اليتيمة😍

part50

جازت نص ساعة و مروان يشوف في لينا و يتغزل و هي عاملة روحها ما هيش مهتمة .... ناس تشطح مراد شاف في لاميا و مدلها يدو : تشرفيني بهذي الرقصة ( كيما ليفيلم زعما 😂😂 ) لاميا مدتلو يدها ترعش مع مراد تحس روحها مراهقة اول مرة حبت جبدها ليها و حكمها من خصرها يشطحو و لينا تشوف فيها و تتبسم امير : انت علااش راكي تتبسمي ما فهمتش ياك هي لي راهي تشطح شافت فيه : خالتو باينة تحب مراد صح ! طلع امير كتافو : في رايك لينا شافت فيهم : تحبو اما هو يحبها زعما ؟ امير : سقسيه لينا : اووف انت راجل محسيتش عليه امير : ههههه واش دخل هذي رحم بابك .. يمكن يحبها معلباليش لينا : اووف ما تصلحش امير : ههههه انا مانصلحش .... خلي نصلح مالا في حاجة و نعرضك تشطحي ( مدلها يدو شدتها ) لينا : ما طلبتش كي ناس مي معليش قابلة جبدها للوصت يدها دورها على خصرها و يد شاد بيها يدها مراد شافهم يشطحو قدامو : مروان دوك يهبل لاميا : خليه يستهل كان يخمم قبل ما يلعب بيه و يستغلها مراد : ما تعرفيش خويا .. صح لي معاها حبيبها ؟ لاميا : لالا نظن هذي لعبة جديدة من لينا ما نعرفش وين حابة توصل بيها مروان هابل في عقلو حاب يروح و ينحيلو يدو يكسرها رفد لكاس تاع شراب لي كان قدامو و شربو على مرة يشوف فيهم كلاهم ب عينيه... عينيه بداو يقدحو نار قريب خرجو كي شاف امير قريب لينا راسو في رقبتها راح يجري ما قدرش يحكم روحو كثر اصلا تحمل بزاف جبدها من يدها بعدها عليه امير : اي وااش كاين نطرتلو يدها : هبلت انت شاف فيها يعيط و يحكي عينيه حمورا يخوفو : ايييه هبلت ** انت هبلتيني ** امير : اششش تعلم تهدر و نقص صوتك تلفت ليه و عطاه دبزة جابو في الارض و تلفت ليها امير ناض و خلفهالو و بداو يضاربو و مراد يسلك فيهم و سلوى تعيط تخلطت الحالة بعدما ما تكلماو لينا رفدت ساكها خارجة لحقها حكمها من يدها و دورها طبعااتو : واااش تحب من عندي ... اخرج من حياتي ما نيش حابة نزيييد نشوفك .. انت اكثر شخص نكرهو حس كلمها كي المواس في قلبو : كذب وااش تقولي انت تحبيني كيما انا نحبك و جامي نسيتني باش تلحقي تكرهيني عيطت : ما نحبببكششش و مشات جا رايح حكمو مراد : خليها راك غير تزيد تعقد في الحالة جاز عليه امير و كيلو من الفوق للتحت و راح موراها مروان عاود جن : طلقني على وليد ** نوريلو ** مراد : هدي روحك وااااش بيك هكذاا .... هدي لينا تمشي و دموعها على خدها مهما شدتهم طاحو .... مروان مزال قادر يوجعها و ييكيها و هذا الحاجة تكرها في روحها لحقها امير : اصبري مكفاش نضربت في جرتك زدتي جريتني بلا ما تخمم تخبات في حضنو تبكي : سامحني جبدها عليها يمسحلها في دموعها : اسسس نڨسر معاك برك لينا راح نقتلو اذا بقيتي تبكي هكا لينا : اديني لبحر نحبس ما نبكي ضحك امير : امشي يا المصيبة ركب في الطوموبيل مشاو حبسو في نفس لبلاصة لي يجيبها ليها مروان نفس لبلاصة لي باسها فيها لاول مرة حبطت تكات على الكاب تشوف في القمر لي نعكس على البحر طقس هادي و نسمة باردة قعد امير قدامها و ضم يديه لصدرو شاف فيها تتنفس بالقوي كانها تحب تسرق الهوى من البحر بقاو في زوج ساكتين منبعد لينا هدرت : ما تستغربش انا دايمن هكا كل ما جيني ضربة توجع نموت منبعد نرجع نتولد من جديد لازم نعاود نبني حياتي من الصفر المرة هذي لازم كلش يتبنى على قاعدة صحيحة و كيما انا نحب المرة هذي ما نخلي حد يغدرني و يحڨرني و حتى يلعب بيا لازم نحمي روحي بروحي لينا تحكي مع امير بصح كلامها توجه فيه لنفسها و هو مسكين ما فاهم والو الحزن الفرحة القوة و الضعف كامل قراهم في عينيها باهت فيها رغم صغر سنها تعاني هموم كبار حس بالقوة في نبرة صوتها امير : تعرفي لي انا معاك ظالمة و لا مظلومة شافت فيه و تبسمت : ايه نعرف امير : ما تخميش مالا راح ندفعو كامل لي وجعوك الثمن المهم ما طييحش هذوك الدموع على ناس ما تستهلش عملتلو ايه براسها : البرد راه خلينا نروحو خالتو تكون مقلقة امير : اوكي مشي ركبو و رجعو لقاو لاميا تسنى رايحة جاية في الصالون غير شافت لينا دخلت راحت تجري حضنتها : راكي مليحة لينا : ايه خالتو مي معليش نهدرو غدوة راني عيانة اليوم لاميا : معليش ريحي منبعد ساهل طلعت لينا و من موراها امير قبل ما تدخل تلفتت لامير : مغسي امير امير : علاش ثاني لينا : خطرش دايمن تسمعني و توقف معايا امير : تعرفي لي نكره هذا الهدرة انا ثاني لقيتك وقت كنت وحدي ما بينتناش مغسي حنا ( غمزها ) لينا : اوكي تصبح بخير __________ مور ما خرجت لينا مراد بقى شحال يهدي في مروان لي خرج من مورها مشى للبار شرب حتى داخ عاونو مراد و داه لدارو رقد

