سلوى مور ما راحو مشات لأياد و فراس : واش كاين علاش دار هكا
اياد : يحبها سمعتي بوذنك
سلوى : مروان لي نعرفو انا و نتوما جامي يقدر يحب
فراس : معناها ما عرفناهش مليح 😉
سلوى : كاين حاجة مروان راه يلعب نتوما علبالكم بصح راكم تخبو
اياد : شوفي سلوى مكان والوا ربي ما كتبش بيناتكم ..... خلاص خليهم يعيشو حياتهم
سلوى : ههههههههههه اذا مكانش اسمي سلوى علاقتهم ما تكملش سمانة ..... هذا اذا ما كرهش هو
مشات و خلاتهم ركبت في طوموبيل تاعها و قلعت لدارها و صلت طلعت لبيتها حكتها هيستيريا كسرت كلش
____________________________
مروان وصل مع لينا دار صابها تشوف فيه و غايسة تبسم على جنب و هدر : وصلنا ما تحبطيش
فاقت مع روحها : اه.. ما حسيتش
مات بالضحك عليها حبط و حللها الباب حبطت و بقات تشوف من و من كاش واحد يشوفها
لينا : راني داخل اصبر شوية و دخل انت اوكي باش ما يعرفوش كنا كيفكيف
مروان : ههههه ..... علاش نبقى في البرد 😦
لينا : خلااص تمرض صح معليش انت دخل و انا نبقى هنا شوية و ندخل
قرب ليها و هي رجعت للور حتى كونسها مع طوموبيل قرب يهمس في وذنها : و انت في بالك يخليني قلبي نخليك للبرد
لينا لسنها حساتو حجرة ثقيلة ما قدرتش تخرج الهدرة النفس و تقطع فيها : ان....ا......مالفااً....مروان .. دوك يشوفنا كاش واحد
مروان بقى مقرب ليها ريحتها بنينة يشم فيها : خلي يشوف انا نحبك ما علبالي بحتى واحد
لينا : مروان...تعيش ..ما نيش حابة مشاكل
بعد عليها : اوكي... ادخلي و دوك شوية موراك ندخل
لينا : تبقى في البرد !
مروان : الغلطة تاعك كنت راح ندفى بصح...
لينا : كيفاش ؟
مروان : ههههه خلاص ادخلي دوك يشوفك كاش واحد
لينا : ايه صح
جات رايحة حكمها من يدها : ما نسيتي والوا
لينا : لالا هذي الپوشات راهي عندي
مروان : امممم مانستهل والوا 😕
لينا : اه روبا دوك نغسلها و نرجعهالك
مروان : واش ندير بيها كي ترجعيهالي نلبسها انا روبا 😏..... ديجا هذيك كادو و تاعك ما تزيديش تهدري عليه ( قرب ليها و باسها من خدها ) قصدي هذي 😊
لينا : اه..نروح انا 😳
دخلت تجري ميتة بالحشمة ما حبتش تتلفت موراها دخلت لبيتها و حطت يدها على قلبها و يد تمس خدها ميتة بالفرحة و هو طلع لبيتو فرح بخطة تاعو لي راهي ماشية
طلع النهار ناضت سلوى لبست حوايجها و الحاجة اللول لي دارتها مشات لدار مروان دخلت كانو كامل مجموعين فوق الطابلة
__ لينا ناضت صباح فرحانة اول مرة في حياتها من مور يماها و باباها تحس بهذي الفرحة خملت و لبست حوايجها شافت الروبا محطوطة فوق الكورسي تبسمت رفدتها حطتها في الخزانة و خرجت كانو مزالو راقدين خرجت لجنان كيما مالف تلقات مع صالح نحاو شوية ورد عاوناتو و دخلت للكوزينة تحطهم في الڤاز و تغني : عم حس بلون الدنيا احلى صار ... عم عيش نهار بألف نهار .. عم يضحك قلبي مثل ولاد صغار صرت المشاور و عليك بغار ... حسيت بقربك بالامان صرت بزمان غير لي كان ... عم اعشق انا عم اخلق من اول و جديد عإسمك انا عم البس خاتم عمري بالايد ... عم بعشق انا ...🎶🎶
حست بواحد عنقها من لور لسق فيها حوط يدو على كرشها قرب راسو يهمسلها في وذنها : اممم شكون هذا لي عندو الزهر
لينا : م...مروان 😳
باسها من خدها و دورها ليه محوط يديه عليها : صباح الخير
تنهدت لينا : صباح الخير ( تضحك من عينيها )
مروان : ما قوتيليش بلي عندك لاڤوا شابة
لينا حبطت راسها وحشمت : سمعتني
مروان : امم ايه و نحب من و رايح دايمن نوض على صوتك و انت تغني
تبسمت لينا خدودها حمارو
قرصها مروان من خدودها : يا يما جري لوليدك عندو حشامة من الكبار
لينا : ايااه بعد دوك جي صح 😨😨
مروان : راهي راقدة مزال الحال
لينا : نخاف دوك جي خالتي فاطمة و تشوفك.. انت كيفاش نضت دوكا
مروان : نضت على جالك توحشت عينيك جيت نشوفهم
لينا : ☺☺ ... مروان تعيش بعد و الله غير دوك يشوفونا
قرب وجهو لوجها كثر و كثر : امم ما تقوليلي والوا باش نبعد
لينا : وا..واش .. نقول ؟
مروان : ماعلباليش كلمة نكمل بيها نهاري ... نتفكرها و نتبسم ..
