ليالي ايار

البارت السابع عشر

#ليالي-ايار
الجزء 17
بقلم ازهار ذابله..

وصلت للبيت وامي اشوفها واكفه بالشارع ومن الواضح ع ملامحها حترزل واحتمال تنسحب مني السياره لان اعرف ماما مستحيل تحظني وتبجي وتكلي خفت عليج كوني حذره مره ثانيه اعرف حبهه شلون اكيد كفخه لو رزاله بما اني كفختني الدنيه وفشرخت روحي مو راسي بعد بس الرزاله ...

سجود : حبي ايوو خفت عليج ..
مرام : لج شصار وياج انتي سياقتج عاقله.
ام ايار: خلوها ترتاح لحد تحجي متشوفن راسهه شلون مربوط...
ماما حظنتني ودخلتني ومخلت احد يحجي اتخاف ادوخ لان مضروبه براسي هو اني صح انضربت براسي بس بعدني اتذكر مفقدت الذاكره بس هاي مو ماما هاي وحده جديده جانت خايفه وخلتني بغرفتها وبقت كاعده يمي وتمسح ع شعري بكل عطف وحب ....
هاي الفتره كلها اني مدللة ومحد يضوجني و وضاح يحاول يحجي وياي بس اني ارفض ومااريد اسمع منه شي احس روحي اذا بعدت عنه اتعالج من مرضي اي هو مرض مستحيل شخص يحب واحد ميحبه ويستمر بهذا الحب لمده طويله وبدون اي امل" خلصت عطلتي وسيارتي اتصلحت واول صباح من صباحات الدوام بعد العطله لكيت وضاح ينتظرني ...
صباح العسل يا عسل ..

صباحوو..

شنو هاي الغيبه يعني مختنكتي من البيت ونسيتي ورانه شغل ...

اولا تعرف اني شنو جان وضعي ميسمحلي اطلع وثانياً مالي شغل بالشغل انت بالوصيه مسؤول عن الشغل ..
لا مو شغل الشركه شغلنا التحقيق والجريمه شنو الحادث اثر ع ذاكرتج ..

سكتت اشويه وفكرت اكذب مره ثانيه وادعي بأني نسيت كل الحجي الكلته وكل الاعترافات بس اكون يصدكني ..

مااتذكر اخر شي جنه وين طالعين وشلون صار الحادث مااتذكر شي اتاخرت ع الدوام من رخصتك ...

اوكفي شنو يعني متذكرين شي متأكده ..?
اي مااتذكر ...
لعد من ترجعين من الدوام مري عليه عندي موضوع مهم جداا ولازم افتهمه منج تعرفين مااثق بأي احد غيرج ..
اوك ..سلام ..
سلام ...
اووف بلكوه خلصت منه بس هو مقتنع بعذري شكد اكره الكذب بس من تكذب مره تحتاج الف كذبه حته تغطي الكذبه الاولى وحستمر بالانكار اعتبر نفسي محجيت شي هم زين يريد يسالني عن التحقيق..

وضاح شكد اتعبني" ومعتبرتني مغفل واصدك هاي اعذارها بس اني اتعمد اصدكها احسها اتعالج روحها اتحافظ ع نفسها من الخساره مااعرف شنو احس اتجاهه بس شعوري اتغير خاصتن من اعترفت بحبها بكل صدق جانت تحجي مشاعرها بدون تزوير حسيت روحي اريد اكلها اني بديت اميل الج بس اني اعرف نفسي اذا حجيت شي وبعدين طلع مجرد عطف او حب لهذا الحب الي هي قدمته الي ....الله يسامحج ايار وين وديتيني خليني اكمل البلاوي الي وكعت ع راسي الشركه ديونها متخلص بسبب يوسف واخته شكد نصابين و مدخلين عمي بمشروع فاشل وخسارته كلها اتسددت من ارباح الشركه وهذا الشي اثر ع الشغل بس هم ماافتهمت علاقت يوسف بـ جلال المحقق و رائد هذوله الثلاثه وراهم سر محد يعرفه شنو علاقتهم بله اذا نرجع لفتره زمنيه تطلع معرفتهم بجلال قصيرة الامد بس يوسف و رائد بينهم علاقه قديمه جداا والي عرفته من خلال السيفي الخاص بـ رائد "رائد قبل خمس سنوات جان يشتغل ويه يوسف واستغنه عن خدماته بعد مااستعان بمحاسب اقدم منه يعني استغنه عنه لان كان قليل خبره حسب ماذكر بالسيفي الخاص بي .... بس الحقيقه الله يعلم بيها اذا عمي جان يوثق بي
اكيد ماعنده تلاعب او غش بس احساسي يكلي شكو مصيبه بالشركه وراها رائد ..

