مسائؤؤؤ عسل 😍
#ليالي ايار
الجزء الاول
بقلم ازهار ذابله.
المكتب مغلق بس صوت اغنيه ام كلثوم يصدح بصوت مرتفع ..
طول عمري بقول
لا انا اد الشوق
وليالي الشوق
ولا قلبي اد عذابه ..
البيت ساكن وصوت الاغنيه منتشر بصوره عجيبه يعني بكل مكان...
دخلت ام ايار وتريد اتشوف شنو القصه وليش ابو ايار امعلي صوت الاغنيه. .
بس الي صدمها هو منظر زوجها الي كان متوسد الارض والدم مغركه ..
بعد اكتشافها بموت زوجها صرخت والجيران كلهم اجتمعوا وحظرت الاسعاف والشرطه.
تم نقل الجثه وبدء التحقيق ورفع الادله
بس ماكو شي يذكر عن حدوث جريمه ..
ينتظرون نتيجه التشريح وشنو سبب الوفاة ..
ام ايار هي وبناتها تركوا البيت مؤقت وصارت الفاتحه بيت اخو ام ايار.
جانن البنات بدواماتهم من رجعوا انصدموا بموت ابوهم .. ايار ودعت ابوها وجانت صحته زينه واخر شي وصاها ترجع مرام وياها لان هو ميداوم اليوم ..
رجعت مرام وتنتظر سجود اتكمل تدريب بالنادي ورجعن للبيت وشافن المنظر الي صدمهن ومجانن متوقعاته ...
ماعدهم احد غير خالهم رياض ..بس ايار اتشجعت واتصلت بـ ابن عمها حته اتكله بوفاة ابوها ....
وضاح مجان مستعد يرجع لبغداد وعيش نفس التجربه العاشها من جان طالب جامعي ويرجع لبيت عمه وبناتهم المدللات الي ميقبلن بشخص يفرض عليهن راي كله بكيفهم وميحبن وضاح لان يحسنه متخلف و رجعي وهنه متنكرات لـ اصلهن ...
وضاح عرف بوفاة عمه جراح وكال لـ ابوه
بس ردت فعل ابوه جانت غير متوقعه
كاله ماعندي اخ اسمه جراح من زمان مات.
ومنع وضاح يروح الهم ...
بس وضاح مايكدر ينسه شلون
عمه جان يحبه ويساعده بدراسته
قرر يروحلهم ويساعد بنات عمه ويشوف شلون اتوفه عمه ..
جمع وضاح كل شي يحتاجه برحلته الي ميعرف شكد حطول يمكن تكون ساعات فقط ويمكن تستمر سنين طوال الى ان يطمئن ع وضع بنات عمه ...
محد من اهل وضاح جان موافق ع هذا السفر الي يعرفون حيكون بس مجرد تعب وبعدين زوجت عمه وبناتها يتنكرن لكل شي يقدمونه الهم وبالاخص زوجت عمه جانت ماتحبهم لان مو من عدهم غريبه وهم اتزوجها بدون موافقتهم جانت اتحسهم ميحبونها بالرغم همه جانوا مو ضدها هي بالذات جانوا ضد الفكره...
الطريق لشارع العام بعيد جداا وماكو سياره تنقل للمدينه بس سياره وحده وتوكف ربع ساعه اذا ماكو ركاب تنطلق
طلع وضاح من خيمته وامه اتبعه وتتوسل بس هو جان مقرر وخالص ..
وصل وضاح لشارع قبل لا تتحرك السياره لحك عليها ...
وصعد جانت سياره قديه (كيه) مكسره وكلها اتراب وقبله صاعدين اربع ركاب اثنين رجال اكبار بالعمر واحد منهم وياه (صخله ) اصغيره مكعدها بحظنه وكأنه طفل وحاني راسه بعطف عليها.
والثاني يمه سله كبيره مليانه بيض دجاج وقش .
اما النساء جانت مراه كبيره بالعمر ممبين منها بس اعيونها الي واضح عليها التعب والتجاعيد ومعها فتاه شابه هم مغطيه وجهها ..
صعد وضاح وهو يفكر شلون يوصل وشوكت. ?
وشلون حيكون استقبالهم اله?
هو يعرف ايار ويعرف هي شلون تتعامل وياه ..
بس يضوج من سجود ومرام.
يفكر اذا عمه جان موجود وجانن يحتقرنه زين هسه هو لازم يكون بمكان عمه شلون يتقبلنه.
قطع وصل افكاره صوت الرجل الكبيره وهو يصرخ بلكنته البدويه الاصيله وكان يصرخ ويرثي اتحسه يرثي احد احفاده.
ظل يندب حظه وحظ هذا الحيوان المسكين الي فارق الحياة وهو بين ادين الرجل البدوي ..
