مشى مراد عند مروان ليل كامل و هو يحوس عليه ما صابوش في دارو و حتى تيليفون تاعو ما شعلوش
فطن كي ضربت الشمس في وجهو عظامو كامل يوجعو فيه رقد فوق الفولون تاع الطوموبيل... بصح وجيعت قلبو كانت كثر مسح يديه على وجهو يصحح تفكر ليلة البارح تمنى كان كانت كابوس بصح كلش كان صح شعل تيليفونو صاب مراد و حتى اياد معيطينلو شحال من مرة عيط لمراد يشوف وين راه و يطمن على ليناا رفد عليه يعيط : وييين رااك .. علااش غالق ر** التيليفون
مروان : كيفاش راهي لينا
مراد : قولي وين رااك نتلقاوى نقلك حالة لينا
مروان و هو يشعل في الطوموبيل : ما نقدرش رايح ليها لسبيطار لازم نشوفها نخليها تسمعني بسيف عليها
تنهد مراد يتمالك في اعصابو يعرف خوها يدير غير لي في راسو و لازم يسايرو : صبر مروان صبر خويا ... خلي نتلقاو و نهدرو هكا راح غير تزيد تعقد الحالة روح لدارك دوك نجوز عليها لسبيطار نجيبلك دارها و نلحقك
مروان : ما نقدرش لازم نشوفها لازم نشوف كيفاش راهي حالتها كيفاش ما نقدرش نبعد عليها فهمني
مراد : فاهمك يا خويا فاهمك بصح طفلة ما هيش مليحة خليها تهدا شوية و والله غير انا نعاونك ... مروان الو تسمع فيا
مروان : اوكي
كوبا عليه و مشى لدارو
مشى مراد لشومبرة تاع لينا جابلها معه بوكي ورد و شوية شكولا يعرفها تحبها دخل صاب معاها لاميا و خلود و اياد يضحكو معاها يحاولو يخففو عليها شافتو دخل و حط واش كان في يدو تبسمت شبه تبسيمة اما لاميا كانت في دنيا وحدوخرا ما فهمتش واش صرالها اول ما دخل حست قلبها دق و فرفر زادت شافت واش جاب لينا حارت فيه كيفاش داير هذا الراجل
مراد : ايه كيفاش صبحتي
لينا : حمد الله خير من البارح
مراد : جبتلك الشيكولا لي تحبها
لينا : مغسي تعبت روحك
مراد : واش من تعب هذا
هدرت لاميا معرفتش اما حبت تقول اي حاجة : دوك نخرجوها
شاف فيه و تبسم : مليح ففرحت بزااف
و هي شدوها لا طيح تبسيمتو تهبل فاقت مع روحها : يعيشك
لينا : سمحولي ندخل نغسل و نبدل حوايجي باش نروحو
لاميا : نجي نعاونك
لينا : لالا خالتو ما يشقاش نبدل دقيقة و نجي
دخلت لدوش تما تشوف في روحها مع المراية تقول ماشي هي حتى ملامحها تبدلت بقات تشوف مع روحها و تمتم الغنية لي جات في بالها : يا مرايتي ( تغني و تبكي بالحق هذي الغنية تعبر عليها ) .. يا مرايتي شو ضيعتي ... شو لقيت ... و شو بقي فرص
ل
بست حوايجها و بقات تشوف في المرايا تمشط في شعرها تبكي و تغني حطت يدها على فمها تغم في البكية ما حبتهومش يسمعوها كملت غسلت وجها و تنفست باش تخرج
من الجيهة الاخرى كي دخلت لينا تبدل شافت لاميا في مراد : معليش نهدر معاك دقيقة
مراد : اذا كيما البارح ما يشقاش راسي راه يوجع
تنفظت : لالا لالا خلي نخرجو برا
خرجت عند الباب و هو تبعها وقف مقابلها طلع حواجبو يسنى فيه واش تقول و هي كلمات حستهم راحولها : ا..ا
مراد : ايه ..؟
لاميا : ما عليش تخليني نهدر في عقلي
مراد : ههههه هدري
لاميا : ا..حبيت نقلك سمحلي على ليلة البارح كنت مقلقة و....
