اليتيمة😍

part32

وصلو خلود للميتم و لينا مشات مع خالتها طريق كامل و هي ساكتة متكية براسها على التاقة تتفرج مع طريق و دموعها ما حبوش يحبسو ما حستش حتى فاقت على صوت لاميا كي قاتلها : وصلنا لدارنا
حست بإحساس غريب عليها احساس اول مرة تحسو يمكن حتى عندها شحال ما حستوش : د..دارنا !
لاميا حست بيها : ايه دارنا ..... راح تكون عندك بيت فيها و راح تعيش فيها بلا ما يحكي معاك حتى واحد و لا يهنيك واحد
حلت الطوموبيل حبطت و لاميا حبطت دخلت المفتاح و دخلت فيلا صغيرة بصح شابة فيها جنينة كبيرة اول ما دخلت لينا ليها حست بالامان تمشي و تشوف فيها شابة بزاف كلش فيها شباب
لاميا : وجدولك بيت اذا ما عجباتكش بدليها و خيري لي تحبي مام ديكور ما نعرفش كاش تحبي
تقدمت لينا للبيت فتحتها شافت معها عجبتها بزاف عمرها ما تخيلت تكون عندها بيت كيما هذي شافت مع لاميا : هذي تاعي !
لاميا : عجباتك !
لينا : ايه ( صوطات على خالتها تعنق فيها في ساع جبدت عليها تفكرت مروان لي راه بايت في الحبس )
لاميا : دوشي و كاين شوية حوايج في الخزانة لبسي لي يعجبك و غدوة انشالله نحكو على كلش
لينا : اوكي ... مغسي
لاميا : ما تعوديش هذي الهدرة انت ريحة الغالية لي نديرو قليل عليك ... ارقدي و ريحي مليح و غدوة نحكو على كلش و نمشو نشرولك شوية حوايج
لينا : غدوة نروح لمروان
لاميا : ايه بعد ما نكملو معاه
لينا : اوكي.. صبحي بخير
لاميا : صبحي بخييير 😘
خرجت و غلقت عليها الباب نحات لينا حوايجها و دخلت تحت الما خلاتو يسيل عليها كل ما تغمض عينيها تتفكر لمسات فؤاد ليها و كل ما تتفكر وين حط يدو عليهة تحك هذيك لبلاصة تحب كان تقدر تنحي جلدها لي مسو تحك بيدها و تبكي 😢😢😢
كملت و خرجت لبست لي جا على يدها و قعدت مجهاش نوم راسها عند مروان كيفاش قاعد في الحبس
_________________
مروان مكانش قل حال عليها رايح جاي داخل الحبس مقدرش يغمض عينيه يلوم في روحو كلشي صرا بسبتو كان صرتلها حاجة مكانش راح يسامح روحو كان راح يحرق الدنيا و يكمل يحرق روحو راسو يحسو راح يطرطڨ حاب يخرج يشوفها و يدخلها في حضنو ... طمنو لي هي بخير بقى يخمم فيها حتى طلع النهار يسنى وقت لي يخرج و يشوفها
غير شافت الشمس بدات تشرق ناضت تجري بدلت حوايجها و مشات تشوف وين الشومبرة تاع لاميا باش تنوضها دارت عليهم كامل حتى لحقت لتاعها فتحت الباب صبتها مزالت راقدة وقفت عند راسها مترددة اذا تنوضها و لا لالا حشمت منها حتى شافتها فتحت عينها فرحت لاميا بصوت ناعس : لينا ! لينا : صباح الخير .... نروحو ! شافت لاميا في ساعة قدامها : مزال الحال هبلتي لينا : معليش قيس ما تلبسي نحب نشوفو غير يخرج لاميا : اووكي راني نايضة لينا : خلاص نسناك لتحت لبسي و حبطي حبطت لينا صابت طفلة صغيرة باينة الخدامة على حساب لبستها : صباح الخير نور : صباااح الخير 😊.... سمحيلي ما عرفتكش انت ضيفة عند مدام لاميا لينا : انا بنت ختها لينا نور : مرحب بيك متموزال لينا : نحب تقوليلي لينا برك نور : هههه اوكي و انا نوور لينا : متشرفين نور : تفطري .... لفطور مزال ما وجدش ماشي مالف مدام لاميا تفطر هذا الوقت و ما عرفتش لي انت هنا سامحيني لينا : ما تقلقييش روحك