سلمت بدلال : : اممم جي هنا و ما تقوليش معلباليش بلي الاحد تكون هنا
مروان : راكي عرفتي ... حاجة ما تخفى عليك 😉
ضحكة ضحكة عالية بتزعبيل و لينا تشوف فيها مشمئز منها و بداو يجوها لفكار باش ترميها من التاقة حاولت تتمالك اعصابها خافت تقلق مروان و يكره منها : واش داك تقوليلو ما نديرش 😡😡 بقات تشوف فيهم هو حكمها من حزامها يوريلها و لينا ما قدرتش تقعد كثر ناضت راحت ليهم و دخلت في وسطهم شاف فيها مروان و الطفلة لي كانت معاه مستغربين
لينا : ا.. ( شافت في الطفلة و تبسمت تبسيمة صفرا )
مروان : باربي واش بيك خليني نخدم
لينا تمتم : راني نشوف كيفاش تخدم انت
مروان : : لينا
لينا : واش 😡
مروان : راني نخدم
لينا : انا ثاني حبيت نتعلم .. علمني
نطقت الطفلة : سمحيلي متموزال بصح راه معايا دوكا
قحرتلها لينا و ديك طفلة شافت فيها من الفوق للتحت تشوف في حوايجها لي كانو عادين و قدم و طرطڨت بالضحك : ما فهمتش كاش خلاو وحدة كيما انت تدخل 😂😂
لينا شافت مع روحها حست غصة كبيرة في قلبها ماحبتش تشوف في مروان رفدت ڤاست تاعها و خرجت تجري خرج موراها خلى طفلة مستغربة فيه حكمها من يدها : وين راكي رايحة
لينا : ما نيش حابة نقعد هنا كثر
مروان : ما ديريش عليها
لينا خلاص ما قدرتش تزيد طاحت دمعتها : عندها الحق شوف حوايجي وين راح نبان قدامك 😢😢
حكملها وجها بين يديه يمسح في دموعها : ما نحبك ديري على حتى واحد انا تعجبيني كيف ما تكوني واش يقولو الناس و واش يشوفو ما يهمنيش
لينا : ما عجبتنيش خدمتك هذي شوف خدمة وحدوخرا و لا خدم مع باباك
مروان : هذي خدمتي و نحبهاا ... لينا نجيك من اللخر نكره الواحد لي يقولي واش ندير و واش ما نديرش ... شوفي انا هذوك لبنات شابعهم وحدة ما تخلعني 😉
لينا : -----------
مروان : اوووه ما يخرجش عليك زعاااف .. قتلك انا نحبك انت هوما ما يهمونيش
لينا : خلاص ما تقوليش .... انا زدت عليها
زاد قرب ليها كثر و كثر حتى النفس راحتلها ريحتو دخلت لخشمها روهجتها ( عرف بلي ساهل يرضيها ) : بصح انا عجبني الحال تولي شابة كثر كي تغيري
لينا حشمت تبسمت و هبطت راسها
مروان : هههههه ايا ماشي قلتيلي ندير
لينا : لالا خلاص ... مزال باش تكمل ؟
مروان : خلاص كملت نروحو ناكلو كاش حاجة
لينا : ايه 😊 ( شدت كرشها ) راني ميتة بالجوع
مروان : خلاص نروحو ناكلو منبعد نرجعو للدار
________________________
مريم خرجت من الدار و دبرت موعد مع سلوى جات و قعدت معاها : صباح الخير
مريم : صباح الخير بنتي .... مازلك زعفانة
سلوى : تتمسخري بيا طاطا علبالك بلي ماما و بابا خلاص لڤواياج تاعهم ليوم راهم راجعين و يسمعوا واش راه صاري .. اوووف راكي تعرفي ... و حتى حل مابان جابلو خبار مروان راه يضل معاها
مريم : نقدر نهدر مع يماك و انت حاولي مع باباك
ناضت سلوى من بلاصتها : انا لازم نروح للمطار ما نوعدك بوالو
دارت نواظرها و مشات
راح مروان و لينا لمطعم قدام لبحر ياكلو
لينا : شحاال شابة هذي البلاصة 😍😍
مروان : ايه نحبها
لينا : تحب لبحر !
