جازت الليلة على خير لينا مزادتش شافت مروان ..... ناض صباح معول ينفذ الخطة تاعو حبط للكوزينة عارف لينا تكون تما دخل : صباح الخير ☺
دارت شافتو طاحلها الطبسي من يدها تكسر : 😮 تكسر
مروان : ايه اذا كل ما شفتيني ديري هكا باينة ماشي غير طبسي لي يتكسر
لينا : م...ما فهمتش
مروان : طمي زجاج .. قبل ما يجي كاش واحد
بدات طم و هو عسلها عند الباب
لينا : كملت
تبسم و دار ليها : اي مليح انشالله ما يفيقولكش
مروان : عشية كاين حفلة حبيتك جي معايا
لينا : انا !!!
مروان : ايه انت على 6 نجي نديك
و خرج بلا ما يخليها جاوبو بقات مدهوشة : انا نروح معاه لحفلة و لا ما فهمتش مليح ..... 😳 لالا فهمتي ... فهمتي ( بدات تشطح و تغني 💃💃 ) اه نروح نوجد روحي ..... اووووف بصح واااش نلبس ما عندي والو ... اوووووف دوك ما نقدرش نروح ........ . اووووف نحس 😞😞 __________________________
لحق الوقت جا مروان لدار طلع لبيتو دوش و لبس حوايحو ستيكا روحو و حبط يشوف لينا
مريم : مروااان
تلفت ليه
مريم : وين رايح ما تتعشاش معنا ؟
مروان : لالا بصحتكم
و مشى للكوزينة حوس عليها ما صبهاش
فاطمة : تحتاج حاجة وليدي ؟
مروان : باربي وين راهي ؟
فاطمة : باربي ! واش راك تقول !
مروى : قصدو لينا
فاطمة : اييه .... واسمها لينا ماشي باربي
مروان ؛ ههههه امممم لينا ... حتى انا ما مكانش علبالي حسبتلي باربي ... المهم وين راهي ؟
فاطمة : راهي في شومبرة...
مروان : اوكي مغسي
خرج
فاطمة : علاش يحوس على لينا ! 😑
سلوى ؛ و البارح ثاني داها معاه
قفزت فاطمة كانت تحكي بشوية بصح سمعتها مروى
فاطمة : امشي لشغلك باقيا تصنتي عليا
مشى طبطب في شومبرتها و دخل شافتو وقفت في بلاصتها نسحرت بيه كل يوم يكون شباب على نهار لي قبلو كل يوم تحس روحها كيشغول اول مرة تشوفو
مروان : اووو مزال ما لبستيش !
حبطت لينا راسها حايرة كيفاش تقولو ما عندهاش واش تلبس
لينا : احم.. اه.. سمحلي ما نقدرش نجي معاك
تفاجئ مروان منها طلع حاجبو : علاش ؟
لينا : هكا .. معليش انت روح ... اصلا انا مانيش تاع اجواء كيما تاعكم
مروان : راكي معايا ... و امشي تروحي ما نروحش بلا بيك
لينا : ا....
قاطعها : ما نقبلش اعتراض ايا باربي تحشميني !
وقفت تكبش في يديها مع بعض مش عارفة كيفاش تتصرف و هو وقف يحلل فيها و يشوف فهمها : ما عندكش واش تلبسي !
شافت فيه لينا مدهوشة
مروان : ارواحي
شدها من يدها خرجو ركبها في طوموبيل و مشاو ڨارا عند حانوت حبط و راح من جيهتها فتح الباب : احبطي
لينا : واش جينا نديرو هنا ؟
جبدها من يدها و غلق الباب : بصح شحااال تسقسي ... ايااا بطينا ديجا
دخلو للحنوت بقى يشوف في ليغوب و يحطهم عليها و هي تبع فيه مدهوشة و هو ميت عليها بالضحك شاف وحدة : هذي مليحة روحي قيسيها
تكاكات لينا مع روحها : لالا
مروان : ما عجبتكش ؟
لينا : لالا تهبل
مروان : مالا علاش
لينا : ما عنديش دراهم باش نشريها
مروان : ههههههه هذا مكان انا نشريهالك
لينا : لالا ما نسحقش ... ماعنديش واش نلبس ما نجيش للحفلة مش مشكل ... ما تشريليش
مروان حس بلي مضطر يسايرها خطرش لوكان ما جيش للحفلة راه يفسد ڨاع واش مخطط خمم شوية منبعد قرب ليها حكملها يدها بين يدين و شاف في عينيها يعرف مليح نقطة ضعفها هي ماتت خلاااص
مروان : اممم ماتفهمنيش غالط ... بصح حبيت نمدهالك كاادو برك
لينا : ك..كادو ... على واش ؟
مروان : قيس ما وجدتيلي سندويش كي كنت جيعان 😊
لينا : بصح ... خدمتي هذيك
مروان طلق يدها و عمل روحو زعف : سما ما تقبليش الكادو تاعي
لينا : لالا بصح....
