واقف عند الباب يطبطب على الڤولو قدامو يطل من الزجاج يخمم جا حابط من الطوموبيل صونا البورطابل تاعو شاف معاه لقاه مراد رفد عليه
مراد : وين راك نحتاجك هنا ..... انا نوجد للحفلة تاع مشروعك هنا و انت مكااش
نفخ بالقاوي : اوكي راني جاي
كوبا عليه و شاف مع تاقة تاعها : معليش عندنا الوقت ليلة جاوبي على كامل الاسئلة تاعي
شعل الطوموبيل و مشى منا لينا ڨرات الطوموبيل تاعها منا نزل امير يشوف مع الفيلا خزرت فيه لينا : واش ماعجباتكش
امير : يعنييي ..تسقي
تبسمت معاه : ادخل خالتو راهي تسنى فينا
صوناو في الباب حلتلهم الخدامة دخلو لقاو لاميا تسنى تقحر للينا سلمت على امير : مرحب بيك عندنا
امير : يعيشك لباس ؟
لاميا : و لي عندو لينا راح يكون لباس
شاف فيها و خربلها شعرها بيديه : وااش دارت ثاني
قلبت لينا عينيه و لاميا كملت تهدر : معليش امير منبعد نحكو ما نهبلكش من الباب نعرف عيان و الطريق طويلة روح رتاح و دوش منبعد ارواح راني موجدتلك واحد الفطور هايل
تبسم معاها : اوكي
لينا : ايا نوريلك بيتك
لاميا : عفاف ( الخدامة ) توريلو بيتو انت بقاي عندي هدرة معااك
مشا مع عفاف و لينا تعيط موراه
لينا : ريح ملييح نسحقك في الليل
لاميا : لينا دير في بالك بلي واش راكي ديري مراهش عاجبني ... شراكة و حفلة و انا اخر من يعلم و لوكان ما قليش مراد معلباليش وقتاش كنتي راح تتكرمي و تقوليلي
حكمت لينا يد لاميا : خالتو عمري ما تتقلقيش مني كنت راح نحكيلك كلش نعرف لوكان قتلك من اللول كنت راح تمنعيني .. انا لازم نعمل هكا و نرجع اعتباري
لاميا : نمنعك خطرش انت مكيش تاع هذو لحوايج ... نعرف تعملي هكا على جاال هذاك الهم تاع مروااان مكفاوش ليالي لي بتي تبكي في جرتو
قاطعتها : ايه نعمل هكا على جالو حابة نرجع حقي نحرقلو قلبو كيما حرقلي قلبي نلعب عليه كيما لعب بيا ندفعو ثمن الدموع لي طاحو في جرتو صتصغرني و ذلني ... و مش برك هو حتى هذاااك القتاال و بنتو رااح ندفعهم الثمن واااحد وااحد
لاميا : لي تعملي فيه غالط لينا علبالي واش جوزتي ماشي ساهل اما الانتقام و هذو الحاجات ماشي ملااح راح يكرهولك حياتك
لينا : خالتو انا مراحش نتراجع راكي معايا و لا لالا
لاميا : تعرفي لي مستحييل نوقف ضدك بصح حبييت نحذرك لينا مانيش حابتك تتوجعي هذ القوة لي راكي تخدعيهم بيها ما جوزش عليها و هذة الماسك لي راكي ديراتو يجي نهاار وين يطيح
لينا : ما تخافيش حاجة ما تتبدل لينا البهلولة النية ماتت دوكا حاجة ما تقيسني
وقفت من بلاصتها : نروح نشووف امير اذا كاش ما يسحق
لاميا : اوكي و انا نقلهم يحطو لفطور
____________________
وصل لدارهم دخل صاب خوه في الجنينة يتفرج معاهم ينضمو للحفلة مشا وقف قدامو
مراد : اووه جيت لوكان زدت بطيت شوية مزال الحال
مروان : وين كانت ؟
مراد : شكون ؟
مروان : تعرف عليمن راني ريح ما ***** و جاوب .. كنت تعرف من اللول ؟
مراد : كالمي روحك مرواان
مروان : جاااااوب من وقتااش و انت تعرف
مرااد : كي بعثني ليها لقيتها مسافرة هي و لاميا ... حكيت معاها اما ما قدرتش نقنعها
تبسم مروان على جنب يحاول يخفي الغضب تاعو : يعني تعرف من اللول .... تعرف و خليتني هكااك ...
حكمو مراد من كتافو طبعو
مراد : مروان سمعني انا وعدتها ما نقول لحتى واحد ما نقدرش نرجع على وعدي
مروان : مليح انت لي كنت باقي نوثق فيه راك تبخرت معاهم
جا ماشي حكمو مراد : اصبر مروان و تهدن عرف وااش دير ما تنساااش بلي راك خاطب سلوى
عاود طبعو قريب طااح : ما نسيييييتش .. و انت تعرف علاااش راني خاطبهااا .. تعرف ملييح و انت اخر واحد تقلي وااش ندير و وااش ما نديييرش
مشى و خلاه عاقد حاوجبو عاذرو كلش جا على كتافو و عطاه الحق كي زعف عليه
..........
████████████
VOUS LISEZ
اليتيمة😍
Romanceالسلام عليكم 😘😘 جيتكم بكرونيك جديدة ليست من اختراعي (منقولة) 😌اقراوها شابة بزاف و طويلة نوعا ما فيها 70 partie 😆 و كي تقراو مادابيكم جام و كومونتاغ. 😍 بليييز
