اليتيمة😍

part22

راحت بدلت و رجعت شافها من البعيد تبسم قعدت شوية مشات جيب حاجة تشربها تبعها تساربي لروحها حتى جاها صوتو : وااش غطيتي من الفوق عريتي من التحت
شافت فيه لينا مستغربة و شافت في روحها : علاه هذي ثاني ماشي شابة ؟
شاف فيه يميز منبعد عوج فمو و قالها : مليحة.. بصح مام هذي ماتزيديش تلبسيها
و مشا و خلاه لينا تقلقت منو رجعت لطابلة تاعها و كل ما يشوف فيها يصيبها تقحرلو و هو ثاني كان مقلق كل ما يشوف واحد يشوف معاها يزيد يتقلق كثر بقى غير يعسى فيها
طلع حازم يهدر : مرحب بكم كامل ... جمعتكم اليوم نفرحكم بفرحنا هذا يوم خاص بنسبة لعايلتنا
لينا تسمع فيه مركزة واش راح يقول قلبها مقبوض و مروان مركز معاها عينيه ما نحاهمش منها
كمل حازم هدرتو : عرضتكم اليوم باش نحتفلو و نعلنو على خطبة مروان وليدي و سلوى ***
بداو كامل الناس يصفقو و لينا طاح عليها لخبر كلي حجرة كبيرة و ثقيلة بلعت ريقها تحاول تستوعب هدرتو واش يقول رمشت عشرة خطرات بزربة و هي تاخذ في النفسو لي مكانتش حاستو يوصلها غمضت عينيها تحاول تفهم بصح ماقدتش ... بقات تقرص في روحاها و تضرب روحاه بالكفوف شحال من خطرة.... تتمنى يكون هذا كابوس و تفطن منو شافت مع مروان لي كان مركز معاها اول ما شافت فيه هرب بعينيه يتفادى يشوف فيها تحكي مع روحها تحاول تقنعها : كاين سبة ... كاينة سبة ( بقات تعاود في هذي الكلمة شحال من مرة )
عاودت تلفتت لمروان لي كانت سلوى قدامو مكبشة في يدو و تشوف فيها نظرة انتصار تخبى مور الناس لي نطمو عليهم يهنوهم ...شافت راجل متوجه لطابلتها نفسو الراجل لي عرفو حازم على انو بابات سلوى وقف معاها يحكي بكل وهرة صوتو خوفها : باش نعرفك على نفسي انا بابات ( و شاف جيهة سلوى ) ما نحبش نكثر الهدرة بزاف لي يقرب لبنتي نحرقو بلا ما نخمم واش يكون و لا واش قيمتو فهمتي ... بعدي عليها و اذا شتكات منك مراح تلومي غير روحك
لينا ما قدرتش جاوبو بقات تسمع و قلبها يوجع..يوجع.. قال هدرتو و مشا بقات جامدة ما تحركتش بدات تستوعب لي صرا طاحت دمعة سخونة على خدها و خرجت مقدرتش تقعد كثر حست نفس يضيق فيها
بقى مروان يشوف فيها شاف ردة فعلها مع شافت فيه ما قدرش عينيها يضعفوه يشوف فيها بلا ما تفيق من بين الناس يخمم فيها غاضتو مسكينة كل مرة تضربها الدنيا و طيحها هي تحاول تنوض و هي تعطيها ضربة وحدوخرا
.. رما عينو شاف محمد معاها خاف عليها واش باش يقولها جا رايح وقفوا صاحبو : مبروك صاحبي
تبسم معاه مروان من فوق قلبو و مشى ليها صابها مكاش جا رايح مورها عارضتلو طريقو مريم عاقدا حواجبها : وين ؟
مروان : بعدي يما
راح و خلاها ... راح يحوس على لينا مشى دخل للجنينة تاعهم وين مكانوش الناااس شافها في الظلمة قاعدة فوق حجرة تبكي سخفو حالها و حرقوه دموعها تقدم ليها : واش قلك ؟
سمعتو صوتو قلبها رعش طلعت راسها تشوف فيه بعينيها لي معمرين بالدموع حتى في الظلمة يبرقو : انا ثاني لوكان بابا راه عايش راه دافع عليا 😢😢... راه وقف في وجه لي بكاني 😢... راح حماني و خباني من الدنيا 😢😢 ( شافت فيه و عوجت راسها تحكي بصوت مبحوح غالبو لبكى ) اما انا ما عنديش 😢😢... راح 😢😢 ... ما عنديش ... كامل لي نحبهم يروحو 😢😢.. حتى انت رحت 😢... خليتني و رحت 😢😢... قتلي ما نخليكش و خليتني ..  😢😢😢
حبط ليها مروان يسمع فيها و قلبو يتقطع حكمها من يدها : كان لازم نعمل هذي الجاجة ...
شافت في وجهو و رفدت يدها لي كانت ترعش حطتها على خدو دموعها يطيحو و فمها معوج كي لولاد صغار : اماا قلبي راه يوجع 😢😢... واااش درت انا باش نستاهل هذي العيشة 😢😢😢 ... قلبي راه يوجع ... عيييت خلااااص 😢😢😢
حكم يدها لي على وجهو باسها و شم و غمض عينيه قلبو يوجع فيها هو ثاني من كل كلمة تقولها جبدها لحضنو و زير عليها ماوى هذا الشيئ الوحيد لي يعرف يسكتها بيه و يخفف عليها و هي ترتاح في حضنو طلقت روحها تبكي بالشهقة
مروان : اسسسس خلاص كلش يجوز
عملتلو لالا براسها : حاجة مراح جوز خلاص انت خطبت .... انت تاعها دوكا 😢😢😢
