لينا : خ..خالتي !!
للحظة فاقت لاميا واش قالت عينيها وساعو تلفتت لينا لي كانت في حالة صدمة ستجمعت القوة تاعها : ايه خالتك .... كنت راح نقلك و نفهمك كي نروحو لدار ( منبعد شافت في مراد من الفوق للتحت و هي تقحرلو ) لوكان مجاش هذا
لينا : ماعنديش خالة انا راكي غالطة فيا
لاميا : لا مانيش غالطة كنت عايشة في المريكان و حبطت نحوس علييك شحال و انا نحوس .. عرفت الميتم بصح كنت هربتي
لينا تغرغو عينها بالدموع : انت خالتي !!
عملتلها لاميا ايه براسها حتى هي حابسة دموعها بسيف تتصنع في القوة
لينا : علاش جيتي دوكا.... وين كنتي .... علاش ما نعرفكش.... خالتي انت.... خت ماما 😢😢 ( تحكي بالزربة )
قربت ليها تمسحلها على شعرها : ظروف كانت مانعتني الله غالب في بالي متي بصح طلعتي عايشة جيت حوست عليك سامحيني كي طولت ما كنتش نعرف لينا ما كنتش نعرف 😞
لينا بلا ما تخمم تلاحت لحضنها تبكي كانت محتاجة حضن عايلة بعد كامل هذا الوقت و زيد واش صرالها اليوم و لاميا فرحت انها تقبلتها عرفت الي قلبها حنين كيف ختها بعد ما بكاو و شبعو بكا و هوما حاضنين بعض مراد واقف يديه في جيبو و خلود تبكي معاهم
لينا : واش من ظروف ؟
لاميا : امشي نروحو لدار و نحكو على كلش حكيت مع الميتم من اليوم انت تحت وصايتي اصلا بقات سمانة و ديري 18 سنة غدوة نكمل كامل لورق و تبقاي معايا
لينا فرحت بزاف اخيرا راح يكون عندها دار و عايلة دار تروح ليها تعيش بلا خوف هذا احساس يخليها تكون فرحانة بسيف عليها
شدتها لاميا من يدها : ايا نروحو
لينا : لالا ما نقدرش يخرج مروان قبل
لاميا : راه معاه هذا ( على مراد ) لازم تروحي ترتاحي ...و ديجا هذا لي تحكي عليه علاه خلاك
لينا : عندو سبتو ما تهدريش هكا تعيشي
مراد يسمع فيها و يكبس على يديه من العصب ما حبش يجوبها
لينا : لالا ما نقدرش نرتاح حتى يخرج
لاميا : اوووكي
تبسم مراد على جنب و دخل بلا ما يعبرها
لاميا تقلقت منو بصح مضطر دير لي قالت عليه لينا دخلو في 3 موراه و قعدو في الكراسا يسناو في المحامي يخرج باش يقولهم و مراد واقف رايح جاي يسنى في خبر على خوه مقلق عليه بزاف و لاميا تشوف فيه و تقحرلو
خرج المحامي و راح لمراد يهدر معاه لينا ناضت تجري ليهم : غدوة انشالله يخرج منبعد المحاكمة تاعو بكفالة يخلص كلش
لينا : كيفاش معناه يبات اليوم هنا !
المحامي : ايه مع الاسف الراجل لي ضربو دخل في غيبوبة ... عملت لي نقدر عليه اما ..
خبط مراد على كتف المحامي : صحا تعبناك معنا
محامي : لا خدمتي .. اذا مبقاتش واش ندير نقدر نروح و غدوة انشالله نرجع
مراد : ايه
محامي : ننصحك مام نتوما تروحو خطر ما كان حتى فايدة من بقائكم هنا
مشى راح ولاميا تقدمت لينا : سمعتي واش قال ايا نروحو
لينا : لالا ما نروحش حتى يخرج ما نقدرش نروح و هو بايت هنا
لاميا : واش راح ديري ما تقدريش حتى تشوفيه
لينا : ما يهمش المهم نخرج رجلي على رجلو .. راه هنا على جالي
شافت لاميا في مراد : ما تقول والو انت
قلب مراد عينيه عليها و تلفت لينا : خالتك عندها الحق سمعتي المحامي... مروان ماراحش يحب تبقاي هنا..... نعرف بلي ما تحبيش تزعفيه
لينا : ايه اما...
قاطعها : روحي لدار ريحي
لينا : نريح و هو هنا
مراد : كان جيتي في بلاصتو ما نظنش لي تحبي يبقى هنا .... روحي و غدوة صباح رجعي ☺😉
لينا : اوكي ... غدوة صباح بكري نولي
مراد : كيما تحبي.. هكا خير
شدت خلود و خرجو و لاميا موراهم حست بيد حكمت ذراعها تلفتت صابتو مراد : حمدي ربي جيتي مرا لوكان راني علمتك كيفاش تحكي ملييح
نثرت يدها منو جات جاوب عيطتلها لينا باش يروحو مشات و خلاتو ركبت و راحو
دخل حازم لدارو بعد ما رجع من پوست پوليس جات تجري ليه مريم : شفت واش صرالنا من تحت راسها 😡
حازم : راسي يوجع ما تبدايش😑 ..... محمد وقتاش راح منا ؟
مريم : مور ما رحت .. جا مروان ضربو
حازم : كيفاااش !!!!.... عيطتلو ما رفدش ... لازم نحكي معاه
مريم : مش رااح يحكي معاك و لا راح يعطينا بنتو على جال هذيك الطلابة دمر كلش ولادي هاملين مروان هبل ما بقاش يشوف قدامو ... غير هي .. غير هي😡😡
حازم : مريييييم 😡😡
مريم : واش نكذب ولادي ما نعرف ويين و انت جيت من لاپوليس في نص الليل كلو من تحت راسها ..و انا عييت خلاص ..... ما نحبش نزييد نسمع حاجة عليه .. في عود مراك هنا تعيط عليا في جرتها روح شوف ولادك وين 😡😡
دخل مراد : راني هنا يما
مريم : مروان وين ؟
مراد : راه بايت عند ايااد
مريم : علاش مجاش معااك
مراد ؛ ما حبش يجي ... غدوة يجي
حازم : ها ريحتي دوكا 😡... غير الطفلة راحت فيها
مراد : حتى الطفلة بخير .... راهي عند خالتها
حازم : خالتها !!!.... وقتاش رجعت ؟
شاف فيه مراد مستغرب : تعرف خالتها !
مريم : حازم !!!
حازم : مش مهم دوكا .... نروح نريح دوكا و غدوة ربي يعمل تاويل
مريم : كيفااش وين تعرف خالتها
مشى و خلاها و مراد باسها من راسها و طلع لبيتو
....
█████████████
VOUS LISEZ
اليتيمة😍
Romanceالسلام عليكم 😘😘 جيتكم بكرونيك جديدة ليست من اختراعي (منقولة) 😌اقراوها شابة بزاف و طويلة نوعا ما فيها 70 partie 😆 و كي تقراو مادابيكم جام و كومونتاغ. 😍 بليييز
