بعد مرور شهر
لاميا : لا غوب كيفاش جاتني
لينا : هههههه جاتك تهبل
لاميا : زعمة نخرج شابة غدوة أوووف ما نيش مأمنة بلي راح نتزوجو
ناضت لينا ليها و عنقتها : راح تتزوجي و راح تكوني أحلى عروسة خطرش انت تستاهلي كل خير
لاميا : يا روحي انت
سكتت شوية بعدها طرطقت بالضحك : ههههه راح نولو ناسا لوس
لينا : مزال ما حكيناش انا و مرواان على زواج
لاميا : اما باينة طريقكم تصالحتو دوكا حمد الله و ما بقى حتى عائق بيناتكم و سلوى خلاص و يماه راهي قابلة
لينا : ايه مزال الصح قالي اذا نتزوجو !! ....خلي نجاوبك مقالش ... اووف خلينا خالتو عمري غدوة نهار طويل خلي نروحو نروقدو
لاميا : ايه عندك الحق .. صبحي بخير ... يا لينا تفكرت سلوى جي ياك معليش
لينا : جي !
لاميا : ايه امير قالي عرضيها
لينا : امير !! هه ديجا تفكرت حسو مبانش
لاميا : ما نعرف بلاك لاهي مع الخدمة المهم انا قتلك باش ما يصرا والوا و دوكا صبحي بخير غدوة انشالله نهدرو
___________________________
شرقت شمس ( نهار مبروك ههه 😜) مشات لاميا و لينا عند الحفافة مشطو و بدلو خرجو في زوج يهبلو لبست لينا غوب في النوار طويلة خرجت تفتق
لاميا : اووف بطاا
لينا : ههه ما تتقلقيش دوك يجي
لاميا : عيطي لمروان تعيشي سقسيه وين راهم
لينا : أووكي
رفدت التيليفون تعيط جبدتها من يدها
لاميا ما تقوليش بلي انا سقسيت
لينا : هههه اووووكي
عيطتلو شاف نيميرو تاعها تبسم رفد : روحي
ضحكت لينا : وين راكم !
مروان : واش ديجا توحشتيني متخفيش دقيقة و نكون عندك
لينا : من نيتي وين راكم مزال باش تلحقو
مروان : نوو خلاص ما بقاااش واحد 5 دقائق و نكونو عندكم
لينا : اوكي باي
كوبات و تلفتت لخالتها : 5 دقائق ويكونوا هنا
شوية و سمعو كلاكسون تاع طوموبيلات طلت لينا من التاقة : راهم جاو
وقفت لاميا تعدل في لاغوب تاعها و لينا فتحت الباب قابلها مروان خارج من الطونوبيل لابس سموكينغ جاه يهبل مع الكور تاعو راحت تجري ليها و هي تضحك حكمات من يدو و باستو من خدو : سلام
هبط راسو و عظ على شفتو التاحتانية يضحك منبعد شاف فيها مكبشة في ذراعو و تتبسم ببرأة عينيها شعرها لاغوب على بدنها كلش فيها يسحر قرب و خطف بوسة خفيفة من شفافها و تبسم : هكا نحب انااا
وسعت عينيها و خدودها حمارو تلفتت تشوف اذا كاش واحد راه يشوف فيهم شافت مراد مخرج خالتها يدها في يدو و ركبها في طوموبيل زادت تبسمت و عينيها غرغوي بالدموع دموع فرحة كبشت في مروان كثر
مروان : ايا نروح
فتحلها الباب جات تركب عاودت شافت فيه : ما تقولي والوا !
شاف فيها مستغرب ؛ واش نقلك
قلبت عينيها : والو
جات تركب تبسم على جنب و حكمها من خصرها لسقها فيه بلعت ريقها تشوف معاه و هو مثبت مع عينيها قرب يوشوشلها في وذنها : خارجة تهبلي يا روحي
تبسمت و تنهدت : اياااه اي روحو راحو كامل و خلاونا
مروان : ما يهمنيش خليهم يروحو
حوطت يديها على رقبتو تلعبلو بالكول تاعو : اما ما نقدرش نخلي خالتو في نهار كيما هذا اي نروووح و الله تقتلني
مروان : اوكي أووكي فهمت
طلعت و طلع و مشاو لاصال وين العرس
........
VOUS LISEZ
اليتيمة😍
Romanceالسلام عليكم 😘😘 جيتكم بكرونيك جديدة ليست من اختراعي (منقولة) 😌اقراوها شابة بزاف و طويلة نوعا ما فيها 70 partie 😆 و كي تقراو مادابيكم جام و كومونتاغ. 😍 بليييز
