بدات الشمس تدخل من التاقة فطنتها اصلا هي متعودة من صغرها تنوض بكري بقات فيها عادة شافت مع الوقت صابتها 5:10 ناضت غسلت و بدلت حوايجها كانو كلهم مزالوا راقدين ما صابتش واش دير بقات في صالة تشوف منبعد خرجت لجنينة كانت كبيرة بزاف بقات تمشي و دور فيها وقفت عند ورد كان تما عجبها بزاف نزلت شمت وحدة و بقات تشوف فيهم و تتبسم جاها صوت من موراها : عجبك الورد
تلفتت صابتو راجل كبير في العمر تبسمت معاه
نطق هو : شكون انت يا بنتي
لينا : اسمي لينا جيت نخدم هنا
_ الله يبارك انا لبستاني هنا و اسمي صالح
لينا : متشرفا.. مالا هذي الجنة خدمت يدك
صالح : هههههه خدمت ربي سبحانو
لينا : و لو هذا يبقى مجهودك بفضل ربي صح
صالح : صح ... يا بنتي صح ... ظاهر فيك فاهمة
لينا حشمت هبطت راسها ☺
صالح : تقدري تقطفي منهم اذا عحبوك
شافت فيه تضحك : صح !
صالح : اصبري نجيب مقص و نقطفوا مع بعض
بقات تضحك قطفت بوكي و رد و دعت صالح و رجعت لدار باب الكوزينة لي يطل على لجنان جاية كاملها زجاج مراد كان فايق مشى للكوزينة يعمل قهوة ليها شافها جاية و الورد في يدها تشوف فيه و تتبسم و شعرها يلعب بيه الريحة بلا ما يحس بقى باهت يشوف فيها دخلت : مسيو مراد صباح الخير
فيقاتو : صباح الخير
لينا حطت الورد و راحت تجري ليه : خلي عليك انا نوجدلك
مراد : لا معليش نحب نوجدها وحدي
لينا : اوكي
تراجعت و رفدت الورد تبسمت مع مراد : نحطو في ڤاز .... عندكم ورد شباب و جنينة تاعكم تهبل
مراد : وردة رافد ورد
لينا : نعم !
مراد : والوا عجبتك الجنينة مالا
عملتلو ايه براسها : الظاهر في عمي صالح خدام محترف باش رجاعها هكا
مراد تبسم معاها : ايه بفضلو رجعت هكا
دخلت فاطمة للكوزينة بقات باهتة في مراد لي قاعد و يضحك من الفوق : صباح الخير
_ردولها : صباح الخير
فاطمة تحكي مع لينا : علاش ما شفتيش مسيو مراد واش يسحق
مراد : لا نوجد قهوتي وحدي
ناض من بلاصتو : اي ربي يعاونكم و اذا سقسى عليا بابا قولو راه في الشركة
مشى خرج
فاطمة : وقتاش نضتي انت ؟
لينا : نص ساعة ملي نضت ... واش نديرو دوكا
فاطمة : نوجدو لفطور اما مزال الحال راه 6 و هوما يكلو على 8..... وجدو كلش جات مروى و ايناس
فاطمة : هذا وين
مروى : دارنا راڨاي و ما فطناش
فاطمة : اخر مرة ايا خفو حطو الطابلة
دخلت مريم :
فاطمة : صباح الخير مدام
مريم : نحب توجدو كلش بالطبع راهي جاية سلوى تفطر معانا ما نحب حتى حاجة ناقصة
فاطمة : حاضر مدام
مريم : ايناس ارواحي معايا
خرجو كيف كيف
مروى : اوووف راهي جايا ديك زواخة
لينا : شكون هذي
مروى : خطيبتو مسيو مروان و لا نقلك خليني نقول لصقة مسيو مروان خير
فاطمة : بركاونا من الهدرة كل وحدة تشوف شغلها .. و انت يا الا مروة لسانك مش راح يوصلك بعيد