حتى انا مش راح نفطر رانا خارجين لاميا : لالا نفطرو قبل نور : صباح الخير مدام لاميا : صباح الخير لينا : نروحو ما نفطرش تعيشي... توحشتو راني حابة نشوفو لاميا : اوكي امشي برك صبتك مور كامل هذي المدة محال نرفضلك حاجة عنقتها لينا : ربي يخليك ليا انشالله لاميا : و يخليك ليا يا عمري ... امشي نروحو ثاني يخرج قبل ما تشوفيه لينا : ايه عند الحق .. باي باي نور نور تبسمت : باي باي ركبو في الطوموبيل و مشاو للپوست پوليس وصلو مع وصول مراد شافهم قحر لاميا و لاميا كيف كيف حاب تقتلو بعينيها جاها صوت لينا : ما نحبطوش ؟ لاميا : لينا هبطي انت سنايه و انا نبقى هنا لينا : علاش ؟ لاميا : هكاك احبطي و كي تكملي تصيبيني هنا لينا : اوكي خالتو ( باستها من خدها و حبطت ) مراد حبط من الطوموبيل لينا : صباح الخير مراد : صباح الخير لينا لينا : يخرج دوكا ياك ؟ مراد : ايه نورمالمون اروحي ندخلو لمحامي راه الداخل دخلو ربع ساعة خرج المحامي مع مروان شافتو جاي قلبها رفرف حست كان كاين غير هو برك نسات كامل النااس راحت تجري و سوطات عليه حضناتو لف يديه عليها و زير عليها غرس راسو في رقبتها يشم ريحتها حس روحو عندو سنين ما شفهاش ما صدقش وقت صابها بين يديه جبدت عليه شوية حكملها وجها بين يديه يشوف فيه مش يشوف برك يفلي فيه و هي دموعها ما حبسوش فرحانة كي طفل ضايع لي صاب دارهم
والديه مسحلها دمعتها :
اششش ما نحبش نشوفها لينا : ------- 😢😢 شاف في خوها لي كان واقف موراها عنقو : حمد الله على سلامة مروان : الله يسلمك كبشت لينا في يدو : ايا نروحو منا جبدها من كتفها حضنها : ايه نروحو حتى انا عندي خدمة مراد ؛ ما دير والو ريح عاقل بابا و يما معلبالهومش بلي بايت في الحبس قلتلهم عند اياد مروان : ما يهمني في حتى واحد 😉 مشى و مراد موراه : اصلا انت وقتاش هموك ... واش راح دير ؟ لينا : ما تروحش ليه خلينا منو ربي يخلصو مروان : هذاك حسابو مزال خليه يفطن قبل .. لاميا في الطوموبيل ما قدرتش تصبر كثر خرجت : كملتو ؟ تلفت مروان : شكون هذي لينا : خالتي مروان ؛ خالتك ! عندك خالتك ؟ لينا : ايه حكاية طويلة حتى انا مزال ما فهمتش كي نفهم نفهمك مراد : هذا اذا صح خالتك ... انا في راي شوفي لورق و تأكدي لاميا : لوكان تحترم روحك يا لوكان شوية واش نقلك مراد ؛ 😏 لينا : لا خالتي و راح تفهمني كلش ( شافت فيها ) ماشي هكا ! لاميا : ايه و لوكان غير ناس تتعلم ما دخلش روحها لينا : حكى في مصلاحتي برك ما تقلقيش روحك نيتو مليحة مراد : ما تبرريش .. كل واحد يفهم على حساب عقلو مروان : اوووب واش راه صاري هنا ... ايا نروحو مراد : راني نسنى في الطوموبيل لاميا : لينا جي معايا ؟ مروان : ايه جي معاك لينا : لالا نروح معاك توحشتك 😞 مروان : مام انا يا روحي بصح عندي خدمة نفريها و نجي ليك ... ريحي عند خالتك ذبلت لينا عينيها : خدمة خير مني مروان : هههههه ماشي خير منك.. مي مستعجلة شوية نوعدك نكملها و نتعشاو كيف كيف حتى انا حاب نحكي معاك عندنا هدرة طويلة و عريضة لينا : اممم اوكي باسها من خدها : روحي معاها دوكا و عشية نعيطلك لاميا : احمم .. ايا لينا ودعاتو و كل واحد مشى في طريقو

.......
██████████