قاطعها : خلاص فهمت امشي نرجعو
خطفتلو لينا الروبا من يدو : وين يقيسو
تبسم على جنب : من هذي الجيهة
لبست و خرجت : كيفاش !
تبسم مروان حتى بانو سنيه كامل : شابة 😍
تبسمت لينا و حبطت راسها حشمانة
مروان : ههههه دوكا بقات حاجة و نكونو واجدين
لينا : لي هي
مروان : امشي
داها عند الحفافة مشطت و عملتلها مكياج سامبل خرحت بالحق باربي تاع الصح و يمكن اجمل منها خرجت كان مروان متكي على الطوموبيل يسنى فيها شافها بقى باهت فيها و في زينها ما فيها حتى غلطة شافتو يشوف فيها هكاك دخلت في بعضها مدلها يدو شدتها و هي ترعش حس بيها تبسم ركبها في طوموبيل يحكي مع روحو : جامي شفت طفلة كيما انت بصح معليش ... الواحد يبدل شوية ( تبسم على جنب عدل حوايجو و ركب )
وصلو للحفلة كانت حفلة شباببة موسيقى عاليا دخل هو و هي حاكم في يدها حسها متوترة حكمها من يدها : راكي معايا 😊
شافت تبسيمتو ذابت في بلاصتها تنهدت تنهيدة طويلة و هو ضحك عليها دخل و سلم مع صحابو و هي معاه كلاوها بعينيهم و هي تشوف مدهوشة حاجات عمرها لا شافتهم و عمرها لا تصورت تشوفهم و سلوى بقات تتغزل ماقدرتش مشات ليهم
سلوى : نقدر نعرف على واش هذي الحفلة
مروان : اووه شحال مقلقة .... دوك كامل تعرفو 😉
شافت في لينا من الفوق للتحت : وهذي الخدامة واش جبتها دير معك
مروان : كان لازم نسقسيك شكون لي نحيب معايا نجيب لي نحب ... و لعيباد لي نجيبهم معايا تحكي معاهم مليح 😉
مشات من عندو تتغزل و هو وقف قال لديجي يحبس و شد لميكرو : في اللول مرحب بيكم كامل
بداو يصفقو و يسفرووو
مروان : درت هذي الحفلة ليوم باش نشارككم بحاجة صرات لي حياتي ....
اليوم عملت هذي الحفلة باش نحكيلكم على تغير صرا في حياتي عمري ما سنيتو و لا توقعت يصيرلي انا بذات جمعتكم باش نعرفكم على البنت لي علمتلي معنى الحب لي غرست الحب في قلبي لأول مرة ببرأتها وطيبتها
الكل بقى يشوف فيه مدهوش و هو يحكي سلوى فرحت و لينا عينيها تعباو بالدموع و قلبها حساتو يتحرق
فراس : كاش معطيتو يشرب
اياد : راني مخلوع كيما انت .... هذا صاحبي !
مروان : هذي البنت لي خلاتني نحب لاول مرة في حياتي و لي سكنتلي في قلبي و في عقلي و في روحي حبيت نعرفها عليكم اليوم و نقلهاا بلي نمووت عليك لينا ( مد يدو ليها باش تطلع ليه و الكل تلفت يشوف شكون لي طيحت مروان شكون لي خلاتو يحكيلها كلام هكذا قدامهم كامل مروان لي لبنات كامل يجرو موراه و هو ما عطي وجه لحتى وحدة
VOUS LISEZ
اليتيمة😍
Romanceالسلام عليكم 😘😘 جيتكم بكرونيك جديدة ليست من اختراعي (منقولة) 😌اقراوها شابة بزاف و طويلة نوعا ما فيها 70 partie 😆 و كي تقراو مادابيكم جام و كومونتاغ. 😍 بليييز