______________________________
وجدو كلش كامل مطمومين على الطابلة و سلوى لحقت لينا طل من البعيد حابة تشوفها شافتها حست نار شاعلة في قلبها : هذي الحطة و الزين كامل يخليه و يشوف فيا surtt كي شافني ب شوميز دونوي تاع البارح
حبطت راسها حزينة و رجعت للكوزينة
سلوى : مروان وين راه
مريم : تعرفي يا بنتي مروان ما ينوضش بكري
ياسمين : و كي يعرف بلي راكي هنا sur ما ينوضش ( ضحكت تغزل فيها )
سليم حاكم الضحكة و سلوى حبطت راسها تتغزل
حازم : ياسمين بنتي سڨمي هدرتك تسمعي فيا 😡
ناض خرج و سليم مشى موراه ناضت ياسمين : سمحولي انا عندي غونديڨو بااي
خرجت و مروى و ايناس جاو يطمو الماكلة
مريم : ارواحي قعدي في الصالة و انا نوض مروان و نجي
سلوى : اوكي طاطا
دخلت لصالة و مريم طلعت تنوض مروان دخلت حلت ستائر : نوض مرواان
مروان : اووه واش نووض ندير راني راقد 😒
مريم : نوض بهدلتني سلوى مصبح راهي هنا
مروان : و انا واش دخلني
مريم : نوض عيشك وليدي الطفلة ما عندهاش بزاف ملي دخلت لسبيطار
مروان : يا يما دوكا من نيتك نخسر رقادي على جالها .... ديجا مانحملهاش تقلقني
مريم : غير شوية في وجهي نوض
مروان ناض ينفخ : خمس دقايق ما نزيدش
فرحت : عيشك وليدي العزيز 😘
ناض دوش و ستيكا روحو مشط شعرو و لحيتو دوش بالبارفان تاعو و خرج راح ليهم كاره حياتو
لينا كانت تخمل قالتلها فاطمة : بنتي خملت شومبرة تاع مدام مريم و نسيت ما مسحتش لغبار روحي مسحيه
لينا : اوكي
مشات تجري و دخلت لشومبرة تاع مريم و بدات تمسح و تشوف في هذيك البيت مدهوشة هذي صح مشات صابت بلاصة داخل فيها حوايج سبابط كل خير تقول حنوت دخلت تمرر في يديها على لغوب لي تما
مروان حبط ناضت سلوى رمات روحها تسلم عليه و هو فاد منها ريح معاهم
سلوى : دخلت لسبيطار و ما جيتش شفتني
مروان : ههههه سبيطار دارك الثانية ما يشقاش نجي نشوفك نشوف المرضى برك انا 😉
مريم ترطب في الجو : كان حاب يجي بصح الوقت ما سمحلوش
مروان : لالا ما كنتش حاب نجي 😏
مريم ما صابت ما تقول و سلوى تقلقت اما والفت معاملة تاعو هذي بقاو يهدرو و هو مريح معاهم فاد مش طايق يخرب في تيليفونو مريم حبت تخليهم وحدهم رمات كاس ju عليها
مريم : سامحوني نروح نبدل حوايجي و نجي
__________________________
لينا بقات تشوف في روبات هذوك جبدت و حدة و حطتها على روحها تشوف في مرايا : زعما يجي نهار و نلبس هكا .. حتى قرايتي و خسرتها ههههه نحوس نلبس هكا ... تشليقة ما عنديش .... هم يضحك و هم يبكي 😅
طلعت مدام مريم لشومبرة تاعها ...
فوت+كومونت 😍
VOUS LISEZ
اليتيمة😍
Romanceالسلام عليكم 😘😘 جيتكم بكرونيك جديدة ليست من اختراعي (منقولة) 😌اقراوها شابة بزاف و طويلة نوعا ما فيها 70 partie 😆 و كي تقراو مادابيكم جام و كومونتاغ. 😍 بليييز
