دخلو لصال كانت مفخمة لينا واقفة مع مروان في الطابلة تتبسم غير وحدها و هو شايخ عليها و مستحلي قربها
لينا : شفتهم شحال شابين
مروان : راكي تباني غير انت مراه يبانلي والو غطيتي كلش
ضحكت لينا : اووف وين راه هذا امير
قلب مروان عينيه
شافت فيه و ذبلت عينيها : حبي ياك فهتك كنا نلعبو حتى نهار حكمك وقال هذيك الهدرة
تبسم مروان على جنب : هاو جااا
شافت مع الباب صابتو داخل مع سلوى اليد في اليد وسعت عينيه : ااه .. راهم كيف كيف هذو !
وقفت معاه في الطابلة : نروح نشوف لينا و نجي
سلوى : اوكي ما تبطاش
تبسم معاه و مشا لطابلة لينا سلم عليها و مروان يحمحم
امير : piii ياك انت لينا ما نيش غالط
طلع مروان حاجب و هبط واحد يقحرلو و لينا تبسمت تحكي بغرور : انعم انا .. ( خبطاتو في كتافو ) مصبح و انا نسنى فيك هذا وين !
امير : ايه ياك ما جوزت والو .. لينا منبعد نسحق نحكو وحدنا
مروان : احكي هنا مكاش وحدكم
نفخ امير : انا نخليك بلا ما نديرو بروبلام في نهار كيما هذا ( غمزلها و مشى
تلفتت لمروان : مي بصح واش بيك هكااا
مروان : وااش بيااا ... يا تفهميه يبدل طريقة الهدرة معاك يا نفهمو انا بطريقتي
حكمتلو يدو : خلااص ما تزعفش امير ..
قاطعها : خلااص لينا لي عندي قلتو
سكتت و بقات تشوف مع الناس شطحو شاف فيها و مدلها يدو تشطح معاه شطحو و كلاو جاز عرس هايل لحق الوقت لي مراد و لاميا فيه يروحو وقفت لينا تعنق في خالتها و تبكي : تهناي في روحك
لاميا : مام انت و امسحي دموعك مراحش نبط ااا
شافت في مراد و حضناتو : بلاك عليه و اذا زعفتها راح تلقاني في وجهك
تبسم على جنب و عملها ايه براسو
ودعوهم راحو و هي ركبت مع مروان طريق كامل و هي تبكي كيما عيا معاها ما سكتش
مروان : خلااص يا عمري ياك مراحش تموت حكايتها كامل شهر عسل تحوس شوية و تولي
لينا : انت ما تقدرش تفهم
ڤارا عند الدار : صحا واش لي ما نقدرش نفهمو
لينا : والو
مروان : صحااا معليش ايا نروحو لداري ما نخليكش هكا وحدك
لينا : لالا
نحات لحزام و تلفتت ليه حضناتو و هو زير عليها بعدت بلعقل و مسحت دموعها : دوك راني مليحة
تبسم معاها باستو من خدو و حبطت و هو مشى
دخلت خدات دوش و بدلت حوايجها ريحت تتفرج تيليفزيون سمعت الباب ناضت تفتح صابتو امير
لينا : امير كاش ما صرا
دخل : مكان والو سحقيتك
قعد فوق الفوتاي شافت فيه : تشرب كاش حاجة
امير : لالا ارواحي ريحي نهدر معاك
قعدت مقابلتو : انعم نسمع فيك
أمير : تعرفيني ما نحبش نلف و ندور نجيك من اللخر لينا ... انا و سلوى نحبو بعض
وسعت لينا عينيها تشوف معاه مصدومة : ك.. كيفاش !!
امير : كيما سمعتي نحبها ما نعرفش وقتاش حبيتها و لا كيفاش اما الحاجة لي نعرفها لي هي راهي كلشي في حياتي ما نقدرش نعيش بلا بيها
وقفت لينا تعيط : كيفاااش هذي انت تعرف لي دارتو فيا و رحت حبيتها
وقف امير : نعرف ايه كامل نغلطو اما الانسان يبتبدل لينا سلوى تبدلت ..
لينا : ما يهمنييش فيها ما فهمتش علاش جاي تقولي
مروان : اما نظن انا نهمك .. و جيت نقول خطرش ما نحبش تكون عداوة بين الانسان لي حاب نكمل معاها حياتي و بين ختي
لينا : ما تعرفش خلي نخمم
طلعت لبيتها و خلاتو نسف بالقاوي و مشى يعرف قلب لينا كبير و حنين راح يلين و يتقبل الفكرة
.........
VOUS LISEZ
اليتيمة😍
Romanceالسلام عليكم 😘😘 جيتكم بكرونيك جديدة ليست من اختراعي (منقولة) 😌اقراوها شابة بزاف و طويلة نوعا ما فيها 70 partie 😆 و كي تقراو مادابيكم جام و كومونتاغ. 😍 بليييز