اتوقف السايق عن السياقه وكف السياره ونزل الرجال وبقه البدوي يصرخ ويحجي باللهجه الي وضاح جان يعشقها بس عرف حينساها لان بـ بغداد بنات عمه ميعرفن بدوي وميحبن هاي اللهجه ..
نزل وضاح وهو يشاهد منظر اتراشيد
منظر يوحي بجمال الطبيعه طبيعه الصحراء ..
الشمس جانت ترسم خيوط متشابكه خيوط لونها برتاقلي ولون احمر دخل ويه زراق السماء.
الرمل جان يعكس لون الشمس ..
والشارع فارغ تماماً والركاب نزلوا وينتظرون الرجال يدفن الحيوان الي مات وهو يرثي ويندب ومكدر يسوي شي ..
وضاح بدون تفكير اخذ يحفر حفره بوسط الرمل بعيده عن الشارع وغمقها واخذ الصخله من الرجال وخلاها بالحفره ورجع عليها الرمل ورقدت بسلام ...
دفنت الحيوان كلت خلي نخلص هذا بعد اسبوع ما يعوفها ..
ونفس الشي هم بعده متسمر ويحجي واني مااعرف احظنه واواسي ع شنو هي مجرد حيوانه وجانت مريضه وماتت شنو هذا الفلم بله اني عايز ...
عمي اصعد الله يوفقك خلي نوصل ورانه طريق والليل حل علينا ..
تمتم الرجل بكلمات غريبه ومبهمه ودار وجهه ورجع مشي وتركنا وراه...
هم نفر وخلصت منه
صعدنا وانطلق السايق ...
اعرف هاي مجرد محطه بس يوصلني لـ المدينه وبعدها تبدي رحلتي لـ بغداد
رحله صعبه وكلها خطر اعرف محد منهم يتقبلني بس لازم اوكف وياهم لان عمي جان يحبني ودائما يوصيني عليهم ...
وصلت للمدينه وجان ليل ومحد طالع وحته سياره ماكو مدينه اصغيره وتضج بالسكان الي يتنقلون بصوره مستمره يعني ميستقرون بس جانوا اكثر تتطور من المكان الي اني عايش بي.
نزلت اشوفلي مكان ابات بي ومن الصبح انطلق ..
ما لكيت مكان كعدت ع الرصيف واتوسدت الجنطه ونمت لان طريق الصحراء صعب وتعبت ...
بس سمعت اذن الفجر فزيت صليت ولكيت سياره وصعدت كبل لـ بغداد .
وصلت لـ بيت عمي جانت الساعه بـ ثمانيه الصبح ومنطقتهم راقيه يعني الساعه بثمانيه ماكو نفس الي يداوم بداومه والي بالبيت اكيد نايم .....
وكفت اكبال الباب وجان البيت مقفول ..!
خابرت لـ ايار ومترد ظليت الح لحد ما ردت ...
الووو وينكم اني بالباب والبيت مقفول. ?
هلا وضاح شلونك ...
الحمد لله وينكم ظل بالي ...?
احنه يم بيت خالوو رياض تعرف العنوان ..?
اي اعرف العنوان.
سديت الخط وظليت اباوع ع روحي شلون اروح لناس بهيج منظر ...?
جنت مترب ومنظري مرعب .
صعدت لبيت خالهم و وصلت
اتلكاني رياض ورحب وقدملي التعزيه
وطلبت اشوف زوجت عمي والبنات
شفتهم ايار حظنتني وتبجي واني اتسمرت بمكاني اريد ابعدها بس استحيت ..
بعدين كدرت ابتعد عنها وسلمت ع امها
جانت مصدومه ومحسيتها ارتاحت لشوفتي ومرام وسجود ماسلموا عليه ولا حته حسو بوجودي .
بقينا فترت الفاتحه كلها يم بيت خالهم رياض ..
وبعدين طلع التقرير مال الطب الشرعي
والمصيبه طلع سبب الوفاة سم مدسوس لـ عمي بشي مجهول طعام او شراب
مكدرو يكتشفون لان المجرم خافي كل الادله وممخلي اي شي وراه .
بعد بس ايشوفون منو اخر اشخاص كانوا ويه جراح ...
رجعنا للبيت والمكتب مغلق ..
اول مدخلن البنات بدن يبجن وامهن اتصبرهن جانت مراه قويه وممبين عليها انكسار او خساره زوجها ...
يتبع ...
أنت تقرأ
ليالي ايار
Romanceقصه منقوله للكاتبه ازهار ذابله. لم اكن ذلك الرجل الذي تحلم بهِ كل فتاة لم اكن اعني لهم شيً.. ولا انا ذلك الرحال الاشقر الذي يجول البلدان والمدن بحثاً عن الكمال او الحقيه انا لا اعرف نفسي من يعلم قد اكون حلمها في شهر ايار ... قد اكون فارس احلامها قد...