مخلهاش تكمل هدرتها حط يدو على كتفها و تبسم على جنب : ماشي مشكل
و عاود دخل عند لينا لي كانت خرجت خلاها مصدومة هذا الراجل دايمن يخرجلها بخرجة جديدة مور ما فاقت دخلت موراه شافت في لينا : كملتي
عملتلها لينا ايه براسها : اي نروحو تخنقت من سبيطار
راحت حكمتها من يدها
مراد : اياد اذا مكانش عندك شغل توصلهم
تكلمت لاميا في قلبها ( علاش زعمة ما توصلناش انت ) : نو ما يشقاش نروحو في طاكسي
اياد : نوصلكم انا .. كونك هاني خويا مراد
مراد : ايا ريڨل مالا.. ( شاف في لينا ) عشية نجوز ليك
لينا : انشالله
خرج و لاميا تغزلت منو خرحو ركبو مع اياد وصلهم و معاهم خلود و مراد مشى ديراكت عند مروان طبطب في دار فتحلو بلا ما يهدر خلى الباب مشرعة و عاود رجع رما روحو علي الفوتاي
دخل مراد موراه غلق الباب و ينفخ : وااش هذي الريحة
فتحلو التاقة : ريحة شراب تصرع
مروان : لينا كيفاش راهي
مراد : خرجت من سبيطار راهي في دار خالتها
مروان : ايه نروح نشوفها مالا
عاود رجعو قعد و قعد مقابلو : ما تروحش سنى نهدرو
مروان : خطي ز*** ما نيش حامل نهدر ... روح نهدر معاه قبل يا ر*** ماحبيتش تفهم سما شديتني هنا على جال هذي الهدرة 😏
مراد : سڨم هدرتك و سمعني انت في بالك دوك تروح راح تسمعك لينا هذا ڨاع و حبت خالتها مراحش تخليك
مروان : و خالتها واش قودها ... انا نروح نهدر مع لينا و تحب بسيف عليه
مراد : مور واش درت حاجة ما جي بسيف يا سي شباب كالمي روحوك و تصرف برزانة ... راني هنا باش نعاونك و اذا تبقى دير لي في راسك راني نقلك راح تخسرها
قعد روحو و شاف فيه و هو يلعب بيديه : اييه ؟
مراد : وااش لي ايه
مروان : كيفاش تعاوني
مراد : بعد على لينا فترة خليها تريح راسها و تخمم
وقف من بلاصتو : غير هذي لي ما تصرااش .. انا نقلك ما نصبرش بلا بيها و انت تقولي بعد 😏
مراد : روح لسق فيها و هي هكا .. نشوفو واش تربح ... سمعني و راس ميميتي غير راني نخمم فيك مش حابك تندم
قلب مروان عينيه و مراد كمل يهدر : شوف خليها ترتاح و انا نروح ليها دايمن نشوفها و نطمنك عليها غير نشوفها قادرة تهدر معااك راني نقلك و ذاك الوقت هدر
مروان : من نيتك انت نبقى نسنى .. ياو ما نقدرش خلي نشوفها و لي يصرا يصرا ما يهمنيش لازم تسمعني
مشى و خرج خلااه مسح يدو على وجهو يتمالك في اعصابو
...........
██████████
VOUS LISEZ
اليتيمة😍
Romanceالسلام عليكم 😘😘 جيتكم بكرونيك جديدة ليست من اختراعي (منقولة) 😌اقراوها شابة بزاف و طويلة نوعا ما فيها 70 partie 😆 و كي تقراو مادابيكم جام و كومونتاغ. 😍 بليييز