مروان : وي بزااف
لينا شافت مع لبحر لي كان مقابلهم و تنهدت : يرفد همومنا بلا ما نحسو
مروان حس بنبرة الحزن في صوتها جا يسقسيها جا ساغفوغ : تفضلو
شدو قائمة يشوفو معاها لينا شافت سومة وسعت عينيها و بلعت ريقها
مروان : واش تاكلي ؟
لينا : هه ( غطات وجها على جيهة باش ما يشوفش ساغفور و قدمت و جها لمروان ...قدم ليها هو تحكي بصوت قليل : معليش نقدرو نبدلو شفت السومة ماشي لازم ناكلو هنا
مروان شاد الضحكة بسيف : معليش راني حاب ناكل هنا
و عاود جبد قعد روحو مليح في الكورسي و هي شافت فيه و رجعت قعدت روحها
مروان : جيبلي حوت مشوية مع سلاطة ( شاف في لينا ) و انت ؟
لينا : كيما انت
مروان : جيبلنا زوج
سغفور راح و لينا شافت في مروان لي كان حاكم الضحكة بسيف
لينا : اضحك ما تحشمش
طرطڨ بالضحك
قحرتلو لينا : علبالك سومة لي شريت بيها پلا واحد انا حياتي كامل ما كسبتهاش
مروان بقى يشوف فيها حاير في العفوية تاعها لي في داخلها تهدرو و اذا ما هدرتش يبان في وجها
لينا شافتو غايس فيها خدودها حمارو حبطت راسها
مروان : وين كنتي قبل ما يجيبك بابا ؟
شافت فيه لينا ما توقعتش يسقسيها بدات تهرب بعينيها مش حابة يعرف حياتها مش حابة يشفق عليها : مانيش حابة نهدر في هذا السوجي دوكا معليش ... البحر و انت راك معايا راني فرحانة مش حابة نحكي على حوايج يوجعوني
حكمها من يدها لي كانت محطوطة فوق الطابلة يمسحلها بحنان : اوكي وقت ما تحبي نسمعك
جابولهم الماكلة لينا شافتها عينيها دارو كانت ميتة بالجووع كرشها تقرقر هما حطو و هي بدات تاكل كيما لولاد صغار نسات كامل بلي مروان راه قدامها مروان بقى يشوف فيها مخلوع كي قريب تكمل تكاكات مع روحها طلعت راسها بلعقل صابتو ميت بالضحك
لينا : ع..علاش مراكش تاكل و راك تضحك
مروان : عجبتيني و انت تاكلي البنات لي عرفتهم في حياتي ما يتحسبوش جامي شفت طفلة تاكل كيما انت قدامي 😂😂
لينا : اه.. ( عوجت وجها تسب في روحها في قلبها حست روحها تبهدلت )
مروان : خلاص كولي بصحتك
لينا كملت تاكل و هو ياكل و ميت عليها بالضحك
كملت تنفست : اوووه حمدالله
مروان : بصحتك راكي ما كليتي كلش 😂
لينا : ياك شريتهم باش نكلوهم نخلي هذوك دراهم يروحو في باطل
مروان : ههههه لالا قوليلي برك وين درتيها ميبانش عليك
لينا : امم 😕 ماشي مالف ناكل هكا اليوم كي راني جيعانة برك
مروان : ايه ايه 😂😂😂 .. نروحو ؟
لينا : عجبتني لبلاصة مانيش حابة نروح منها
مروان : نعاود نجيبك ليها
لينا تبسمت معاه : انشالله ايا نروحو
مشات سلوى للمطار تستقبل والديها لحقو عنقتهم
فادية : واش راكي بنتي
عوجت سلوى فمها : مليحة علاش بيطيتو
جبدها باباها لحضنو : توحشتينا هههه واش بيها ma princess زعفانة
طلعت سلوى كتافها
محمد : ما تقوليليش مروان 😡
سلوى : معليش في الدار نهدرو
فادية : مش راح يستعقل هذاك
سلوى : اوووف ماما انت ثاني ... ايا في الدار نهدرو و نشوف ليكادو تاعي
داروها في وسطهم و خرجو راحو لدار
فوت+كومونت 😍
VOUS LISEZ
اليتيمة😍
Romanceالسلام عليكم 😘😘 جيتكم بكرونيك جديدة ليست من اختراعي (منقولة) 😌اقراوها شابة بزاف و طويلة نوعا ما فيها 70 partie 😆 و كي تقراو مادابيكم جام و كومونتاغ. 😍 بليييز