لينا : في الصح خممت في بزاف كلمات نحب نقولهملك بصح كل حاجة في بالي ننساها كي جي و كي قربتلي هكا نسيت واش كنت راح نقول
بقى يشوف فيها ما عرفش واش لي صدمو كثر جرأتها و لا برأتها المباللغ فيها ما تعودش على نوع هذا تاع لبنات
.. بنات الذكاء تاعهم اقرب لدهاء يتمسكنو باش يتمكنو شاف و يعرف مليح بصح هي كانت حاجة وحدوخرا البرأة لي في عينيها و كي تشوف فيه و كي تهدر حسها طبيعة ماشي مصطنعة بقى يشوف فيها اول مرة يحير واش يقول سرح في وجها الملائكي لي حمار من الحشمة كي هدرت هي قبلو نصدمت من لكلام لي خرجاتو من فمها .. صح كل كلمة خارجة من قلبها بصح ما حبتش تبينلو هذي الحاجة تبسملها تبسيمة عريضة و بعدلها شعرة مقلقتها على وجها جوز يدو على شعرها كامل مركز مع رد فعلها عينيها كانو يعبرو على كل حاجة تحس بيها كانت قدامو كيما لكتاب المفتوح يقدر يقراه بلا صعوبة كانت عكسو هو لي ما يظهرش مشاعرو ما تقدرش تعرف واش كاين داخل قلبو قالها بصوت حنين : ما تقولي والوا بقاي تشوف فيا هكا و انا نفهم كلش بلاكي تتبدل النظرة تاعك
دخل مراد شاف خوه و لينا هكاك نصدم : مروااان 😯
مراد : مر..وان !
دار مروان ليه و لين جمدت في بلاصتها حشمت و خافت لونها تخطف
مراد كبس على يدو : واش راك دير ؟ 😠
مروان جبد لينا من كتافها ليه : نقدملك حب حياتي 😊😊
مراد : مروان برك ما تتبهلل.. . . واش راك تخلط ... لوكان يسمع بابا الطفلة مزال ما دارتش 18 سنة علبالك
شاف فيها مروان : صح !
لينا : ايه شهر و شوية و نديرهم
مروان شاف في خوه : الحب ما يعرفش لعمر 😉😜
مراد : مروان امشي معايا نهدرو
مروان : اوكي
خطفلها بوسة من خدها و همسلها ( ما تخافيش نهدر معاه) مشى مور خوه دخلو للبيت و غلق الباب يحكي و يلز على سنيه : واش يا سي شباب خلاصو عليك لبنات
مروان يحكي ببرود : ههههه غير هذي لي جامي تصرا 😂😉
مراد : واش داك لطفلة مالا
مروان : راك غالط هي جات ليا و تلعب عليا من الفوق ... حسبالها ساهل
مراد : لينا ! راك متأكد !
مروان : ايه كانت تخدم في مطعم لي كنت نروح ليه ... و زيد سلكتها من واحد كان راح ***** منبعد جي مع بابا زعما ضربها بطوموبيل و هذا كامل صدفة ! عايشين في الهند حنا 😏
مراد بقى يستوعب في كلام مراد تفكر صندوق لي صابو قدام لينا كي ضربوه فيه تصاور خوه تنهد : قادر يكون ڨاع واش تقولو صح .... و بلاك ثاني قادرة تكون صدفة و تكون هكا ظلمت الطفلة
مروان : معليش مع الوقت يبان
مراد : اللعبة تاعك ماشي راح يوصلك بعيد خليني نقلك
مروان : ما تخممش عليا خو نسلك راسي ... ايه و كلش يبقى بينتنا ما تقولش لبابا 😉
مراد : نشوف
تبسم معاه مروان على جنب و خرج
قابل يماه عند الباب : مروان ! 😮 راك مريض وليدي ؟
مروان : لالا ... علاش
مريم : كيفاش نضت هذا الوقت ملي كنت نقرا ما نضتش هذا الوقت
باسها من خدها : اليوم نضت .... ههههه و ما توالفوش 😉
طلع لبيتو و خلاها
فوت+كومونت 😍
VOUS LISEZ
اليتيمة😍
Romanceالسلام عليكم 😘😘 جيتكم بكرونيك جديدة ليست من اختراعي (منقولة) 😌اقراوها شابة بزاف و طويلة نوعا ما فيها 70 partie 😆 و كي تقراو مادابيكم جام و كومونتاغ. 😍 بليييز
