لينا حاطا الروبا عليها و تشوف في المرايا حتى شافت مدام مريم واقفت موراها يبست في بلاصتها و جها صفار من الخوف ما سمعتهاش كي دخلت تلفتت ليه طاحتلها الروبا من يدها
مريم ( بالعياط ) : و الله غير مليييح تدخلي لشومبرتي و تقلبلي خزانتي و زيد من الفوق تلبسيلي حوايجي 😡😡
حبطت لينا راسها حاكما دموعها : ما..مالبستهاش 😞
مريم : شفتك تكذبني ما تحشميش 😡😡😡
لينا : حطيتها فوقي برك 😢
مريم : خرجيييييي من بيتي
حكمتها من ذراعها جر فيها و لينا : اصبري يا مدام نفهمك 😢
جازت قاست يدها في قرعة ريحة طيحتها في الارض تكسرت شافت فيها مريم بنظرة تخوف و لينا وسعت عينيها تشوف مع الارض الزجاج في كل بلاصة
مروان قاعد مع سلوى سمعو لعياط طلعوا يجرو مام فاطمة معاهم دخلو لبيتها صاب لينا واقفة وجها صفر محبطة راسها و تبكي و يماه تشوف فيها النار خارجة من عينيها و قرعة ريحة طايحة مكسرة في الارض
مروان : يما واش كاين ؟ ( شاف في لينا ) باربي !
سلوى : بااربي !!! 😡😑
مريم : جيتي يا فاطمة... كيفاش تبعثيها لبيتي 😡 ( شافت في لينا ) تعرفي القرعة تاع الريحة لي كسرتيها شحاااال دير 😡😡 لوكان نبيعك انت ما نقدرش نشريها 😡😡😡
لينا : س..سمحيلي
مريم : و تزيدي تقلبيلي في خزانتي يا قليلة التربية ما صبتيش لي يربيك 😡😡
لينا تسمع في كلامها و مكبشة في حوايجها تتمالك في اعصابها
مروان : خلاص يما حكايتها ڤاع قرعة ريحة انا نشريلك وحدة
مريم : هذي الطماعة الطلابة كانت تقلبلي في خزانتي و لبستلي حوايجي
لينا طلعت راسها شافت في مروان : ما..ملبستش.. 😢
قاطعتها : بلعي تكذبيني و ما تحشميش 😡😡
سلوى تشوف فيها من الفوق للتحت : طرديها طاطا علاش جيبو خماج كيما هذا يخدم عندكم
مروان : ما دخليش روحك انت 😏😒
مريم : عندها الحق كي يحي باباك نهدر معاه
لينا ما صبتش واش دير حبطت طم الزجاج هذاك
مريم : واااش مزاال ديري هناا خرجي من بيتي 😡😡 ما نحبش تزيد تتعبي هذي الباب
جات تنوض جرحت يدها شوية خرجت و مروان تبعها صابها سبة باش يهرب من يماه و سلوى
سلوى : طاطا راح معاه 😠
مريم : ما تخميش ليوم ما تباتش هنا
سلوى : شكون هذي ؟
مريم : واحد المتشرد جابها عمك قلنا نديرو الخير شوفي دخلت لبيتي تقلبلي في حوايجي
سلوى : طاطا شوفي كاش حاجة نقصاتك ولا بلاك سرقت ..
مريم : ايه عندك الحق ( شافت في فاطمة ) طمي الزجاج انت... و ممبعد حسابك
فاطمة : حاضر مدام
خرجت تجري و دموعها سابقينها حست روحها راح تتخنق مروان من موراها يعيطلها : باربي ( يحكي مع روحو ) اووف حتى اسمها ما نعرفوش
خرجت لجنينة وصل ليها حكمها من يدها : حبسي دقيقة راني نعيطلك واش عندك في رجلك طرتي
لينا : سمحلي حابا نقعد وحدي
مروان : علاش راكي تبكي .. ما دريش عليها هي هكا .. و انت زدتي
لينا : ما لبستش انا حطيتهم فوقي برك ( طرطقت بالبكا )
مروان المرة اللول لي يحير واش يدير يجبدها يسكتها و لا يروح و يخليها حط يدو على كتفها : خلاص ما تبكيش .... ( شاف في يدها كان يسيل الدم شوية ) ارواحي نشوفلك يدك راهي مجروحة ....
لينا حست جسمها تكهرب من لمسة صغيرة منو بلعت ريقها و دموعها نشفو حكمها من ذقنها و طلعلها وجها و قابللها لوجهو خلاص جمدت تقطع فيها النفس و قلبها بدا يخبط بالقاوي خافت اذا يفيقلها بدات تهرب في عينيها باش ما يجوش في عينيه و هو فاقلها و فهم كلش..... تبسم على جنب : عينين شابين كيما هذو ما يليقلهومش الدموع
لينا : -------------------- 😳
بدا يضحك شدها من يدها : ارواحي نشوفلك يدك
راح للكوزينة ما حبش يدخلها لدار على جال يماه
مروان : مروى
جات تجري : نعم مسيو
مروان : جيبيلي دواا تاع جرح للجنينة
مروى : حاضر
عاود جبدها و خرجو لجنينا قعدها و قعد و هي كي المخدر كلمة ما قدرتش تقولها نسات كلش و هو ميت عليها بالضحك ... جابتلو مروى الدوا : تحتاج حاجة وحدوخرا !
مروان : لالا تقدري تروحي
راحت مروى و هو شاف في لينا : دوكا معليش تطلقي روحك شوية و تمدي يدك باش ندير فيها الدوا
شافت فيه : ا...
جبدلها يدها و بدا يمسحلها الجرح تاعها : ماشي حاجة كبيرة .. راني نوجعك ؟؟ ( طلع راسو شاف فيها صابها غايسة فيه و في عالم اخر عاود هبط راسو يضحك و كمل يعقملها في الجرح )
مروان : عجباتك روبا تاع يما !
تكاكات لينا مع روحها : اه...لالا .... شفتها برك
مروان : مكانش لازم تقلبي في خزنتها...
قلقها كلامو جبدت يدها و بلا ما تحس علاا صوتها شوية : ما قلبتش كانت محلولة شفت برك مكنتش نيتي ماشي مليحة 😢😢😢
مروان حار فيها دموع هذو مين جيبهم : خلااص ما قلنا والوا حبسي ما تبكي .... برك عار....... ( قاطعو صوت تيليفون يصوني )
مروان : وي .... اوكي صحا راني جاي
كوپا و شاف فيها مزالت تبكي يحكي مع روحو ( اه با ربي تبليت دوكا نروح و نخليها هكا ... ولا نديهاا....) ايا نروحو
شافت فيه لينا مستغربة
مروان : عندي شغل ارواحي جي معايا و حبسي لبكا
لينا : نقدر نبقى وحدي
مروان : علبالي.... معليش بصح حبيتك جي معايا
لينا : اه.....
مخلهاش تكمل جبدها من يدها و دخلها في طوموبيل و ركب و قلع
فوت+كومونت 😍
VOUS LISEZ
اليتيمة😍
Romanceالسلام عليكم 😘😘 جيتكم بكرونيك جديدة ليست من اختراعي (منقولة) 😌اقراوها شابة بزاف و طويلة نوعا ما فيها 70 partie 😆 و كي تقراو مادابيكم جام و كومونتاغ. 😍 بليييز
