اليتيمة😍

part36

شعل تيليفزيون هذاك تلفت لينا و مروان ليه.... مروان وسع عينيه ماشي مأمن و لينا بقات تشوف بهتمام تسمع في مروان و تشوف فيه قاعد مع اياد و فراس يحكو <<" كذبت عليها باش نقهر سلوى صح كذبت كي قتلها نحبك و وهمتها بالحب مام كي وقفتها قدامهم كان ل bût تاعي نلعب عليها هي و سلوى و هي ما كنتش واعرة جبتها ليدي بسهولة كانت كيما الطفلة صغيرة تأمن كلش" >>
لينا تسمع في صوتو و هو يحكي كيشغول قاعدة في بيت فارغة و صدى صوتو يتعاود في وذنها كل كلمة يقولها تسمعها الدوبل و التريبل باش تزيد تتحفر في ذهنها كثر بصح الحفرة لي تحفرة في قلبها كانت كبيرة كثر و كثر خزرت لمروان لي كانو عينيه يحكو عكس لي تسمع فيه حست بروحها تتخنق بدات تربط الاحداث مع بعضها و تفهم و يا ريتها ما فهمت يا ريت لوكان بقات على عماها و برأتها و عاشت هذيك السعادة الكاذبة ما حستش بروحها كاش طبعاتو و خرجت تجري راح يجري مروها جات تروح لاميا حكمها مراد من يدها : خليهم يتفاهمو وحدهم
سلوى تبسمت ابتسامة انتصار حست بلي وصبت للي حاب عليه
مشى يجري موراها و هي تجري و تتعكل بالروبا الطويلة دموعها شلال ما حبوش يحبسو حكمها من يدها و دوراها ليه و تكلم كانت نبرة صوتو كلها ندم : لينا سناي نفهمك .... هذااك بكري.. لينا و الله غير حبيتك و نحبك صح
هبطت عليها كلمت نحبك كيف ساعقة كيشغول اول مرة تسمعها من فمو عينيها تعباو دموع تفكرت وقت لي كان يقولهالها بالكذب باش يخدعها و يلعب بيها يخزرلها في عينيها و بكل وقاحة يسمعها احلى كلام ينجم يتقال تفكرت غبائها و هي تصدق فيه و فرحانة بالحلمة لي كان معيشها فيها حست بنار شعلت فيه جازت قدام عينها كل لحظة ستغلها فيها و استغل طيبتها و غباءها تفكرت واش حملت في دارهم على جالو واش سمعت و خبات في قلبها غير باش ما تغموش بدى عقلها يعمل فلاش باك لكل لحظة تعاسة عاشتها و كل اهانة تهانتها جيست خاطر حابتو كثر من روحها و كثر من الدنيا كامل شافت فيه و حاسة راسها يدور و الضباب بين عينيها صوتو تحسو بعيد يعيطلها ما بقاتش تسمع اوووب طاحت و مابقات تحس بوالو
________________
قاعد في سبيطار يلعب بالباطة تاع الخاتم لي خيرو على جالها بين صبعتيه راسو ماشي معاه يخمم تيليفونو ما حبش يحبس ڨاع يعيطولو حطو silencieux ماحب يهدر مع حتى واحد خرج الطبيب غلق لباطة خباها في جيبو و مشى ليه