***** بعد مرور خمسة سنوات **
حبطت الطيارة و قلبي يخبط معاها توحشت ريحة بلادي توحشت ترابها و كلش فيها رفدت ساكي و مشيت للباب لي تفتحت نسماتها داعب شعري غمضت عيني ندخل في ريحتها البنينة ريحتها وحدها رحت انسانة و جيت انسانة اخرى انسانة عندها هدف واحد هو الانتقام قاطع صوت شرودي
لاميا : ايا لينا حبطي
دارت لينات سولاي تاعها و حبطت بخطواات ثابتة صوت طالون تاعها نقب الارض اول ما خرجو صابو مراد يسنى فيهم تلفتت لخالتها : خالتو !
تقدم ليهم حضن لاميا ما حبش يطلقها بعدها تلفت لينا : ما تخميش واحد ما راهو سامع من غيري
تبسمت معها و حضناتو حكمها من يدها يدورها : اممم كبرتي وليتي مرا
تبسمت معاه بثقة : نقدر نقبل هذا على انو مدح
تبسم معاها : ايا نوصلكم
لاميا : لا ما يشقاش هاو شوفار عيطنالو يسنى فينا
لينا : عندي فكرة خير ادي خالتو معاك و انا نروح مع شوفاار هكا ما نحشمو حتى وااحد ( غمزتها )
لاميا لتابكت ما صابت ما تقول تبسمت و هي تقحر لينا باست خدها و هربت تجري ركبت مع شوفار لي كان يطلع في البڨاج
مراد : اذا مش مرتاحة بالجية معايا نورمال
لاميا : نوووو ماشي هكا...
مخلهاش تكمل حكمها من حزامها و فتحلها بابا طوموبيل طلعت غلقها و راح من جيهتو و قلع
مراد : راجعين خلااص
لاميا : هكا حبت لينا ( شافت فيه ) ما قولتش لمروان ياااك !
مراد : ما قولتش في وجهك و خطرش وعدتك بصح حالة خويا ماهيش عاجبتني كان تشوفيه ما تعقليهش
لاميا : و الله كان يخمم قبل ما يلعب بيها
مراد : الهربة ما كنتش حل
لاميا : كنت رافضة انا بصح ما نقدرش نقول لينا لالا و هي في حالتها هذيك .... بصح دوكا ما ندمتش لينا وقفت على رجليها و وشفتها هكا ... كان لازم تبعد عليهم احمد...
قاطعها : قلب عليها الدنيا نادم هو وصل يحللنا كامل باش يلحق ليها
لاميا : مكانش يعرف الى هي بنتو بصح مع هذا لي دارو ما يتسامحش بساهل .. خلي نشوف لينا واش تقرر
____________
لينا في الطوموبيل فتحت التاقة خلات النسمة تلعب بشعرها تخمم فلي جاية تخمم في المواجهة كيفاش راح تكون هي بيدها لي قدرت تصنع من ضعفها القوة حتى الخوف مابقاتش تحس بيه بقات غايسة مع طريق و تتبسم وحدها
...........
███████████
VOUS LISEZ
اليتيمة😍
Romansالسلام عليكم 😘😘 جيتكم بكرونيك جديدة ليست من اختراعي (منقولة) 😌اقراوها شابة بزاف و طويلة نوعا ما فيها 70 partie 😆 و كي تقراو مادابيكم جام و كومونتاغ. 😍 بليييز
