ليالي ايار

البارت السادس

#ليالي-ايار
الجزء 6
بقلم ازهار ذابله.

وشفت واحد واكف بالباب شخص
غريب طويل وراسه عريض وخشمه
منحوت احسه طالع من فلم وشكله
كله فضول اول مره اشوف هيج شكل"
السلام عليكم ...
وعليكم السلام والرحمه ..
اتفضل منو رايد. ?
اني المحاسب رائد محسن اشتغل بشركات الاستاذ ابو ايار واريدكم بموضوع مهم جداا ..
اتفضل ادخل جوه ..
دخل واني حاير هذا منين طلعلي ويشريد رجعت الجنطه بالغرفه ودخلت الرجال لغرفة الضيوف وكلت لـ ام ايار هي اصلا اتعرفه وجانت منتظرته رادت بكل طريقه اتخليني اطلع من يمهم بس اني بقيت اريد اعرف شنو السالفه وهذا شيسوي جاي للبيت وشنو الشي الضروري ...

اتفضل استاذ رائد استريح ...
مااعرف منين ابدي بس انتوا اتعرفون الشركه جانت اتمر بأزمه ماليه "
واستاذ جراح فكر يبيع كل الاسهم الي يملكها وهم اتعرفون هو يملك الجزء الاكبر بس بعدين اخذ قرض ورهن البيت " بس هسه ماكو اي نتائج نفس الازمه جاي اتعاني منها الشركه ويرادلها وكفه منكم و تحاولون تلكون حل سريع افضل ماتخسرون كل شي ..
بس اريد اعرف هاي الفتره وين جنت هسه جاي تكول الشركه خسرانه ليش مانعرف احنه ..
اني كلت لـ ام ايار اكثر من مره بس ماكو اي حل صار احنه كلنا نتمنى يرجع الشغل مثل قبل لان كلنا عايشين ع هذا الشغل اذا انسدت الشركه تعرف كم عائله ينكطع رزقهم ..
ام ايار:اني اعرف بالشركه واعرف بالخساره وانت شكو اتريد تعرف انت شدخلك بالقصه هاي شركتنا واحنا نلكه حل مو انت.
اخ يا ربي صبرني ع هذا الابتلاء
استاذ رائد باجر اني يمك بالشركه ونشوف الميزانيه والارصده ونفتهم العجز وين ونتفاهم ويه الي الهم ديون يمنه وناخذ منهم مهله ..
ان شاء الله باجر اني بانتظارك ..
ان شاء الله ..

راح المحاسب واني بقيت يم ام ايار
عمه بس فهميني يعني هذا مو حق بناتج ليش حرامات يضيع غير تحجين حته نشوف حل مو احسن ما تخسر الشركه اتعرفين شنو يعني الناس اذا الهم يمكم حق الدوله اتبيع شكو شي اتملكونه واتوفي الناس يعني حته سيارتج وسيارت ايار وذهبكم كله يروح ..
وانت شنو اتهدد واني شمعرفني عبالي اذا مات عمك يموت الدين وياه ..

شنو شكلتي شلون يعني اذا يموت عمي يموت وياه الدين ... ?
يعني اني كلت بعد ماكو دين لان هو الي ماخذ القرض مو احنا وهسه الاملاك النا يعني احنا مالنه شغل خلي يرحون لـمقبره وياخذون حقهم. .
اخ بويه منين جبتي هذا الحجي شلج بيها غير ياخذون حقهم وشنو يرحون لـ المقبره شيسون كل عقلج انتي عمه بس اطلعي من القصه وخليني اني احل السالفه الج الصافي بس لا تلحين واتشمرين عليه سوالف .
اتفقنا بعد ماادخل ولا احجي بس شوف حل لهاي البلوه ..
اتفقنا ..

واخيرا تم عقد هدنه بين القوه المتعجرفه والشعب المظلوم هدنه مؤقته مااتصور اطول اكثر من شهر ..
بعد مااكدر ارجع لـ اهلي ولا اكدر اسوي شي لان بنات عمي بخطر احتمال اذا استمر الوضع ع هذا النحو يمكن حته البيت هم ياخذونه منهن وين يروحن هنه وامهن "

اني ورطت روحي لازم ارتب كل وضعي هسه اخابر ع سجاد افتهم منه شنو سالفت حور وشلون اتزوجت بهاي السرعه والله دوخوني هو وايار هم مااعرف شبيها ساعه تكول احبك ساعه اتكول عدها حبيب ومنو هذا الي تحبه وشنو هي بكيفها اتحب والله دخت.
خابرت لـ سجاد وافتهمت منه شلون اتزوجت حور الحمد لله ماعفت البنات ورحت طلعت ماتستاهل كل شي قدمته الها هيج بس اعناد شلون اني بغداد هي اول مايتقدملها شخص اتوافق عليه واتعوفني اني هم بعد ماافكر بالحب وهاي السوالف عندي شغل خلي التهي بي وانسه وجع كلبي احس روحي مثل الطير المذبوح مااكدر احجي واشكي همي المن اشكي كل واحد همه شكل وبعدين اني بزمن مابي حب اكو بس حرب ولازم انتصر بهاي الحرب ..

رجعت من اخر يوم دوام وعندي شغل اهوايه بالبيت اعرف بابا رجل غني بس ولا يوم دخل خدم للبيت لذلك اني اشتغل بالعطل وماما هي تشتغل بس مرام وسجود كسولات يطلعن الف عذر بس حته ميشتغلن ..
بيتنا كبير عباره عن حديقه واسعه اتحيط بالبيت من اربع جهات والكراج يكون واسع لحد الباب الخارجي البيت بي اهوايه زرع وصار شكد محد منظف الحديقه الخلفيه احنا امسوينها ملعب لسجود تلعب كرة سله بيها.
بس بدلت واتغديت طلبت منهن مساعده سجود : رجعنه لشغل اني تعبانه مااكدر
مرام : اخ راسي مصدعه واله اشويه اوكع من طولي مااكدر بس اذا تردين اوكف يمج لان اتضوجين اسولف واسليج اوك.
ايار : خلص مااريد مساعده منكم الله الغني.
نزلت وسجود ومرام يركضن وراي ويسولفن يحجن بنفس الوقت واني دايخه بس لازم ارتب الحديقه لان وراي كومه شغل ..
اخذت العده مال تنظيف الحديقه
وبديت اشيل الزرع الغير مرغوب بي وهذني يفترن وراي وصاحن لـ وضاح
ردت بس امنعهن مالحكت يعني صعبن عليه الشغل ردت ارجع للبيت بس ماردت ابين نفسي ضعيفه لازم اوجهه بكل شجاعه .
يتبع ...