ايار رجعت من الدوام تعبانه ودايخه نسيت وضاح بس هو ماينسه شي مركز يعرف شوكت ارجع ردت ادخل للبيت سمعته يصيح ..
ايار اوكفي وين مو كتلج اريدج بموضوع مهم ..
اي اسفه بس نسيت ..
صايره اهوايه تنسين ...
يله اتفضل شنو الموضوع ...?
الحارس الي يشتغل عدكم وين راح وشلون وشوكت اريد تفاصيل عنه وشنو اسمه وين بيتهم اشوكت اشتغل عدكم .?

اشويه خلي افتهم هذا كله لازم اجاوب عليه هسه ...

اسف تعالي اكعدي اهنا بالحديقه واحجي صدك ميصير وانتي واكفه ..

يعني هي هاي المشكله يله مو مهم هاي كعدت بعد شنو هااا لازم احجي عن الحارس ... اسمه مصطفى عمره تقريبا بالخمسين يشتغل عدنا من خمس سنوات " و بيته ب(الدوره) وعنده عائله متكونه من زوجه و ولد وبنت فقط وترك الشغل فجأه بدون سبب قبل وفاة بابا بسبوع اعتذر من الشغل  واخذ راتبه الاخير وراح وبابا جان يدور ع حارس جديد بس ...

اي افتهمت اتكدرين تاخذين راحتج واسف تعبتج ..

ماكو تعب ولا شي ....

هاي شغلت الحارس مو خاليه وراه قصه ليش كلهم يخلون الواحد يشك شنو الخلاه يترك الشغل وليش بهذا التاريخ
هسه هذا اذا وصلتله يمكن اكدر اخذ منه شي مفيد ...
رحت لشركه وبديت اشتغل واشوف شلون اسدد كل هذا الديون ماكو حل غير انبيع الشركه بطريقه اتخلينه انسدد ديونها ونخلص منها لان متعبه وعليها ضغط واكو ناس متريدها بالسوك بس لازم اشرح لـ ام ايار لان اكيد حتعترض واتسويلي فلم واني ما عايز تعب ولغوه ...

رجعت بالليل تقريبا ساعه تسعه
واشوف سجود بالشارع وياها سمسم
رابطته بالساحه وهي لابسه تراك رياضي وتلعب طوبه ويه الجهال ...
ضربت كصتي وسبيت نفسي واريد انتحر بس من هاي البنيه خلص صبري هذن كل وحده علتهه شكل. .
سجود لج سجوووووود ..

هااا وضوحي تعال العب ويانه خوش لعبه اني برشلونه و علي فريقه ريال مدريد ..

اي كريم بنزيمه منو ?لج مخبله شوفي علي شكده وشوفي فريقه مخليه عقلج وياهم ...
شنو ليش احنه شمسوين دا نلعب ..
يله تعالي فوتي وياي ..
ما ما اريد اكمل فريقي فاز ..
لج تعااااااي ..
اي شبيك اتصيح خوفتني ...

جابت سمسم اتسحول بي وعود زعلانه متحجي وياي وتمشي ع كيفها اني اريد اضحك بس اتماسكت مبينت الها. ..

شوف وضاح مزاعلتك والله ..

وزعلتهم بس من ادخلين كولي لـ امج وضاح يريدج بموضوع مهم واذا قبلت اتشوفني تعالي كليلي ...

اي هسه ...

رجعت سجود بعد ربع ساعه كالت ماما تنتظرك .
دخلت وسلام وبديت امهد للموضوع وبعدين كلتلها لازم انبيع الشركه ..
شنوووووو من كل عقلك انت تحجي صدك.

يتبع .. .