#ليالي-ايار
الجزء 9
بقلم ازهار ذابله.
رجعنا للبيت وخلص اليوم بدون اي مشاكل او شي يذكر ماعدا العشه الي
سجود ومرام جبروني اكل وياهم ..
اول مادخلت البيت شفت ام ايار
تدردم وتحجي وايار جانت بالمطبخ
اتحظر الاكل بس الاكل جان مو ع ذوقي يعني اكلات جديده واني مااحب هيج نوع من الاكل احب الاكلات المعروفه "
صح ريحة الاكل اتشهي " بس وجه ام ايار يسد النفس امكابلتني وتعوج بحلكهه وضايجه لان البنات اتعودن عليه ويسولفن وياي.
ام ايار : والله ماخذات راحتجن واتسولفن اشو من ابن خالكم يجي محد تقبل تكعد يمه ليش بله ...?
ايار : انتي كلتيها ابن خالنه ماما اتعرفين شكد مزعج وسوالفه كلها بس بالبيع والشراء وحته المي ينطينه اله سعر بفلان دوله زارها قبل اسبوع ..
سجود : منو ميحب عابد اصلا اني اتمنى احجي وياه بس تعرفين مشاريعه وسفراته ما نريد العراق يخسر ع كولته ..
مرام : امممم هو ميناطق عندج وضاح يسولفنا عن منطقتهم كلش حلوه .
ام ايار : كلجن ضدي عفيه عليجن خوش بنات ..
وضاح : عمه مو اتفقنا ع صلح مصار اهوايه اشو نقذتي العهود ...
ايار : ههههههه والله ميفيد ويه ماما صلح لا تعب نفسك.
ام ايار : اي نسيت وبعدين اني مو عليك عليهن هنه ميحبن اقاربي ..
ايار : ماما انحبهم انحبهم كلهم بس المزعج نشرد منه. .
وضاح : خلينا نحجي بشي اهم وانتو كلكم لازم اتعرفونه " التحقيق بقضية وفاة عمي بعده مخلص واصلا ماتوصلوا لشي ولازم يستجوبنه كلنا ويعرفون اي معلومه " قبل ساعه اتصل المحامي اكرم وكال باجر يجي المحقق للبيت ويسالنه كم سؤال طلب انكون متعاونين " لان لازم انساعدهم حته يتوصلون للقاتل اكو مشتبه بيهم ودز استجواب كامل لـ رائد المحاسب هو هم مشتبه بي " ويوسف يعقوب رجل الاعمال " واخيرا الخال رياض " الي رفض ينطي اي معلومه اتفيد التحقيق واتمسك انو مو من حقهم يتهمونه وهمه ما عدهم دليل عليه ..
ام ايار : يعني اتريد اتوصل فكره انو رياض هو القاتل اتريد اتشوش فكر بناتي واتخليهم يكرهون خالهم ما اسمحلك تفهم شنو مااسمحلك. ..
وضاح : بس اعصابج اشويه اهدئي مو قصدي ولا هذا كلامي اكرم هو الي كال هذا الكلام ومن خلال هذه المستجدات لازم احنه هم يحققون ويانه واحنه مو متهمين بس لازم يعرفون معلومات حته يكدرون يهتدون للقاتل ومااتصور انتي متردين اتعرفين منو قتل زوجج ..!
ام ايار : لا دوخني بكلامك واتحاول اتغير الموضوع انت تعرف اني شكد اتمنه الزم القاتل بيدي واموته اكله باسناني مو بس اموته ..
وضاح : متفقين واني هم لو اعرف القاتل اني اقتله مااريد القانون يحاسبه لان هذا ثاري مو ثار الدوله بس اريد افتهم منو اله مصلحه يقتل عمي بهج طريقه ..
أنت تقرأ
ليالي ايار
Roman d'amourقصه منقوله للكاتبه ازهار ذابله. لم اكن ذلك الرجل الذي تحلم بهِ كل فتاة لم اكن اعني لهم شيً.. ولا انا ذلك الرحال الاشقر الذي يجول البلدان والمدن بحثاً عن الكمال او الحقيه انا لا اعرف نفسي من يعلم قد اكون حلمها في شهر ايار ... قد اكون فارس احلامها قد...
