هذيك الغدوة
لينا : واش هذي الهدرة ... ما تزيديش تعاوديها
مروى : ايه كيفاش طيحت مروان برك فهميني
لينا بدات تتقلق : كي نفهم نفهمك
مروى : اووف خلاص ما تزعفيش ... مراكيش خايفة يلعب عليك ... هو باينة راه يلعب .. سلوى و ما ادراكا ما سلوى لعب بيها و كي كمل رماها .. ڨاع الناس يعرفوه بلي غير تاع نسا ... ما فهمتش علاش راكي مغمضة عينيك عليه
لينا : الحاجة لولا ما تهدريش عليه هكا و الحاجة الثانية ماهوش يلعب مروان يحبني انا
مروى : ما نزيدش نهدر عليه بصح خليني نقلك هذاك ذيب و باش يخلي كامل لبنات لي في المستوى تاعو عارضات ازياء ممثلات و خلي و خلي ڨاع بإشارة صغيرة منو يجوه يجرو و يجي ليك هذي فيها لوش المهم انا نخليك بون نوي
ناضت و لينا بقات متغششة في بلاصتها غمضت عينيها و دخلت لبيتها ترقد صابت فاطمة نايضة
فاطمة : وين كنتي يا بنتي
لينا : كنت نشم شوية هوا
فاطمة : اممم ... بنتي عسي روحكو و ردي بالك من مروان مزلتي صغيرة و ما تعرفيش شايفتك نية نعرفو من لي كان صغير يا بنتي ننصحك لوجه ربي
لينا تمتم : جاكم اليوم ڨاع تهدرو عليه
فاطمة : انعم
تبسمت لينا معاه : ما تخميش عليا خالتي مروان يحبني و جامي راح يضرني و راني متأكدة كامل راكم داين عليه صورة سيئة هو في صح ماشي كيما تقولو
فاطمة : انشالله
دارت ترقد و لينا بقات في فراشها تتقلب ما جهاش نعاس خرجت تشوف اذا جا صابت طوموبيلتو مكاش عرفاتو مزال ما جاش تحكي مع روحها : اووف وين راه حتى لهذا الوقت
بقات تسنى مجاش جاتها فكرة تطلع تسناه في بيتو طلعت غير بلعقل تتلفت من و من اذا شافها كاش واحد دخلت و غلقت الباب تتنفس ما حبتش تشعل الضو باش ما يفيقوش و قعدت بقات تسنى فيه نص ساعة هكاك دخل شعل الضو صابها : لينا !
لينا : كنت نسنى فيك
قرب ليه : كاش واحد قالك حاجة ؟
عملتلو لالا براسها
مروان : امم واش قالولك
لينا : ما جيتش على هذي ... حبيت نسقسيك
شاف فيها يسناها تسقسي
لينا : علاش انا !
مروان : كيفاش علاش انت ؟
لينا : ما تفهمنيش غالط دير في بالك بلي داير ثقة في هدراتك و فيك ... بصح من بين كامل هذوك لبنات علاش خيرتني انا
مروان قرب ليه كثر و حكم وجها بين يديه مركز فيها : بلاك خطرش صبت حجات فيك ما صبتهم عند حتى وحدة par ex عينيك ما يشبهو لحتى حاجة وحدهم
لينا غاست فيه حاسة قلبها راح يخرج من بلاصتو
بدا يقرب في وجهو بلعقل لوجها هي ما تحركتش حست السخانة طلع
VOUS LISEZ
اليتيمة😍
Romanceالسلام عليكم 😘😘 جيتكم بكرونيك جديدة ليست من اختراعي (منقولة) 😌اقراوها شابة بزاف و طويلة نوعا ما فيها 70 partie 😆 و كي تقراو مادابيكم جام و كومونتاغ. 😍 بليييز
