ليالي ايار

البارت الحادي عشر

مساؤؤؤ حياتي 😘

#ليالي-ايار
الجزء 11
بقلم ازهار ذابله.

ايار : يله لازم نرجع للبيت وهم اكو شي اهم مني عرفت من ماما شي حيصدمك.

وضاح : خير انتي اخبارج كلها بلاوي ..
واني هم عندي خبر الج يله سولفي.

ايار: تعرف المحقق كال بابا متزوج مو بس بالحقيقه بابا جان بس خاطب مو متزوج وماما ما حجت شي لان هو واعدها يفصخ الخطوبه وينهي الموضوع ويه هاي هي واخوها ..

وضاح : صدك انصدمت وبنفس الوقت دخت هاي صارت هوسه واني هم عندي الج خبر مشابه.
: شنو ...

: باجر انروح انشوف شهد يعقوب.

: شنو شنوو ليش بله حته اروح الهم..

:لازم نفتهم منها كل شي احسن من هاي الدوخه وهم اريد استفسر منها ع كم معلومه باجر تفتهمين كل شي ..

ايار : وشنو اكول لـ ماما ..?

وضاح : انكلها راحين لـ المصنع وصح اني هم اريد اروح للمصنع ..

ايار : اوك ..

رجعنا للبيت ونفس معانتي وياهم كل يوم لكيت مرام وسجود خابصات الدنيه ويتعاركن ..
عفتهن ونظفت الخراب الي مخلفاته وراهن وبديت اسوي عشه وافكر بكلام ماما اني خفت اكول لـ وضاح ع خوف امي ومعتقده بوجود شخص غامض وصاحب نفوذ هو الي خطط لكل هذا ...
بس ابصراحه اكو لغز يعني مستحيل استبعد شخص واشك بثاني ...?

وضاح ضجت من نفس الموضوع وبعدني اريد ارجع لـ اهلي اريد اعرف ليش حور عافتني هيج ممصدك سجاد يجذب مستحيل اقتنع اذا ما يطلعون جابرينها ..واني كل الي صاير وياها بذنبي اني عفتها وماسالت عنها كل هاي الفتره ...بس اذا ارجع منو يكمل شغل عمي واذا اتاخرت بعد البنات يصفن بالشارع ومااكدر حته اخذهن يمنا لا هنه يقبلن ولا ابوي يتقبلهن وين اروح اني بكل هذا الهم وشنو بيدي اسوي غير امشي وره القدر واخليها ع الواحد الاحد واتوكل ع الله واكمل بدون تراجع ....

في بعض محطات الحياة انت مرغم مجبر ان تهاجر ان تترك ان تعيش بدون حياة ان تغامر بكل ما لديك من اجل اجمل ما لديك..
كتبت اخر اسطر من حكايتي بقلم مجروح وقلب ينزف وجع ولا ينطق بشي ...
مثل مااتعلمت من بابا اذا ردت افضفض احجي ويه الورق... واذا ردت اسمع اسمع من نفس الورق حجيت ويه الورقه وكتبت كل همي بشكل تعبير لغوي بسيط ...
كل حياتي هي ملك لـ شخص واحد هي ملك لـ وضاح... نفس الوضاح الي مستحيل يتقبل وحده نفسي صح اني حلووه او عاديه دارسه مثقفه بس كل هذا ماينفع بمقايس وضاح للحب هو شاف الحب واتعلمه بس بعيون حور كل شعر وكل نثر وغزل ورثى يكتبه ويحفظه بس الها واني اني ... لا شي لا شي يمكن ميشوفني اكثر من اخت واني هم اعتبره هذا الاخ الي ضحه بكل حياته واجه بس يساعدني ويوكف ويانه بمصيبتنا بعد مو من حقي افكر بي هذا الشي لازم يخلص خلي اعرف حدودي واعرف نفسي اكدر انا انا ولن اكن اخرى لن اكون شبح لغيري لن احرق نفسي من اجله لكن لن انساه ابداا...

مثل كل يوم الصبح البنات يرحون لدوام
واني اتريك وانتظر ايار حته انروح لـ شهد يعقوب وانشوف شنو سالفتها ....

ايار : صباح الخير.

وضاح : صباح الخيرات هاا جاهزه ..

ايار: جاهزه يله انشوف تاليتها وياهم.

وضاح : اني اريد اسوق ..

ايار: ليش شبيها سياقتي....?

وضاح : مابيها شي بس مااريد اتعبج بالوصف لان اني وصفولي العنوان وصف.

ايار : اتفضل سوق . .
طلباته غريبه اني اعرف هو يتكبر لان اني ابنيه واسوق وهو يكعد يمي اعرف عقليته واذا هذا الشي يريحه خلي يسوق. 

وضاح : اشو هاي سيارتج اتوماتيك.   ?

ايار : لعد شتريدها اني احب اسوق الاوتوماتيك ...

وضاح : اي اسهل الجن ..

ايار : اي احنه النساء انحب الاسهل والافضل عكسكم انتو اتحبون دائما الاصعب وتعبون نفسكم وبعدين ترجعون ع الاسهل لان الصعب مستحيل. .

وضاح : افه وانا ابن ابوي بعمري ما واجهني مستحيل والي براسي يصير يعني يصير "

ايار : هههههههه الغرور لايكلك بس مو حلو اتواضع افضل....

وضاح : مو مغرور اني اعوذ بالله من الغرور بس واقع مااتذكر شي صعب عليه بس.  .

ايار : بس شنو كمل .. .

وضاح : بس الحب هو الوحيد صعب عليه و ماكدرت اوفي بوعدي وياه ..

ايار : الحب صعب بس سهولته بشي وحيد هو التضحيه من اتحب شي بكل ماتملك من مشاعر رحمه وعطف وبعدين لـ اي سبب من الاسباب يخسر هذا الحب او هو يضحي بي يترك القدر يخط اخر كلمه اله وهو يكون بس مستمع.....

وضاح احس كلمات ايار مثل البلسم الي يتخله ع الجرح بس احسها مجروحه واتكابر ومااكدر اساعدها اخاف اجرحها بالزايد هي قويه تكدر اتعالج نفسها من هذا المرض ...
ايار : وين صافن شنو كلامي معجبك ...?

وضاح : لا بالعكس كلامج صح واسلوبج حلوو انتي اتكتبين شعر ...?

ايار : لا ويني وين الكتابه مااكتب بس هيج خواطر بسيطه مو بـ اسلوب الكاتب المحترف ...

وضاح : اكيد كاتبه اهوايه خواطر اريد اقرأهم...
ايار : عوفك من الكتابه وين وصلنا اشو بيتهم بعيد ...

وضاح : وصلنا بس اشويه ....
ايار شوفي هذا منو ..

وين مدا اشوف شي ...!

انتبهي هذا مو جلال شعنده يم بيت يوسف ......?

يتبع ....