شوية و فطنت هي تفتح في عينيها بلعقل كانت البيت مظلامة بقات تشوف في خيلات و تتوهم وقفت تجري خايفة و خرجت حبطت شافت بنادم راقد تبسمت و مشات تشوف مكاش بلاصة قدامو بلاصة ضيقة بلا ما تخمم رمات روحها فوقو ناض مفجوع ماهوش فاهم وااش كاين صابها فوقو بدنها لاسق فيه و مدخلة راسها في صدرو و محوطة يديها الصغار عليه بلع ريقو حس روحو عرق و السخانة طلعتلو باش تهبلو ضمها و غمض عينيه يسيي بلاك يقدر يرقد
اول ما راح مراد من عند لينا مشى لدار لاميا ما قدرش يخليها وحدها حاجة ما اقوى منو دفعاتو ليها فتحت عليه الباب عينيها منفخين من البكى : مراااد ! لينااا ... لينا وين رااهي كاش ما صرا ؟
حكمها من كتافها يهدي فيه : ما صرا والوا ما عجبنيش صوتك في تيليفون جيت نطمن عليك
لاميا : لينا ( عيطت ) مراااد كيفااش تخليها وحدهااا
مراد : ما هيش وحدها راهي مع مروان
لاميا : مروان ! ..ك..
قاطعها : مكاش واحد راهي مسحقاتو لينا في هذا الوقت كيما مروان ... هو لي يقدر يفهما ( حط يدو على دقنونتها و رفعلها راسها ) دايرا كونفيونس فيا !
هي ذابت من نظرة عينو عملتلو ايه براسها
تبسم يمطئن فيها : راح تكون مليحة معاه
تغرغرو عينيها بدموع : خايفة ما تسامحنييش ... خايفة نخسرهاا ( طرطقت بالبكا )
جبدها لحضنو يمسحلها على شعرها : اششش راح تسامحك ... لينا قلبها كبير .. انت حكيلها كلش و انا متأكد لي هي راح تفهمك
لاميا كبشت فيه : ودوكا ما نقدرش نشوفها ؟
مراد : تفاهمت مع مروان دوكا غير تقدر يعيطلنا
مسحت دموعها : ههههه قعدنا عند الباب ... ما تدخلش
مراد : دخلتينا و قلت لالا 😅😅
لاميا : سامحني كيشغول كي جيت..... يعني على لينا...
مخلهاش تكمل هدرتها جبدها من يدها دخلو و غلقو الباب
__________________________
فطن مروان و لينا تتحرك فوقو ليل كامل ما قدرش يرقد تقول خايف عليها لا تهرب باقي يتفرج مع البلافون و يمرر في يديه على شعرها بلعقل ...... فتحت عينيها بلعقل راسها تحسو ثقيل رااح يطرطڨ من السطر بدات تتنمل من فوقو حس عليها جبد يدو منها و هي تتكسل مزال ماهيش حاسة وين راهي تسي تتفكر حطت يدها على بدنو ( طبليطة شيكولا ) وسعت عينيها رفدت راسها بلعقل شافت فيه هو قابلها بإبتسامة : صبااح الخير
بلعت ريقها مصدومة فوقو و هو عريان مع لي هي ناضت تجري طاحت في الارض مروان شبع ضحك عليها ناضت دايرة يدها فوق راسها لي كان يوجع : وااش راني ندير هنا ( شافت مع روحها لابسة حوايجو زادت وسعت عينيه تسي تتفكر واش صرا البارح ماهيش متفكر حتى حاجة طلعت عينيه تشوف فيه قاعد و يتبسم ) وااش صراا.... ما نيش شافية والوا ... قول الصح كاش ما صرااا
مروان فهمها واش حبت تقول بصح دار روحو ما فهمش : واش يصرا
لينا : اااه... اا....انا .. و انت .. كاش ما صراا .... ( نفخت بالقوي من التوتر لي حاسة بيه ) اوووووف افهمها
مروان : ما فهمتش لينا واش حبيتي تقولي ؟
لينا تقلقت : واش درنا انا و انت لبارح
عوج مروان شفافو : رقدنا
لينا : يعني رقدنا بلا ما نديرو والو !
وقف و قابلها : عيب عليك تنساي اجمل ليلة في حياتنا
بلعت ريقها و بدا العرق يسيل عليها : واااش ... كيفاااش ليلة ... ما تخلعنيش... قول الصح تعيييش
شاف عينيها بداو يتغرغو بالدموع غاضتو : ليلة عمرنا مم وقتاش انت تشربي و تسكري
تنهدت : اااه قصدك على هذاك
تبسم بخبث : علاش واش حسبتي
لينا : والووو 😳
مروان : ما تخميش هذيك نخليها حتى لنهار عرسنا ( غمزها و هي هبطت راسها حمرة من موقف لي حطت روحها فيها )
ضحك : نروح نوجدلك قهوة تصحصحي
راح و هي تفكرت واش قال راحت موراه تهدر : شكون قلك رااح نتزوج بيييك .. ديجا وااش راني نديير هنا معليش تفهمني
عطها كاس القهوة : لبارح كنت قاعد في امان الله حتى قلولي ارواح دي وحدة راهي سكرانة
لينا حبطت راسها : ما حسيتش .. سمحلي اذا قلقتك
قرب ليها يمسحلها على وجها بحنية : كي يقلقوني كامل الناس انت لالا
رجعت خطوة للور تبعد عليه و رفدت كاس القهوة تشرب : امم معليش مغسي دوك نروح انا
مروان : ما تحكيليش واش صرا ؟
حاكمة دموعها بسيف : مش مهم .. . لازم نروح
جات ماشية راح موراها حكمها من يدها : وين بيها ؟
لينا : نروح لدار .. ديجا ما دخلك
مروان : دخلني كيفاش هذي ما دخلنيش روحي بدلي حوايجك و نروحو
لينا : ايه حقااا وين راهم حوايجي
مروان : غسلتهم لبارح يكونو نشفو دوكا
لينا : اه ما تحشمش انت ....كيفاش ....هذي علاش غسلتهم
مروان : بلاك باسك تقيتي عليا
لينا : اناا !
مروان : ايه انت
راحت تجري ما حبتش جاوبو اصلا ما عندهاش واش تقول و هو شابع ضحك عليها ... بدات تلبس تفكرت لي عرها ذابت من الحشمة و سبت روحها حتى كرهت كملت راحت ليه مام هو كان لابس هدرة بلا ما ترفد راسها : خلاص نروحو
مروان تبسم : ايا
خرجو ديراكت لدار خالتها لينا طريق كامل و هي ساكتة ما حبتش كامل تشوف فيه و هو
..........
███████████
VOUS LISEZ
اليتيمة😍
Romanceالسلام عليكم 😘😘 جيتكم بكرونيك جديدة ليست من اختراعي (منقولة) 😌اقراوها شابة بزاف و طويلة نوعا ما فيها 70 partie 😆 و كي تقراو مادابيكم جام و كومونتاغ. 😍 بليييز