حكملها وجها بين يديه : صدقيني لينا هذا خير علينا كامل
بعدت عليه و وقفت : روح ليها ما تخليهاش تسنى
وقف مقابلها : لينا ما دريش هكا
لينا : حابة نقعد وحد ما جيش مورايا
مروان ما حبش يضغط عليها مشات لبيتها و هو رجع فاذ و كاره روحو و كاره كلش
_________________
حازم : خطبنا لينا مع مروان كيما وعدتك
محمد : ايه هذا هو صح
حازم : خلاص ما نحبش واحد يهدر مع لينا
محمد : تبقى بعيدة على بنتي برك
حازم : خايفك تندم على هذي المعاملة
محمد : علاش نندم ؟
حازم : طفلة يتيمة و انت تظلم فيها
محمد : خلاص دوكا جاز كلش و رجع من الماضي و نظن الطفلة فهمتني ماراح يصرا والو ما تخممش( خبطلو على كتفو )
حازم : ان شاء الله
بدات الضو يدخل من التاقة راسها يوجع فيها مارقدتش ليل كامل وقفت شافت روحها في المرايا شعرها مخرب عينيها منفخين حمورا لبست الحاجة لي جات على طريقها و خرجت لجنان عند الطاهر كيما العادة
لينا : صباح الخير عمي الطاهر
طاهر شاف فيها : صبااح الخير بنتي .... لباس تباني مريضة
لينا : لالا راني مليحة .. خليني نعاونك
طاهر : ارواحي
راحت غرست معاه و نحات شوية ورد نسات شوية همها كي لهات مع الطاهر شافها حزينة حاول يخفف عليها و يضحكها كملت دخلت للكوزينة قابلها مراد
لينا : صباح الخير .. تحتاج كاش حاجة ؟
مراد : جيت نشوفك
شافت ليه لينا مستغربة : تش..تشوفني !
مراد : ايه لبارح ما قدرتش نهدر معاك ... راكي مليحة
عملتلو لينا براسها ايه
قرب ليها و حط يدو على كتفها : اذا حبيتي تحكي و تفرغي قلبك راني هنا نسمعك في الوقت معاها ( تبسم معاها.. اول مرة شافتو يتبسم
بلعت لينا ريقها مدهوشة و عملتلو براسها ايه
مراد : مليح 😊
خرج و خلاها دايمن يدهشها بتصرفات تاعو
ناضت فاطمة و الباقي و وجدو كلش لينا بقات تحوس على مروان بصح ظاهر مكاشو طلعت لبيتو مباتش في الدار فراشو كيما راه قلبها وجعها باينة يكون بايت مع سلوى و لا حتافلو في كاش بلاصة
يا ربي كل يوم اني نزيد نعشق في مراد
_____________________
ناض صبااح راسو حسو رزين من شراب تاع البارح
اياد : نضت مسيو لعريس
مروان : ما تفكرنيش رحم باباك 😒
عطاه كاس قهو و قعد مقابلو
اياد : شرب باش تصحصح
مروان : ---------
اياد : دوكا واش دير .... قولي اذا نقدر نعاونك
مروان : نسنى لينا تقفل 18 سنة .... ما نقدر ندير والوا غير نأخر زواج
اياد : مزال شهر
مروان meme po شهر
اياد : تصبرلك سلوى دوكا باباها يجريك على العرس
مروان : ندير لي نقدر ... الله غالب حكموني من اليد لي توجع ... افهمني نخاف عليها .. نحمل كلش على جالها.. بصح دموعها ما قدرتش نحملهم ..قلبي حرقني عليهم
اياد : و الله غير لوكان مانيش نشوف بعيني و نسمع بوذني نكذب مروان انت تحكي هكا .. .. عشت و شفت هذا النهار
مروان : الله غالب ماشي بيدي 😏
حط الكاس فوق الطابلة و ناض يسڨم في حويجو
اياد : وين بيها ؟
مروان : ما علباليش
ومشى راح يسوڨ ڨار عند دارهم متردد اذا يدخل و لا لالا
هبط و دخل يتفادى تشوفو طلع لبيتو طم شوية حوايج في الكابة و خرج شافتو لينا رافد الكابة و خارج راحت تجري من موراه
لينا : مروااان
سمع صوتها غمض عينيه و كبس على الكابة لي كانت في يدو صوتها كات يبان تاعب بقات تسنى يتلفت ما تلفتش راحت قابلاتو : وين راك رايح ؟
مروان : ما دخلك ( بلا ما يشوف فيها )
حكماتو : مروان ... تعيش ما درليش انت هكاا... شوف فيا ..ما نقدرش نحمل 😢
قلبو وجعو ما قدرش يحمل يشوفها هكاك بعدها من قدامو و راح راحت موراه بصح كان طار بالطوموبيل يمشي و يخبط في الفولون : ما قدرتش تحكم يدها و تنقص عليها ...ما قدرتش تقوول بلي تحبها و دير هذي الحاجة على جاالها من طووول عمرك هكا ...ما تستهلش حبها 😡😡 ما تستهلش😡😡
وصل لدار لي راح ليها هو و لينا الدار لي تخليه يريح و دوكا بقاو عندو فيها ذكريات معاها حط كابتو و بدل حوايجو دخل للبحر يعوم و يعوم حتى مبقاش يشوف الارض كي عيا رخف روحو على الما و بقى يشوف مع سما

فوت+كومونت 😍