ليالي ايار

البارت الثاني عشر

مسائوووو عسل ..

#ليالي-ايار
الجزء 12
بقلم ازهار ذابله.

انتبهي هذا مو جلال شعنده يم بيت يوسف ......?

اي هو هذا البلوه المحقق شعنده اهنا .!

والله ماادري بس همزين مشافنه خلي نركن اهنا ننتظره يطلع يله انفوت اهم شي ميشوفنا ..

يله شعدنه خلي ننتظر...

بس مو شي غريب هو كال كملت تحقيق وياهم ليش رجع الهم ايصير لكه دليل لو لاكي دليل جان استدعاهم للمركز مو يجيهم للبيت ...?

هسه شنو اجاوبك انت جاوبت نفسك وشوف من الاخير هذا وراه مصيبه حيشمرها براس واحد لان ما احسه انسان شريف ..

اي اني هم ما حسيته انسان محترم اخلاقه مو اخلاق محقق محترم اتحسينه همجي ..

اي انت مجنت موجود لو شايفه شلون يتصرف وشلون يتهم ماما ورجع يضايق سجود ..

حرامات لو حاجي شي واني موجود الا اخلي يندم ع حياته ..

وضاح هذا شوفه طلع من البيت ..

اي انتبهتله طخي راسج لا تخلينه يشوفنا ..

بعد ما ابتعد جلال اتفقنا ع كل شي حنكوله اني و وضاح ودخلنا بعد ما طلع جلال بدقائق وجان يوسف واكف بالباب بس سلم وطلع اعتذر بشغل مهم ..

استقبلتنا شهد وجان ترحيبها بينا مفرط شكد سلمت واطمنت علينا والحلووه جانت تعرفنا اني وضاح صدمتني من سلمت عليه ..

شهد : هلا بـ المهندسه ماشاء الله صايره شابه ..
وضاح : اسفين ع ازعاجج بس لازم
نفتهم منج كم شغله اتفيدنا بالقضيه انريد نعرفهن ضروري ..

شهد : اتفضل اي شي اني حاظره. .

ايار :صح جانت اكو علاقه بينج وبين بابا ..?
شهد : جنه مخطوبين بس مصار اتفاق وكل واحد راح بطريقه ..

وضاح : يعني شلون اتعرفتي عليه من البدايه بس بأختصار ..?

شهد : جراح جان صديق يوسف وهم بيناتهم مشاريع واني اشتغل بنفس المشروع الـ جراح شريكنا بي وتعرفنا ع بعض وصار بينا حب وردنا نتزوج بس سحر اكتشفت الموضوع وظلت اتهدد وهم شوهت سمعتي كدام المعارف والاصدقاء وصل الحجي لـ يوسف وقرر ينهي كل شي وجراح هم نفس الموقف هم خاف يخسر بناته لان سحر هددته اتهاجر لـ استراليا وانتهينا ....

ايار : يعني ماما مو حقها الي سوته لو انتي اتشوفينها غلطانه يعني اي مراه بمكانها متقبل زوجها يتزوج عليها لا مو بس متقبل وادمر كلشي بطريقها ..

وضاح : قصه قديمه مااريد مشاكل بس اريد افتهم ليش اخوج يوسف زار عمي يوم وفاته ليش بهذا اليوم بالتحديد..