اليتيمة😍

part65

ڤارا عند دارو يحس راسو راح يطرطڤ من السطر شاف واحد واقف عند الباب حبط من الطونوبيل يشوف شكون الظلمة ما قدرش يعرف : فراس !
فراس : سڤا صاحبي
مروان : واش راك دير هنا ؟
دخل و هو تبعو : جيت نشوفك كنت في سبيطار ياك !
مروان : ايه
فراس : ايه و كيفاش سلوى
مروان : غدوة تبان
فراس : و غير تبان ترميلها الما ههه
مروان : اذا برات
فراس : ولينا كيفاش دير معاهها
مروان : كي ترجع نشوف ياك هي كي ما تقدرش تواجه و لا توجعها حاجة تهرب
فراس : علاش عاودت راحت !! شفتها مقبيل
شاف معاه مروان : وين شفتها عندها 10 ايام مسافرة
فراس : و الله غير شفتها في *** داخلة لواحد الدار
تبسم على جنب و وقف مرر يديه على وجهو يحاول يتمالك اعصابو : دااار *** تمااا
فراس : واش راهي دير فيها !
مروان : خلي هي تجاوبني ليوم تفهمني يا انا يا *** تاع امير هذا
عاود رفد المفتاح تاع الطونوبيل و خبط الباب خرج قلع زايد في لاڤيتاس الطريق رحاها نار شاعلة في قلبو وصل هبط يجري يخبط في الباب
كانت قاعدة فوق الفوتاي لابسة بيجامة تاع امير لي جايتها شكارة و تسنى في امير يجي يحكيلها مليح بعثلها مساج بصح ما فهمهااش حتى سمعت لخبيط في الباب راحت تجري قلبها راح يحبس قربت للباب و طلت من العوينة ( هذيك الثقبة لي جي في الباب تاع برا ) لقاتو مروان يبست في بلاصتها رجعت زوج خطوات للور تدعي يروح قبل ما يشوفها قاطع أفكارها صوتو لي كان عالي باين لقلق فيه : ليناااا علبااااالي راكي هنا اا حلي **** الباب و لا نكسروو
لينا : يا ربي فاقلي راحت عليا
بقااات متردد تفتح الباب و لا لالا و هو داير حالا بالخبيط و العياط للحظة تشجعت و فتحتها شافت فيه النار خارجة من عينها و هو ميزها من الفوق للتحت و ضيق عينيه يحاول يكذب لأفكار لي جات لعقلو الهدرة راحتلو شافت لينا في روحها وجها صفار فهمت واش فهم قبل ما تهدر شاف فيه تبسم على جنب يستحقر فيها و مشى قلع بالطومبيل لحقاتو تبكي
حتى طاحت في الارض : يااااااا ماشي هكااا ما فهمتش ... علاش يا ربي يصرالي هكااا علااااش ( قاعدة في الارض و تبكي )
يسوڤ و الظلمة بين عينيها يحاول قد ما يقدر ما يخممش يخبط في الڤولوو و يسب و يعيط لڤيتاس غير تزيد : اوااه لازم نفهم ما نخليهالوووووووش
دور طوموبيل في وسط الطريق راجع هو مع دورها دخل في كاميو
دخلت تجري لسبيطار تحوس على امير شافتو من البعيد مام هو يجري لحقت بيه تعيط : امييير امير
تلفت ليها وجهو صفر وقفت ترد النفس
لينا : واش صرا امير سلوى واش بيها
امير : لينا سلوى ما بيها والو
لينا : علاش جايبني نجري مالا
امير : لينا .. اه
لينا بدات تتقلق : امير وااش كاااين هدر
جا يجاوب قاطعو صوت مريم جايا تجري و تبكي مع حازم
مريم : دكتور كيفااش راه وليد تععيش قول حاجة
لينا مستغربة تشوف فيها و.. و .. وليدها ( شافت مع امير ) شكون وليدها

حازم : دكتور كيفاش راه مروان ؟
تلفت ليه : علاش مروان وااش بيه .. امير وااش بيه مروان
امير : عمل حادث .. سمحولي يا جماعة اما لازم نشوفو
راح كمل طريقو يجري تلاقى بمحمد : بلاك على لينا
و دخل لغرفة العمليات لي كان فيها مروان محمد راح عند لينا لي كانت مزالت مصدومة ماشي فاهمة والو واقفة جامدة حضنها و هي مدارت حتى ردة فعل تلفتت تشوف مع مريم تبكي و حازم يخفف عليها
مريم : يا يماااا على وليدي مازال صغير يا يماااا توخدت فيه
طبعت باباها و راحت ليها تعيط : علاااااش راااكي تبكيييي مازال ما مااااااتش هوووو ما يخلينيييش فهمتيي بركااااي ما تبكي
راح محمد يحاول يهدي فيها : لينا يا بنتي خلاص
تلفتت ليه و عينيها مغرغرين بالدموع : قولهم بلي مراحش يخليني تعيش قلهم
بقى يمسحلها على شعرها : ما يخليكش مروان ما يخليكش
فتحلها حضنو و هي بلا ما تتردد تلاحت عليه تبكي بالشهقة حست قلبها راح يخرج من بلاصتو : تعيييش قولهم يعملو حاااجة ما نقدرش نعيش بلا بيه نموووت بلااا بيه ما نقدرش و الله العظيم ما نقدر بابااا تعيييش
محمد قلبو وجعو على بنتو يسكت فيها حتى لحقت وين قالت بابا يبس في بلاصتو و قلبو رفرف زاد حضنها كثر : راح نعمل المستحيل باش نخليه يعيش يا بنتي بركاي من البكا
بقات في حضنو تبكي الدقايق تحس فيهم يمرو ساعات شوية و لحقت لاميا مع مراد راحت تجري ليها : خالتو
حضنتها لاميا : ما تخافيش يا عمري مروان قوي مراح يصرالو والو
مراد : كيفاش راه ؟
حازم : من لي دخل الطبيب مزال مبان والو رانا نسناو
شوية و خرجت الممرضة تجري كامل تنفضو ليها
م : المريض خسر بزاف دم نسحقو دم a+
مراد : انا زمر تاعي
م : تفضل معايا مسيو
راح مراد يجري معاها و لينا بقات شادا قلبها دموعها نشوفو عاودت رجعت الممرضة و في يدها الدم دخلت لشومبرة

........