#ليالي-ايار
الجزء 25
بقلم ازهار ذابله
وانتي شمدريج بهذا كله ..!
مو مهم شلون عرفت المهم انك متخسر شي بس حته اتكون عند كلمتك ...
شنو قصدج ....?
قصدي تكدر تعتبر نفسك مكتلي شي ولا وعدتني بشي وترجع لـ اهلك ولـ حبك القديم ...
لا مستحيل ايار انتي تعرفين شنو جاي تحجين ليش هيج والله والله عرفتج اليوم مو طبيعيه البارحه جنت احجي وياج مو هذا حجيج ....
وضاح مااريد مااريد اعيش وياك ولا اريد اتورط واعرف ماما ترفضك والديليل خوفنا اثنينه من مواجهتهه يعني متأكدين رفضها واهلك نفس الشي... بس تكدر اتكمل حياتك ويه الانسانه الي اتحبها عندك فرصه...
انزلي ...
شنو ...!!
انزلييييي بسرعه لا تخليني افقد اعصابي.
شبيك وضاح بس افتهمني لا تتخبل وين انزل ...
اتنزلين لو اني اسحلج بالشارع سحل مو كافي تعبتوني اني لعبه عدكم وعرفت هذا الي يخلي براسج بس ... بسيطه.
وضاح انت شبيك بس اخذ نفس اشرب مي ...
مااريد منكم شي بس عوفيني ..
وضاح احنه بالشارع وين اروح من انزل ..?
اني اريد اسوق ..
لا شتسوق شوف حالتك ..
اي حالتي كله من وراج وبعدج مستمره بعجرفتج ..
مااخليك اتسوق ..
مو انتي متعرفيني بعدج ..
نزل وضاح سحبني ونزلني بقوه ورجع وفتح باب السياره وصعدني ورجع استلم القياده وسرعه عجيبه ويصيح ويغلط ...
وضاح كافي الله يخليك وين ماخذني ..?
والله غصب عليج وع امج و ع اهلي الا اتزوجج واذا ميعجبج اشمري نفسج من السياره واني اعلمكم ولكم شنو لعبه عدكم واحد يصدني و واحد يردني ....
كافي خلص انت مو طبيعي لا تسوي هيج جاي اتخوفني ..
هذا سجاااد موووو هو الي يحشي براسج عليه اني اعلمكم اخ يا بووويه هسه لو مو ابنيه اعرفج الله حق بس واكف بعيني عمي والله العظيم ...
ليش هيج اتسوي اني جنت مااعرفك هيج ..
انتي متعرفيني ولا راح اتعرفيني وهاي الحاله محد يرجعني الها غيرج الله لا يوفقج ..
كافي نزلني مااريد اكمل وياك ..
مو هو بكييييفج متنزلين واذا صار حادث انموت سوه.
مااريد اموت اني عندي خواتي بحاجتي بعدهم اصغار ..
هههههههه مهتمه اهوايه بخواتج واضح.
ليش شنو اتشوفني انانيه ...?
اييي اكبر انانيه شفتها بحياتي هذا حظي المصخم خلاني اتعلق بيج يا متسوين ...
لا تغلط كافي مو اني الي ماسوه تعرف منو الي ماتسوه وكاتل نفسك عليها ..
اسكتي احسن مااريد اسمع صوتج اشششش.
مو بكيفك اتسكتني كافي تعالي وغرور يعني ذنبي حبيتك هذا ذنب واني اريد اتوب خلص ماكو بعد حب هي كوه ..
اي كوه وغصباً عليج وهذا وصلنا لـ امج وتعالي شوفي المغرور والمتعالي شراح يسوي ..
عوفني اعرف انزل لا تلمسني وضاح عوفني ...
يله بسرعه فوتي كدامي ...
سحر سحرررر مدام سحررر
هااا ولك الك عيني جايني اتصيح وهاي شنو ايار شبيج ماما ليش تبجين .. ?
وكف وضاح بنص الصاله ويضحك ضحكه غريبه ويصفك بيده ....
الكل يسمعني هذا البيت الي بي نصيب وانتو كلكم تحت حكمي سحر طلعه وطبه بعد ماكو بكيفج والغرفه اتفرغينها الي واصعدي فوك ... الي اسمع صوتها اموتهه مااريد اعتراض بعد اسبوع اتزوج ايار ونكعد وياكم وهاي مو طلبات ولا اريد رد هذا امر بس اكلكم حته تحضرون نفسكم ...
ام ايار : اي هاي حقيقتك اخخ منك شكد محتال وهسه بينت ع اصلك ماكو شي يصير من الي تريده وايار متزوجك لو انت اخر واحد بالكون واني اصلا متفقه ويه خالها ومكملين كلشي ايار لـ عابد وعابد لـ ايار ..... وانت ماالك شي بهذا البيت .
ايار: ماما شنو اني طفله وكل واحد بيكم يرسم مصيري ومنو كلج اقبل اتزوج عابد ..
وضاح : لا تعترضين وكلامج حلووو ست سحر اتفقتي ويه رياض المجرم مووو وعابد اذا بس فكر يلمس ايار وعيونها يموت ومو ع ايد مجهول لا ع ايدي والزلمه الزين يوكف بوجهي ..
ام ايار : اطلع بررره
وضاح : هههههههههه كولي غيرها سحوره ..
ايار : كافي وضاح اعقل لا تسوي مشاكل واحترم ماما ..
وضاح : المشاكل انتو بديتوها ومااحترم بعد بس الي يحترمني وهاي كعدتي.
ام ايار : احنه نطلع ونعوفلك البيت ...
وضاح : الي تطلع وياج اكسر رجلها .
نزلن سجود ومرام متعجبات بشخصيت وضاح الجديده الي صدمت الكل بس اشويه خله حد لعجرفت ماما والمعجزه سكتت ودخلت غرفتها بعد مسوت شي ..
اني صعدت متعبه من كلشي حته الشخص الي جنت احسه سندي وعزوة اخواتي هم طلع مثل البقيه ولا شكد مغرور ومتعجرف وبعد الي عرفته عليه من اخوه خفت منه وبهاي الحاله كل شي كاله سجاد صح ..
يتبع.....
أنت تقرأ
ليالي ايار
Romanceقصه منقوله للكاتبه ازهار ذابله. لم اكن ذلك الرجل الذي تحلم بهِ كل فتاة لم اكن اعني لهم شيً.. ولا انا ذلك الرحال الاشقر الذي يجول البلدان والمدن بحثاً عن الكمال او الحقيه انا لا اعرف نفسي من يعلم قد اكون حلمها في شهر ايار ... قد اكون فارس احلامها قد...
