قالت لخالتها سافرت باش ما تتلقاش بمروان و يبقى واقف مع سلوى
*******
لينا : خلاص نقدر نروح
امير : خلاص هذا مكان قتلك ما تخافيش
لينا : انشالله تبرا عونها تعيش
امير : ما تخميش ( عنقها و جبد عليها خربلها شعرها ) ماشي كامل الناس يديرو واش درتي انت كوني دايمن هكا ( غمزها )،
لينا : هههه قول انشالله خالتو ما تفيقش بلي ما سافرتش و راني هنا
امير : خالتك لاهية مع خطبتها ماتخميش مرااد دالها كامل وقتهت ههههه انت روحي لداري لازملك راحة راهي خزانتي لبسي واش تحبي كي نكمل مع سلوى راني نجوز نشوفلك حوايج
لينا : اوكي مغسي امير تهلا و عيطلي طمني
امير : تهناي و بلاكي على روحك
خرجت لينا بلعقل و امير راح لشومبرة تاع سلوى كانو كامل واقفين برا جا ليه محمد : شحال تستغرق العملية دكتور
امير : ربع ساعة هكاك حاجة خفيفة ما تتقلقوش
دخل امير عند سلوى يتبسم 10 ايام كاملين و هو معاها و واقف معاها
امير : كيفاش راكي ؟
سلوى : مليحة .... اووف لالا راني خايفة خايفة ما تنجحش العملية ( تحكي و تلعب بيدها من التوتر )
قرب ليها و حكملها يدها بين يديه : ما تخافيش راني معاك كلش يجوز حاجة ساهلة
عملتلو ايه براسها و هو بدا خدمتو
20 دقيقة كان كمل خرج ليهم كامل ناضو يجرو ليها
فادية : كيفاش راهي بنتي ؟
محمد : نجحت العملية !!
امير : بلعقل يا جماعة
طبعوو مروان : مكاش بلعقل رانا مقلقين
حازم : مرواااان
قحرلو امير و شاف مع بابات سلوى و يماها : سلوى راهي مليحة دوكا و باش نتأكدو من نجاح العملية لازم نديرو فحوصات راني وصيتهم غدوة صباح يخرجو درنا لها منوم خلوها ترتاح و روحو رتاحو نتوما مكاش فائدة من بقاكم هنا بشفى عليها
راح و خلاهم رفد تيليفون عيط لينا يطمنها
دخلت فادية في حضن محمد : راني خايفة بنتي ما تبرااش ما نقدرش نخسرها
محمد : راح تبراا مراحش نخسروها
مريم : ما يكون غير الخير انشالله غدوة نولو
حازم : كاش ما تسحقو عيطو ( شاف مع مروان ) ماتروحش !
مروان : دوك نجي
مشى حازم و مروان تلفت لمحمد و مرتو : نتمنى تنجح العملية تاع سلوى و حبيت يكون في علمكم اول ما تبرا راح نفسخ الخطبة
بدات فادية تعيط : هذا واش تحب انت هذا واش خممت و بنتي في هذا الحالة
تبسم مروان على جنب : وقفت معاها و ما قصرتش مع ب ن ت ك بصح كامل نعرفو لي هي ستغلت الحالة تاعها و انا راني علمتكم باش تفهموها
فادية : و الله ما تحشم خسارة فيك الحب تاعها محمد هدر حاجة
محمد : خلينا نهدرو زوج كلمات وحدنا
قلبت عينيها و خرجت وقف يديه في الجياب يسنى واش يقول
محمد : تعرف التوتر لي كاين بين بناتي كل بسببك و انا حابك تبعد عليهم في زوج سلوى و ثاني لينا خرج من حياتهم
عوج راسو : ههههه التوتر لي كان بسبة بناتك سبتو انت ما ترميش على غيرك انت ربيت سلوى هكا و بخصوص نبعد خلي لينا تقرر هذا الحاجة ( غمزلو و راح )
............
VOUS LISEZ
اليتيمة😍
Romanceالسلام عليكم 😘😘 جيتكم بكرونيك جديدة ليست من اختراعي (منقولة) 😌اقراوها شابة بزاف و طويلة نوعا ما فيها 70 partie 😆 و كي تقراو مادابيكم جام و كومونتاغ. 😍 بليييز