★★★★★★★★★★★

صباح جديد يحمل بزاف احداث تتغير فيه مسارات حكايتنا
ناض مروان راسو يوجع فيه تفكر ليلة لبارح تقلق ناض حل الما و دخل تحتو يخمم الشرب ماشي حل و حتى العياط و القلق ماش راح يجيبو نتيجة لينا تبدلت ما عدش يعرفها ما عدش يقدر يقرا وجها و لا واش تخمم لازم يرجع للامبلاة تاعو يشوف فيها وين حابة توصل بصح لازم يتأكد من حاجة قبل لف منشفة عليه خرج لبس حوايجو و مشى للڤيلا تاعهم يشوف خوه
__________________________
بدات تنمل بلعقل قلقها ضو الشمس لي دخل من التاقة حكت عينيها و ناضت دوشت و لبست حوايجها دارت مكياج خفيف و خرجت صابت امير و لاميا يشربو قهوة
لينا : صباح الخير
- صباح الخير
قعدت فرغت قهوة ليها
لاميا : لينا واش صرا الباح
لينا : ماشي مهم خالتو ما تعمريش راسك 😉
لاميا : اوكي صحا تقدري تقولي وين رايحة اليوم
لينا : لازم نشوف المشروع وين راهم يبنو لازم حاجة ما تنقص مراد وثق فيا مانيش حابة نخيبو ( شافت في امير ) جي معايا !
امير : راني مشغول لينا لازم نروح نشوف كلينيك تاعي هذي السمانة بربي نفتحها
لاميا : اه كلشي مبروك سمى باقي معانا
امير : ايه حتى نشوف دار
لاميا : ما تتقلقش هذي ثاني دارك
لينا : ايه ديجا تبقى معانا ... وقتاش الافتتاح ؟
امير : ما نيش نخمم ندير
لينا : وعلاااش ؟
امير : هكا لينا خلي نديرو حفلة بينتنا و خلاص
عوجت لينا فمها : اوكي كيما تحب ( وقفت ) و حكاية دار نساه .. انا نروح هذاك هو عشيا نشالله
ودعتهم و خرجت ركبت في طوموبيلتها و مشات

_____________________
مجموعين حازم و العايلة على طابلة دخل مروان : صباح الخير عليكم
وقف حازم و مشى عندو عطاه بكف دورلو وجهو : وااااش تبهديلة لي دارتهاا البارح ما تستعقلشش انت وقتااش دير عقلللك في راااسك ( يعيط )
هبط مروان راسو و مريم جات تجري : علاش تضرب في لولد كلو بسبة هذيك الهاملة كل ما تكون يكونو المشاكل
حازم : بركااي ما تلسقي عماايل وليدك في النااااس
مروان : يما بابا عندو الحق ( تلفت لباباه ) سمحلي بابا نوعدك ما تتعاودش حاجة كيما هذي
حط حازم يدو على كتف مروان : نعرف ... وليدي دوك عندك مسؤولية و ما تنساش لي انت مخطوب من سلوى انسى لي فات و انسى الماضي و ما تخليش الامور تتعقد
مروان : بابا بخصوص سلوى كلكم هنا تعرفو علااش راني معاه هي بنفسها و تعرف ... و نعرف مليح وااش ندير .. المهم ما تعمرش راسك منيش راح ندير حاجة تهبطلك راسك
حازم شاف فيه مليح و مشى يعرف لي الهدرة ماهيش تفيد و يعرف لي وليدو راه حامل حمل كبير
مريم : واش معنتها هذي مش راح تزوجو !
مروان : يما مانيش فارغ ( شاف في مراد ) ايا معايا نحكو دقيقة
خرج و خرج مراد من موراه
مراد : انعم !
مروان : نسقسيك و جاوبني
مراد : اذا قدرت نجاوب
مروان : تقدر .. تقدر خطرش مكانش لي يعطيني جوااب من غيرك
مراد : اوكي سقسي
مروان : لي مع لينا راهي في علاقة معااه و لا تلعب عليا
مراد : مروا..
قاطعو : قولي ايه و لا لالا
مراد بقى يشوف مع خوه غاضتو حالتو البارح ما يقدرش يحرقلو قلبو كثر : لا ماهيش في علاقة معاه ما نعرفش مشاعرهم هو كان جارهم و صديق لينا نعرف لي وقف معاها بزااف برك
تبسم مروان على جنب : عرفتها
مراد : مروان واش راح دير ؟ و سلوى ؟
مروان : ما نعرفش الحاجة لي نعرفها اني مانيش قادر نزيد نخسر لينا
خبط على كتفو و طلع في الطوموبيل يتبسم و يحكي بين سنانو : خلي نشوفو لعب كيفاش يكون يا باربي

.........
█████████